SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Келинг, сийратни ўрганамиз!
15.09.2023 / Bo‘limda Islom tarixi, Maqolalar

Келинг, сийратни ўрганамиз!

Сийратни  ўрганиш ва ўргатиш ҳам Расулуллоҳ соллаллоҳу алайҳи ва салламга хизматдир. Муҳаммад соллаллоҳу алайҳи ва салламга хизмат қилиш эса умматнинг зиммасидаги энг улкан вожиб, энг муҳим эҳтиёж, фазилатли хислат, шарафли василадир. Зеро, у зот соллаллоҳу алайҳи ва саллам бизнинг жаҳаннамдан қутулиб қолишимиз, жаннатларга киришимиз, муваффақиятга эришишимиз, саодатнинг барча эшикларини очиб, юксак, олий мартабаларга ҳеч қандай тўсиқларсиз етишишимизнинг асосий сабабидирлар.

Аллоҳ таоло мўминларга Пайғамбаримиз соллаллоҳу алайҳи васалламни ота-оналаридан, фарзандларидан, жуфти ҳалолидан, қариндош-уруғидан, тижорату мол-дунёсидан ҳам юксакроқ муҳаббат билан севишни буюриб, бу муҳаббатни тарк этганларга ёмон оқибатлар бўлишини айтган:

«Ота-оналарингиз, ака-укаларингиз, жуфтларингиз, қариндош-уруғларингиз, топган мол-дунёларингиз, сизлар касод бўлишидан қўрқаётган тижоратларингиз, хуш кўрган масканларингиз сизга Аллоҳдан, Унинг Расулидан ҳамда У Зотнинг йўлида жидду жаҳд қилишдан маҳбуброқ бўлса, у ҳолда Аллоҳнинг амри келгунича кутиб тураверинглар. Аллоҳ фосиқ қавмни ҳидоят қилмайди» (Тавба сураси, 24-оят).

Шунинг учун ўзимизга, фарзандларимизга, ота-оналаримизга, аҳли оиламиз, мол-мулкимизга, атрофимиздаги одамларга нисбатан муҳаббатимиздан кўра Расулуллоҳ соллаллоҳу алайҳи ва салламга муҳаббатимиз кўпроқ, самимийроқ бўлиши керак.

Аллоҳим, барчамизни ана шундай муҳаббатга мувофиқ қилгин, чунки Сен эшитувчисан, ижобат қилувчисан!

Сийрат китобларини ўқиш ҳам бизни саййидимиз Расулуллоҳ соллаллоҳу алайҳи ва салламга етиштирадиган василадир. Биз у зотни ана шу сийрат китоблари орқали таниймиз.

Аллоҳ таоло айтади:

«Ёки пайғамбарини танимай, уни инкор қилишяпти?» (Муъминун сураси, 69-оят)

Расули карим соллаллоҳу алайҳи васалламни яхши таниш, у зотнинг карамли, олий хислатларини билиш ҳар бир оқил, болиғ мусулмонга лозимдир. Бунинг кўплаб сабаблари бор бўлиб, улардан иккитасини санаб ўтайлик:

1. Аллоҳ таоло бандалариниРасули акрам соллаллоҳу алайҳи ва салламга иймон келтиришга буюрган:

«Аллоҳга, Унинг Расулига ва Биз туширган нурга иймон келтиринглар. Аллоҳ қилаётган амалларингиздан хабардордир» (Тағобун сураси, 8-оят)

У зот соллаллоҳу алайҳи ва салламга иймон келтириш бандалардан бу олийжаноб пайғамбарнинг фазилатларини билиш, бошқалардан мартабаси юксаклигини, Аллоҳ таоло у зотга баркамоллик ато қилганини, Ўзи рози бўлган гўзал одоблар билан зийнатлагани, буюк хулқ ва чиройли хилқат билан неъматлантирганини билишни талаб қилади.

Аллоҳ таоло Набий соллаллоҳу алайҳи васалламда барча гўзалликларни яратди, жамики баркамолликни жамлади. У зотнинг шакл ва моҳиятларини бошқа ҳамжинсларидан шу қадар олий қилдики, бирор инсонни у зотга қиёслаб бўлмайди. Ёқут ҳам тош бўлса-да, уни бошқа тошларга ўхшатиб бўлмагани каби, Расулуллоҳ соллаллоҳу алайҳи ва саллам ҳам инсон бўлсалар-да, у зотни бошқа одамларга қиёслаб бўлмайди.  

2. Аллоҳ таоло бандаларига Расул соллаллоҳу алайҳи васалламга эргашишни буюрган:

«Аллоҳни яхши кўрсангиз, менга эргашинглар. Шунда Аллоҳ ҳам сизларни яхши кўради, гуноҳларингизни мағфират қилади», дегин. Аллоҳ Ғафурдир, Роҳиймдир» (Оли Имрон сураси, 31-оят).

Аллоҳ субҳанаҳу ва таоло Ўзининг муҳаббатига олиб борадиган энг тўғри йўлни Пайғамбари соллаллоҳу алайҳи ва салламга эргашишдан иборат  қилиб қўйди.

Аллоҳ таоло айтади:

«…Унга эргашинглар, шоядки, ҳидоят топсангиз» (Аъроф сураси, 158-оят)

Буларнинг барчаси у зот соллаллоҳу алайҳи васалламнинг амаллари, сўзлари ва ҳолатларини ўрганишни, изланиш олиб боришни тақозо қилади. Булардан намуна олиш, бу ишларда у зотга мукаммал эргашиш учун у зотнинг олийжаноб табиатлари, буюк ахлоқлари билан танишиш керак.

Сийрат илмини ўрганиш учун Аҳли сунна вал жамоа эътиқодида, Мотуридия ақидасида, Ҳанафий мазҳабида ёзилган кўплаб манбалар бор. Жумладан, шайх Муҳаммад Содиқ Муҳаммад Юсуф роҳимаҳуллоҳнинг «Муҳаммад Расулуллоҳ» китоблари, «Ҳадис ва Ҳаёт» туркумининг «Оламларга раҳмат Пайғамбар» деб номланган 19-жузи, Алихонтўра Соғунийнинг «Тарихи Муҳаммадия» китоблари, Абдулазим Зиёуддиннинг «Сиз Пайғамбарни кўрганмисиз» китоблари ва яна бошқа кўплаб китобларни айтиб ўтиш мумкин.

Расулуллоҳ соллаллоҳу алайҳи ва салламнинг шамойилларини ўргансак, у зотнинг сифатлари, сийратларини ўргансак, қалбларимизга ҳаёт киради, руҳимиз, онгимиз шодланади, муҳаббатимиз янада зиёда бўлиб, ишқимиз жўш уради.
Аллоҳ таоло барчаларимизни Ҳабибимиз Муҳаммад соллаллоҳу алайҳи ваалламнинг сийратларини ўрганиб, намуна олишга, Ўзини севиб ҳаёт кечиришга муваффақ қилсин. Зеро, У Зот эшитгувчи, ижобат қилгувчидир.

А. Матқулов
«Кўкалдош» ЎМИБЮ мудири

What you can read next

БУЮКЛАР ҲАЁТИ — ИБРАТ МАКТАБИ
Буюклар ҳаёти — ибрат мактаби
Президент нутқи қизғин ўрганилди
Президент нутқи қизғин ўрганилди
Тинчлик – амалий шукр талаб этувчи буюк неъматдир!
Ислом – тинчлик ва осойишталик дини

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP