SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
RASULULLOHGA MUHABBAT
03.10.2022 / Bo‘limda Maqolalar

Ақли энг зукко зот

Ақл инсонларга берилган неъматларнинг энг улуғидир. Ақл билан инсон бошқа ҳайвонлардан ажрайди. Ақл барча фазилатларнинг асоси ва одоб-ахлоқларнинг манбаси ҳисобланади.

Умар ибн Хаттоб розияллоҳу анҳу: “Инсоннинг асли унинг ақлидир, обрў-эътибори унинг динидир ва мурувати эса унинг хулқидир” –деганлар. Шунга кўра инсонларнинг ҳаммаси одамликда баробар, уларнинг орасидаги даража ақлларининг оз ва кўплиги билан бўлади. Аллоҳ таоло ўз фазли ва раҳмати билан баъзиларни баъзилардан ақл ва зийракликда ортиқ қилган.

Аллоҳ таоло Ўз пайғамбарига фазли ва раҳмати улуғ эканлигини қуйдаги ояти каримада зикр қилади.

 وَأَنْزَلَ اللَّهُ عَلَيْكَ الْكِتَابَ وَالْحِكْمَةَ وَعَلَّمَكَ مَا لَمْ تَكُنْ تَعْلَمُ وَكَانَ فَضْلُ اللَّهِ عَلَيْكَ عَظِيمًا)113)

Аллоҳ сизга китоб ва ҳикматни нозил қилди ва билмаганингизни билдирди. Аллоҳнинг сизга (нисбатан) фазли буюкдир.

Бу оятнинг мазмунига қаралса, Қуръони каримга иймон келтирган ҳар бир инсон Пайғамбаримиз Муҳаммад алайҳиссаломнинг даража ва мартабалари қандоқ улуғ эканлигини яхши тушунади. Мазкур оятидаги хитоб Пайғамбаримиз Муҳаммад алайҳис саломга қаратилган бўлиб, у зотга илм ва ҳикматни бериб, билмаган нарсаларини ўргатганлигини миннат қилиб зикр қилмоқда. Аллоҳ таоло илм билан у зотнинг ақлини том қилди. Илмнинг зиёда бўлишлиги ақлнинг зиёда бўлишлигини лозим қилади. Ақл илм билан касб бўлади.

Аллоҳ таоло халқнинг ички ва ташқи сифатларини қолдирмай Расулуллоҳга билдирган эди. Шунга кўра уларнинг қалбини ислоҳ қилар, одоб-ахлоқини гўзал қилиб тарбия берар эди. Аллоҳ илм ва ҳикмат билан у зотни ақлини том қилгани учун ҳар кимни дардига қараб даво қилар эди. Халқнинг зоҳирий ва ботиний ахлоқларини тузатиш учун Пайғамбар қилиб юборилган эди. Расулуллоҳ Аллоҳ яратган барча олий сифатларга эга эди. Шунинг учун Аллоҳ таоло бу зотни бутун оламга пайғамбар қилди. Шундоқ улуғ хизматни бажариш учун бу зотни комил қилиб яратди.

Тобеинларнинг улуғларидан бири Ваҳб ибн Мунаббиҳ раҳматуллоҳ алайҳ: Ўтган пайғамбарларга нозил қилинган китоблардан етмиш биттасини ўқидим. Уларнинг ҳаммасида “Расулулоҳ саллаллоҳу алайҳи васалламнинг ақли ҳамманинг ақлидан устун ва фикри кенгликда ҳамманикидан афзал”, бошқа бир ривоятда  “Дунёнинг бошланишидан охиригача бўлган инсонларнинг ҳаммасига берилган ақл Расулуллоҳ саллаллоҳу алайҳи васалламнининг ақллари олдида дунё қумларидан бир қумга ўхшаш яъни Расулуллоҳ саллаллоҳу алайҳи васалламга берилган ақл гўё дунё қумларининг ҳаммасидек кўп, у зотдан бошқа инсонларга берилган ақл дунё қумларидан бир дона қум мисолида” –деб сифатланганлигини  кўрдим дейди.

Ислом олами инсоннинг энг улуғи бўлган Муҳаммад саллаллоҳу алайҳи васалламни энг ақлли зот деб билиши табиий ва зарурийдир.  

Олмонялик машҳур мутафаккир ва шоир Гёте “Агар Муҳаммад тирик бўлганида ҳозир биз бош қотираётган муаммоларни бир пиёла чой устида ҳал қилган бўларди” – дейди.

Пайғамбаримиз Муҳаммад алайҳис саломни таниш ва у зотга муҳаббатли бўлиш иймоннинг бир бўлагидир. Ақоид китобларимиз ҳаммасида Аллоҳ таолонинг исм ва сифатларини баёнидан кейин Муҳаммад алайҳиссалом тўғрисида эътиқод қилишимиз лозим бўлган сифатлар батафсил баён қилинади.

Имом Таҳовий раҳматуллоҳ алайҳ ўзининг “Ақидату ат-Таҳовия” китобида:    “Муҳаммад соллалоҳу алайҳи васаллам Аллоҳ таолонинг танлаб олган бандаси, саралаб олган набийси, рози бўлган расули, пайғамбарларнинг охиргиси ва уларнинг саййиди, тақводорларнинг имоми ва оламлар Роббисининг ҳабибидир” –дейди.

Аллоҳ таоло танлаб олган бандаси, саралаб олган набийси ва рози бўлган расул Муҳаммад алайҳис салом инсонларнинг ичида ақли энг закий, фаҳми ўткир эканлиги муқаррардир.

Аллоҳ таоло барчамизни  Расулуллоҳ саллаллоҳу алайҳи васаллам ҳидоят йўлида бардавом қилсин.

Холмўминов Жалолиддин

“Кўкалдош” ўрта махсус ислом билим юрти мударриси

What you can read next

Жума хутбаси ва унинг ҳукмлари
Жума хутбаси ва унинг ҳукмлари
Amir Temur – Islom himoyachisi va adolat timsoli
Amir Temur – Islom himoyachisi va adolat timsoli
Рамазон рукнидан: рўзанинг сирлари ва одоблари
Рамазондаги камчилигимиз

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP