



Maʼlumot oʻrnida, Davlat va din munosabatlari fani 2024//2025-oʻquv yilidan boshlab barcha islom diniy taʼlim muassasalarida malakali mutaxassislar tomonidan oʻtkazilib kelinmoqda. Mazkur fan orqali talabalarga davlat va din oʻrtasidagi munosabatlarning huquqiy asoslari, Oʻzbekiston Respublikasida vijdon erkinligining kafolatlari, diniy bagʻrikenglik, konfessiyalararo totuvlik hamda dunyoviy davlat tamoyillari haqida keng qamrovli bilim va tushunchalar berib borilmoqda.
Dars mashgʻulotlari davomida mavzularni taqdimotlar, savol-javoblar va interfaol usullar orqali yoritishga alohida eʼtibor qaratilmoqda. Bu esa talabalarning mavzuga oid bilimlarini yanada mustahkamlash, mustaqil fikrlash qobiliyatini rivojlantirish, huquqiy savodxonligini oshirish hamda nazariy bilimlarini amaliy misollar orqali boyitishga xizmat qilmoqda.
Umuman olganda, mashgʻulotlar jarayonida talabalarning faol ishtiroki, oʻz fikr-mulohazalarini erkin bayon etishi va muhokamalarda qatnashishi koʻzlangan taʼlimiy maqsadlarga erishishda muhim omil boʻlmoqda. Bunday zamonaviy yondashuv yoshlarning davlat va din munosabatlariga oid bilimlarini chuqurlashtirish, jamiyatda diniy bagʻrikenglik va oʻzaro hurmat tamoyillariga rioya etish koʻnikmalarini shakllantirishga xizmat qiladi.
Bekjon Qurbonov
“Koʻkaldosh” OʻMIBY oʻqituvchisi
tarix fanlari boʻyicha falsafa doktori (PhD)






