Oylarning sayyidi va eng fazilatlisi boʻlgan Ramazon oyi fayzu barakaga toʻla oydir. Ramazon oyida bilim yurtimizda bu fayz oʻz aksini topmoqda.


Madrasamiz ustoz va xodimlarini moddiy jihatdan qoʻllab-quvvatlash maqsadida bugun bilim yurti mudiri Abdulhakim qori Matqulov tashabbuslari bilan bugun Toshkent viloyati, Toshkent tumani «Mirxalil ota» jome masjidi imom-xatibi Ulugʻbek domla Muhammadjonov homiyligida madrasamizda xizmat qiluvchi barcha xodim va ustozlarga oziq-ovqat mahsulotlari hamda ishchi xodimlarga zakot xayriya pullari tarqatildi.



Jumladan har bir kishiga un, guruch, shakar yogʻ, goʻsht, kartoshka, piyoz kabi mahsulotlar, shuningdek tuxum, quruq choy kabi jami 90 million soʻmlik mahsulotlar tarqatildi.
Alloh taolo ushbu ehsonlarni mukofotlarini Oʻz fazli karami ila ziyoda qilib bersin.
A. Gʻaniyev
«Koʻkaldosh» OʻMIBY Yoshlar bilan ishlash, maʼnaviyat va maʼrifat boʻlimi boshligʻi






