SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
КОНСТИТУЦИЯМИЗДА БАҒРИКЕНГЛИК ТАМОЙИЛЛАРИНИНГ АКС ЭТИШИ
07.12.2018 / Bo‘limda Bagʼrikenglik va jamiyat, Maqolalar, Yangiliklar

Конституция – фаровонлик асоси

Юртимиз мустақиллигига 27 йилдан ошди. Тарихан қисқа муддат – чорак асрда эришилган ва қўлга  киритилган катта ютуқлардан бири инсон  ҳуқуқ  ва  эркинликларини таъминловчи  ҳужжат – Бош Қомусимизнинг қабул қилиниши бўлди.

Давлатнинг шаклланишида Конституция муҳим аҳамиятга эга. Бизнинг Бош Қомусимиз халқимизнинг ҳаёт тарзи ва урф-одатларидан келиб чиқиб қабул қилинган. У бирор бошқа давлатнинг қонунларидан кўчириб олинмаган. Унда халқимизнинг имон-эътиқоди, меҳр-оқибати, ор-номуси ва диёнати каби эзгу фазилатларнинг барчаси эътиборга олинган. Қисқа қилиб айтганда, инсон ҳаёти учун зарур барча ҳақ-ҳуқуқлар баён қилинган.

Конституция инсоннинг қадр-қимматини улуғлаш, унинг ҳуқуқий, қонуний манфаатлари дахлсизлигини таъминлашга хизмат қилади. Унда баён этилган  тамойиллар ҳар бир шахс ўзини бахтиёр хис этиши, осуда ва фаровон яшашига қаратилган.

Юртимизда истиқомат қилувчилар Қомусимизда белгиланган ҳуқуқ ва эркинликлардан тўлиқ фойдаланмоқдалар, десак муболаға қилмаган бўламиз. Хусусан, унда виждон, эътиқод эркинлиги кафолатланган. Жумладан 31 моддада бундай ёзилган: “Ҳамма учун виждон эркинлиги кафотланади. Ҳар бир инсон хоҳлаган динига эътиқод қилиш ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди”. Шунингдек, жамиятдаги барчанинг ҳуқуқлари ва эркинликлари кафолатланган. Қомусимизнинг 43-моддасида: “Давлат фуқароларнинг Конституция ва қонунларда мустаҳкамланган ҳуқуқлари ва эркинликларини таъминлайди”, дейилган. Конситуциянинг IX боби “Иқтисодий ва ижтимоий ҳуқуқлар”, деб номланган. Унда ҳар бир шахснинг мулкдор бўлиши, эркин касб танлаши, ҳақ тўланадиган меҳнат таътили олиши, меҳнатга лаёқатини ва боқувчисини йўқотганда ижтимоий таъмонот олиши, тиббий хизматдан фойдаланиши, бепул умумий таълим олиши қонун билан белгилаб қўйилган. Меҳнат қилиш ҳуқуқи Конституциясининг 37-моддасида кенгроқ тарзда ёритилган бўлиб, унда “Ҳар бир шахс меҳнат қилиш, эркин касб танлаш, адолатли меҳнат шароитларида ишлаш ва қонунда кўрсатилган тартибда ишсизликдан ҳимояланиш ҳуқуқига эгадир”. Дам олиш ҳуқуқи Конституциясининг 24-моддасида “Ёлланиб ишлаётган барча фуқаролар дам  олиш ҳуқуқига эгадирлар. Иш вақти ва ҳақ тўланадиган меҳнат таътилининг муддати қонун билан белгиланади”.

Муқаддас динимизда оила ва никоҳга катта эътибор берилади. Насл-насабни сақлаш, авлодлар бардавомлигини таъминлаш, жамиятнинг ҳар жиҳатдан  қудратли бўлишининг асосий омили дея эътироф этилган. Конституциянинг 63-моддасида ҳам оилага алоҳида тўхталиб ўтилади: “Оила жамиятнинг асосий бўғинидир ҳамда жамият ва давлат муҳофазасида бўлиш ҳуқуқига эга”. Шунингдек, мамлакатимизда йил номларига “Оила йили”, “Мустаҳкам оила йили”, “Оналар ва болалар йили” каби номларнинг берилгани жамиятнинг жон томири бўлган оилани мустаҳкамлашга нақадар катта эътибор қаратилаётганини кўрсатади.

Бугунги кунда ҳам содир этилаётган жиноятчиликнинг турли хил кўринишлари, жумладан, зўравонлик, пичоқбозлик, ўғрилик, фирибгарлик кабилар, албатта, қонунларга амал қилмаслик боисидан келиб чиқади. Ваҳоланки, Ўзбекистон Республикаси Конституцияси дунё тузуклари орасида мукаммаллиги жиҳатидан етакчи ўринларда туради. Ҳатто жаҳондаги ривожланган давлатлар ҳам бизнинг Конституциянинг пухталиги ва ўрнак олишга арзигулик эканини кўп бор эътироф этади. Шундай экан, шу жамиятнинг ҳар бир аъзоси қонунларни ва Бош Қомусимиз – Конституцияни билиши, ундан онгли равишда хабардор бўлиши даркор.

Асосий Қонунимиз қабул қилинган кун арафасида шуни алоҳида таъкидлаймизки, мустақил юртимиз тинч ва осуда, барча миллат ва элатлар ҳамжиҳатликда ва хотиржамликда яшаётгани, шу вақтгача миллий ва диний низолар келиб чиқмагани бу борада катта ишлар амалга оширилаётганидан дарак беради. Кишилик жамиятида қонунларнинг аҳамияти жуда ҳам катта. Дарҳақиқат, адолатли қонунлар халқ фаровонлиги ҳамда дунё ва охират ободлигининг асосидир.

Зиёуддин МИРСОДИҚОВ,

“Кўкалдош” ўрта махсус ислом билим юрти мудири

What you can read next

Мотуридий мактабининг ривожланиш тарихи
Мотуридий мактабининг ривожланиш тарихи
Anglashuv memorandumi ijrosi: Iordaniya talabasi “Koʻkaldosh” madrasasida
Anglashuv memorandumi ijrosi: Iordaniya talabasi “Koʻkaldosh” madrasasida
ИЛМИЙ МАРКАЗ “КЎКАЛДОШ”ДА
Илмий марказ “Кўкалдош”да

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP