عن أبي مسعود البدري قال: «كنتُ أَضرِب غلامًا لي بالسوط، فسمعتُ صوتًا مِن خلفي: اعلم أبا مسعود، فلم أفهم الصوت مِن الغضب، قال: فلما دنا مني إذا هو رسول الله -صلى الله عليه وسلم- فإذا هو يقول: اعلم أبا مسعود، اعلم أبا مسعود قال: فألقيتُ السَّوط من يدي، فقال: اعلم أبا مسعود أن الله أقدر عليك منك على هذا الغلام، قال: فقلت: لا أَضرِب مملوكًا بعده أبدًا؛ [1]
Абу Масъуд ал-Бадрийдан ривоят қилинади: “Қулларимдан бирини қамчи билан ураётган эдим. Ортимдан “Билиб қўй эй Абу Масъуд” деган овозни эшитдим. Аммо, ғазабдан нима эканлигини англай олмадим. Менга яқинлашганларида қарасам у зот Расулуллоҳ соллаллоҳу алайҳи васаллам эканлар. У киши “Билиб қўй эй Абу Масъуд. Билиб қўй эй Абу Масъуд” деяётган эдилар. Қўлимдан қамчимни тушириб юбордим. Сўнг шундай дедилар: “Билиб қўй эй Абу Масъуд. Аллоҳ таоло сендан кўра бу қулни (жазолашга) қодирроқдир”. Мен “Бундан кейин қулларни ҳеч ҳам урмайман” дедим.
Ҳақ айтилган пайтда унга қаршилик қилмасдан, қабул қилишлик – ҳақиқий мусулмоннинг ишидир. Ҳар қачон Расулуллоҳ соллаллоҳу алайҳи васалламнинг ҳадислари айтилган пайтда унга амал қилишга ҳаракат қилишимиз зарур. Шунингдек, ушбу ҳадисдан билиоб оламизки, қўл остимиздагиларга яхши муомилада бўлиш лозим. Агар хато иш қиладиган бўлсалар уларга насиҳатб қилишимиз, қилган ишларига уларни урмаслигимиз лозим. Чунки, улар ҳам Аллоҳнинг бандаси. Адолатли зот Аллоҳ барча гуноҳкорларнинг жазосини Ўзи беради.
Аллоҳ таоло билиб-билмай қилган гуноҳларимизни мағфират қилсин!
Кўкалдош ўрта махсус ислом билим юрти
4-курс талабаси Абдуссами Эргашев
[1] Имом Муслим ривояти
