SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
КАСАЛНИ БЕРГАН ШИФОСИНИ ҲАМ БЕРАДИ!
21.08.2020 / Bo‘limda Maqolalar

Беморлик мўъминга кўп яхшиликлар келтиради

 Касал бўлган кишиларни кузатадиган бўлсак, уларнинг баъзилари бу касалликка сабр қилиб, бундан ҳам зиёдароқ касалга учрамаганлари учун Аллоҳга шукр келтиришса, яна баъзилари эса, бесабрлик қилиб, Аллоҳ таолога нисбатан ҳар хил ноўрин гапириб, ношукрлик қилишади. Лекин, улар Аллоҳ таоло бемор инсонга яхшиликни ирода қилаётганини, бу касалликлар сабабли унга кўп яхшиликлар келишини билмайди. Зеро, Аллоҳ таоло ҳеч кимни бежиз дард ёки мусибатга дучор қилмайди. Албатта, бунинг ҳикмати бор. Шунингдек, бемор киши касаллик пайтида ўзини қандай тутадиган бўлса, натижа ҳам шунга кўра бўлади. Яъни, у бу дардларга сабр қилиб, савоб умид қилса, эвазига улкан ажрларга эга бўлади. Сабрсизлик қилиб, ношукурлик қилса, буни акси бўлиши ҳам мумкин. Бемор кишига келадиган яхшиликлар ҳақида ҳадиси шарифларда кўп нарсалар ваъда қилинган бўлиб, қуйида уларни бирма бир баён қиламиз:

1. Касаллик сабабли инсоннинг гуноҳлари тўкилади.

Бемор кишининг кўнглини таскин қиладиган нарсалардан бири, унинг беморлиги гуноҳларини кечирилишга сабаб бўлишидир. Шунга кўра, у касалига сабр қилади ва гуноҳлари кечирилишни Аллоҳ таолодан сўрайди. Бу ҳақида пайғамбаримиз Муҳаммад соллаллоҳу алайҳи васалламдан жуда ҳам кўплаб ҳадислар ворид бўлган. Жумладан, бир ҳадисда шундай дейилган:

عَنْ أَبِي سَعِيْدٍ وَأَبِي هُرَيْرَةَ رَضِيَ الله عَنْهُما ، عَنِ النَّبيِّ  صَلَّى اللَّهُ عَلَيْهِ وَسَلَّمَ ، قَالَ : « مَا يُصِيبُ المُسْلِمَ مِنْ نَصَبٍ ، وَلا وَصَبٍ، وَلا هَمٍّ ، وَلا حَزَنٍ ، وَلا أذَىً ، وَلا غَمٍّ ، حَتَّى الشَّوكَةُ يُشَاكُهَا إلا كَفَّرَ اللهُ بِهَا مِنْ خَطَاياهُ » . مُتَّفَقٌ عَلَيهِ .

Абу Саъид ва Абу Ҳурайра  розияллоҳу анҳумодан ривоят қилинади:

“Набий соллаллоҳу алайҳи васаллам: “Мусулмонга қийинчилик, касаллик, ташвиш, хафалик, азият ва ғам-ғусса етадиган бўлса, ҳаттоки тикон кирса ҳам, Аллоҳ таоло ўшалар билан унинг гуноҳларини кетказади”, дедилар”. Муттафақун алайҳ.

Ушбу ҳадисда нафақат касаллик, балки инсоннинг бошига келадиган нима қийинчилик, хафачилик бўлса ҳам, эвазига гуноҳларнинг тўкилиши айтиляпти. Бу албатта, барчани хурсанд қилади.

Яна бир бошқа ҳадисда шундай дейилган:

عَنْ عَائِشَةَ رَضِيَ الله عَنْهُا ، عَنِ النَّبِيِّ صَلَّى اللَّهُ عَلَيْهِ وَسَلَّمَ قالَ: «ما مِنْ مُسْلِمٍ يُصابُ بِمُصِيْبَةِ وَجٍعٍ أَوْ مَرَضٍ إِلَّا كانَ كَفّارَةَ ذُنُوبِهِ، حَتَّى الشَّوْكَةُ يُشاكُها، أَوِ النُّكْبَةُ». رَوَاهُ الْبُخَارِيُّ فِي الْأَدَبِ الْمُفْرَدِ

Оиша розияллоҳу анҳодан ривоят қилинади:

“Набий соллаллоҳу алайҳи васаллам: “Мусулмон киши бирор оғриқ ёки касаллик мусибати билан мусибатланса, у гуноҳларига каффорот бўлади. Ҳаттоки, унга тикон кирса ёки фалокат етса ҳам”, дедилар”. Имом Бухорий “Адабул муфрад” да ривоят қилган.

Яна бир ҳадисда шундай дейилган:

عَنْ أُمِّ الْعَلاءِ رَضِيَ الله عَنْهُا قالَتْ : عَادَنيِ رَسُولُ اللهِ  صَلَّى اللَّهُ عَلَيْهِ وَسَلَّمَ وَأنا مَرِيْضَةٌ فَقَالَ : أَبْشِرِي يَا أمَّ الْعَلاءِ ، فَإِنْ مَرَضَ الْمُسْلِمُ يُذْهِبُ اللهُ بِهِ خَطَاياهُ ، كَمَا تُذْهِبُ النَّارُ خَبَثَ الفِضَّةِ. رَوَاهُ أَبُو داوُدَ.

Уммул Ало розияллоҳу анҳодан ривоят қилинади: У киши айтдилар:

“Мен касал бўлганимда Расулуллоҳ соллаллоҳу алайҳи васаллам мени кўргани келдиларда: “Эй, Уммул Ало! Хурсанд бўл. Мусулмон киши касал бўлса, олов кумушнинг кирини кетказгани каби, Аллоҳ таоло унинг гуноҳларини кетказади”, дедилар. Абу Довуд ривоят қилган.

Яна бир ҳадисда шундай дейилган:

عَنْ جَابِرٍ  رَضِيَ اللَّهُ عَنْه  أَنَّ رَسُولَ اللهِ  صَلَّى اللَّهُ عَلَيْهِ وَسَلَّمَ  دَخَلَ عَلى أُمِّ السَّائِبِ ، أَوْ أُمِّ الْمُسَيَّبِ فَقَالَ : « مَا لَكِ يَا أُمَّ السَّائِبِ – أَوْ يَا أُمَّ المُسَيَّبِ – تُزَفْزِفِينَ ؟ » قَالَتْ : اَلْحُمَّى لا بَارَكَ اللهُ فِيهَا ! فَقَالَ : « لا تَسُبِّي اَلْحُمَّى فَإنَّهَا تُذْهِبُ خَطَايَا بَنِي آدَمَ كَمَا يُذْهِبُ الكِيْرُ خَبَثَ الحَدِيدِ » . رَواهُ مُسْلِمٌ .

Жобир розияллоҳу анҳудан ривоят қилинади: 

“Расулуллоҳ соллаллоҳу алайҳи васаллам Уммус Соиб ёки Уммул Мусаййабнинг олдига кирдиларда: “Эй, Уммус Соиб ёки Уммул Мусаййаб! Сенга нима бўлди, титраяпсан?”-дедилар.

У: “Иситма, Аллоҳ унда барака бермасин”, деди.

У зот: “Иситмани сўкмагин. Зеро, босқон темир кирини кетказгани каби, у Одам боласининг гуноҳларини кетказади”, дедилар”. Муслим ривоят қилган.

Демак, бемор киши касалликни сўкмаслиги керак экан. Зеро, бу касаллик ўз-ўзидан келиб қолмаган. Уни Аллоҳ таоло шу бандага тақдир қилган. Бу касаллик туфайли, унинг гуноҳлари мағфират қилинади.

2. Касаллик инсонни дўзахдан озод бўлишига сабаб бўлиши мумкин.

Касаллик инсоннинг гуноҳларини тўкилишига сабаб бўлиш билан бирга, уни дўзахдан озод бўлишига ҳам сабабчи бўларкан. Бу ҳақида ҳадиси шарифда шундай дейилган:

عَنْ أَبِي هُرَيْرَةَ رَضِيَ اللَّهُ عَنْه اِنَّ رَسُولَ اللهِ  صَلَّى اللَّهُ عَلَيْهِ وَسَلَّمَ أَنَّهُ عَادَ مَرِيضًا فَقَالَ: أَبْشِرْ فَإِنَّ اللَّهَ يَقُولُ هِيَ نَارِي أُسَلِّطُهَا عَلَى عَبْدِي الْمُؤْمِنِ فِي الدُّنْيَا لِتَكُونَ حَظَّهُ مِنْ النَّارِ فِي الْآخِرَةِ. رَوَاهُ أَحْمَدُ وَ ابْنُ ماجَة.

Абу Ҳурайра розияллоҳу анҳудан ривоят қилинади:

“Расулуллоҳ соллаллоҳу алайҳи васаллам бир беморни кўргани бориб: “Хурсанд бўл! Зеро, Аллоҳ таоло: “У (иситма) менинг оловим, у охиратда унинг дўзахдаги насибаси бўлиши учун, уни бу дунёда бандамнинг устидан ҳукмрон қилиб қўйдим”, деб айтди”, дедилар”. Аҳмад ва Ибн Можа ривоят қилишган.

3. Касаллик инсонни жаннатдаги юқори мартабага етиши учун сабаб бўлиши мумкин.

Аллоҳ таоло бирор бандани жаннатга киришини ва у ерда юқори мартабада бўлишини ирода қилган бўлса, аммо, банда бу мартабага яхши амаллари билан ета олмайдиган бўлса, Аллоҳ таоло унга турли хил касаллик ёки мусибатлар беради. Шу билан бирга уни шу қийинчиикларга сабр қилиш неъматини ҳам бериб қўяди  ва шу сабаб унинг савобларини кўпайтириб, шу улуғ мартабага уни эриштиради. Бу ҳақида ҳадиси шарифда шундай дейилган:

عَنْ مُحَمَّدِ بْنِ خَالِدٍ، عَنْ أَبِيهِ، عَنْ جَدِّهِ قالَ : قالَ رَسُولُ اللهِ صَلَّى اللَّهُ عَلَيْهِ وَسَلَّمَ: » إِذَا سَبَقَتْ لِلْعَبْدِ مِنَ اللَّهِ مَنْزِلَةٌ لَمْ يَبْلُغْهَا بِعَمَلِهِ ابْتَلاهُ اللَّهُ فِى جَسَدِهِ، أَوْ فِى مَالِهِ، أَوْ فِى وَلَدِهِ، ثُمَّ صَبَّرَهُ حَتَّى يُبْلِغَهُ الْمَنْزِلَةَ الَّتِى سَبَقَتْ لَهُ مِنْهُ. رَواهُ أَبُو داوُدَ

Муҳаммад ибн Холиддан, унинг отасидан, (Муҳаммаднинг) бобоси розияллоҳу анҳудан ривоят қилинади: У киши айтди:

“Расулуллоҳ соллаллоҳу алайҳи васаллам: “Банда учун Аллоҳ таоло томонидан (Аллоҳнинг тақдидирида) у амали билан ета олмайдиган (жаннатдан) бир манзил олдинлатиб қўйилса, Аллоҳ таоло унинг баданида ёки молида ёки боласида (бирор мусибат билан) уни мусибатлайди. Сўнгра, Аллоҳ таоло уни то Аллоҳ томонидан унга олдин қилинган манзилга етказгунгача, уни сабр қилдириб қўяди”, дедилар”. Абу Довуд ривоят қилган.

4. Бемор кишига касалликдан олдинги яхши ишининг савоби ёзилиб туради.

Инсон яхши ва савобли ишларни қилаётган пайтда касал бўлиб, бу ишларни қила олмай қолса, бемор пайтида ҳам шу ишларининг савоби ёзилаверади. Бу ҳақида ҳадисда шундай дейилган:

عَنْ اَبِي مُوسَى الاشْعَرِيِّ رَضِيَ اللَّهُ عَنْه قَالَ : قَالَ رَسُولُ الله صَلَّى اللَّهُ عَلَيْهِ وَسَلَّمَ: « إِذَا مَرِضَ العَبْدُ أَوْ سَافَرَ كُتِبَ لَهُ مِثْلُ مَا كَانَ يَعْمَلُ مُقِيماً صَحِيحاً » . رَوَاهُ الْبُخارِيُّ .

Абу Мусо ал-Ашъарий розияллоҳу анҳудан ривоят қилинади: У киши айтди:

“Расулуллоҳ соллаллоҳу алайҳи васаллам: “Агар банда касал бўлса ёки сафар қилса, унга соғлом ва муқим пайтидаги қилаётган амали мисли ёзилиб туради”, дедилар”. Бухорий ривоят қилган.

Яна бир ҳадиси шарифда шундай дейилган:

عَنْ أَنَسِ بْنِ مَالِكٍ رَضِيَ اللَّهُ عَنْه أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ مَا مِنْ عَبْدٍ يَبْتَلِيهِ اللَّهُ عَزَّ وَجَلَّ بِبَلَاءٍ فِي جَسَدِهِ إِلَّا قَالَ اللَّهُ عَزَّ وَجَلَّ لِلْمَلَكِ اكْتُبْ لَهُ صَالِحَ عَمَلِهِ الَّذِي كَانَ يَعْمَلُهُ فَإِنْ شَفَاهُ اللَّهُ غَسَلَهُ وَطَهَّرَهُ وَإِنْ قَبَضَهُ غَفَرَ لَهُ وَرَحِمَه.رَوَاهُ اَحْمَدُ.

Анас ибн Молик розияллоҳу анҳудан ривоят қилинади:

“Расулуллоҳ соллаллоҳу алайҳи васаллам: “Бирор бандани Аллоҳ таоло баданида бир мусибат билан мусибатласа, Аллоҳ таоло фариштага: “У қилаётган яхши амалини (савобини) унга ёзгин”, деб айтади. Агар Аллоҳ таоло унга шифо берса уни (гуноҳларидан) поклайди. Агар уни жонини олса, уни мағфират қилади ва унга раҳм қилади”, деб айтдилар”. Аҳмад ривоят қилган.

Хулоса қилиб айтадиган бўлсак, ҳадиси шарифлардан кўриниб турибтики, бемор киши хафа бўлиши ёки ношукурлик қилишга асло ҳаққи йўқ. Зеро, унинг учун оқибати фақат яхшилик экан. Аллоҳ таоло унга бирор дард берибтими, демак, Аллоҳ таоло уни эслабди ва унга келажакда яхшиликларни ирода қилибди. Шунинг учун, бемор киши ношукрлик қилмасдан, ўзидан ҳам оғир касаллар борлигини ҳис қилиб, Аллоҳ таолога шукр қилиши ва бу касаллиги гуноҳларига каффорот бўлишини Аллоҳдан сўраб дуо қилиши мақсадга мувофиқ бўлади. Чунки, инсон бошига мусибат етганда ўзини қандай тутадиган бўлса, шунга кўра савоб ёки гуноҳ ёзилиши мумкин. Бу ҳақида ҳадиси шарифда шундай дейилган:

عَنْ أَنَسٍ – رضي الله عنه – قَالَ قالَ النَّبيُّ – صَلَّى اللَّهُ عَلَيْهِ وَسَلَّمَ – : « إنَّ عِظَمَ الجَزَاءِ مَعَ عِظَمِ البَلاَءِ ، وَإنَّ اللهَ تَعَالَى إِذَا أَحَبَّ قَوْماً ابْتَلاَهُمْ ، فَمَنْ رَضِيَ فَلَهُ الرِّضَا ، وَمَنْ سَخِطَ فَلَهُ السُّخْطُ » . رَواهُ التِّرْمِذِيُّ.

Анас розияллоҳу анҳудан ривоят қилинади: У киши айтди:

“Набий соллаллоҳу алайҳи васаллам: “Улуғ мукофотлар катта мусибатлар билан бўлади. Аллоҳ таоло бирор қавмни яхши кўрса, уларни мусибатлайди. Ким (мусибатларга) рози бўлса, у учун розилик ва ким (мусибатларга) ғазабланса, у учун ғазабланиш бўлади”, дедилар”. Термизий ривоят қилган.

Демак, касал бўлган ёки бирор мусибатга учраган киши, бу мусибат Аллоҳдан эканини ҳис қилиб, бунга сабр қилиши ва эвазига савоб умид қилиши керак бўларкан. Шунда, у кўп савобга эга бўлар экан. Агар у ношукрлик қилиб, дод-фарёд қилса, Аллоҳнинг тақдирига норози бўлган бўлади. Бунинг учун савоб ўрнига гуноҳга ҳақли бўлиб қолар экан. Аллоҳ таоло барча беморларга шифо берсин ва беморликлари сабаб, уларнинг гуноҳларини мағфират қилсин!

“Кўкалдош” Тошкент ўрта-махсус ислом билим юрти мударриси Мадаминов Шокиржон.

What you can read next

Ота онага оқ бўлиш
Ота онага оқ бўлиш
ҚУРЪОН ЎҚИШ ЭНГ АФЗАЛ ИБОДАТЛАРДАНДИР
“Саҳобаларнинг фазли борасида юз оят” туркумидан 2-оят
Ҳар янгилик бидъат эмас
Ҳар янгилик бидъат эмас.

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP