“Кўкалдош” ўрта махсус ислом билим юртида 12 октябрдан 1-босқич талабалари учун таништирув дарслари ташкил қилинди. Таълим муассасаси фаолияти билан яқиндан таништириш мақсадида 15 октябр куни билим юрти мудири, мудир ўринбосарлари, гуруҳ раҳбарлари ва талабалар иштирокида очиқ мулоқот бўлиб ўтди. Унда юртимизда диний таълим соҳасидаги ислоҳотлар, билим юртининг олдида турган долзарб вазифалар, давом этаётган пандемия шароитида карантин талабларидан келиб чиққан ҳолда вақтдан унумли фойдаланиб дарсларни ташкил этиш, дарсларда замонавий педтехнологиялардан кенг фойдаланиш каби масалалар муҳокама этилди.
Мулоқот давомида мударрислар, ходимлар ва талабаларни билим юрти ички тартиб-интизом қоидаларига мунтазам риоя этишга, дарсларга ўз вақтида мунтазам қатнашишлари таъкидланди. Одоб-ахлоқ қоидаларига қатъий риоя этишлари лозимлиги айтиб ўтилди.
Талабаларнинг олдида турган энг муҳим вазифа – бу илм, таълим олишга эътибор қаратиш лозимлигини яна бир бор эслатиб ўтилди.
Очиқ мулоқот сўнгида талабалар учун билим юрти томонидан Қуръони Карим китоби совға қилинди.
“Кўкалдош” ўрта махсус
ислом билим юрти матбуот хизмати
