SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Ғанимат зотлар
31.05.2021 / Bo‘limda Maqolalar

Ғанимат зотлар

“Биз инсонни ота-онасига яхшилик қилишга буюрдик”
(Аҳқоф сураси, 15-оят)

Ҳаётимизда шундай буюк зотлар борки, биз ҳамиша уларнинг меҳрини ҳис қилиб яшаймиз. Улар ҳар биримиз учун азиз ва мўътабар бўлган ғанимат ота-оналаримиздир. Бизнинг туғилиб, эс-ҳушимизни танишимизда, вояга етиб, билим ва касб эгаллашимизда, инсоний фазилатлар соҳиби бўлиб етишишимизда, жамиятда комил инсонлар қаторидан жой олишимизда уларнинг буюк ҳиссалари бор. Шу боис, ота-онага итоатли бўлиш, фарзандлик бурчини тўлиқ адо этиш ҳар бир кишининг зиммасидаги шарафли масъулиятдир.

Ота-боболаримизнинг муқаддас дини Исломнинг таълимоти барча кишилар учун ота-онага яхшилик қилишни ибодатдан кейинги иккинчи вазифа этиб қўяди. Яъники, фарзанднинг ота-оналарга нисбатан ҳурмат сақлаши, сўзларини қайтармаслиги, ҳақларига яхши дуолар қилиб фарзандлик бурчларини адо этиши лозимлиги белгиланади. Қуръони каримнинг Аҳқоф сураси,15-оятида шундай хитоб қилинади: “Биз инсонни ота-онасига яхшилик қилишга буюрдик”.

Яна бир ояти каримада эса: “Ота-онанинг юзига қараб уф тортманг, уфф деманг, улар сизни кичиклигингиздан тарбия қилдилар, дунёга келтирдилар. Сизнинг уф тортишингиз уларнинг кўнглини яралайди. Биз болаларимизга қаноатли ҳаёт бера олмабмизда, деб ўкинтиради”, деган мазмундаги оят мавжуд. Шунингдек, ота-онага уф тортиш ҳаёсизлик, уларга хизматда бўлиш эса гўзал фазилат экани ҳадисларда ҳам зикр этилди. Хусусан, ҳадисларда Пайғамбаримиз Муҳаммад (с.а.в) шундай таъкидлаганлар: “Ким қари ота-онасига ёрдам бериш учун ҳаракат қилса, Аллоҳнинг йўлидадир”.

Бундан ташқари, ислом уламолари фарзанднинг ота-она олдидаги одобларини  белгилаб берадилар. Жумладан, – ота-она нима деса диққат билан қулоқ солиш;
– уларнинг олдига тушиб юрмаслик;
– нимаики буюрсалар ва буюрган нарсаларида хиёнат ёки гуноҳ иш бўлмаса жону дил билан бажиш;
– ўтирган жойларидан турсалар фарзанд ҳам ирғиб туриш;
– чақирсалар лаббай деб жавоб бериш;
– уларни хурсанд қилишга ҳамиша орзуманд бўлиш;
– олдиларида таъзим билан туриш;
– қилган ишларини миннат қилмаслик;
– ота-онанинг бир хил ишлари учун аччиғланиб, уларга ҳумрайиб қарамаслик;
– рухсатларисиз сафарга кетмаслик.

Яна бошқа жиҳатлар борки, баъзан буларга кўп ҳам эътибор беравермаймиз. Хусусан, уларнинг олдиларида одоб сақлаш керак, енгил кийимда ўтирмаслик, бирор ери оғриётган бўлса, отани-онани ташвишга солмаслик учун имкони борича яширишга ҳаракат қилиш муҳимдир.

Бундан ташқари, ота-онанинг зиёратини канда қилмаслик муҳим аҳамиятга эгадир. Бу ҳақда Абу Зарр Ғифорийдан ривоят қилинган ҳадисда Расулуллоҳ (с.а.в.) шундай марҳамат қилганлар: “Кимда-ким ота-онасининг зиёратига борса, Аллоҳ таоло унинг босган ҳар бир қадамига юзта ҳасанот ёзиб, юзта гуноҳини ўчиради ва унинг даражасини юз баробар кўтаради. Қачонки уларнинг ҳузурларида ўтириб, уларни хурсанд қиладиган ширин сўзлардан гапирса, қиёмат кунида Аллоҳ таоло унинг олдини ёритиб турадиган нур ато этади. Уларнинг олдиларидан чиққанда гуноҳлари кечирилган ҳолда чиқади”.

Аслида, волидаи муҳтарамаларимиз ва падари бузрукворларимизнинг олдидаги фарзандлик бурчларини санаб ниҳоясига етказиш маҳол. Муҳими уларга доимо эътиборли бўлишимиз жоиз. Бинобарин, улар ғаниматларимиздир.

Абдумавлонов Абдуллоҳ
“Кўкалдош” ўрта махсус ислом таълим муассасаси 3-курс талабаси

What you can read next

“Расулуллоҳ соллаллоҳу алайҳи ва саллам қиёматда менга шафоатчи ва гувоҳ бўлсинлар, десангиз...” туркумидан
“Расулуллоҳ соллаллоҳу алайҳи ва саллам қиёматда менга шафоатчи ва гувоҳ бўлсинлар, десангиз…” туркумидан 5- ҳадис “Ёмонлик ва бидъатларни рад этиш”
Мазҳаб тушунчаси ва мужтаҳидларнинг даражалари
Мазҳаб тушунчаси ва мужтаҳидларнинг даражалари
 “Ал-Қомус” – ноёб сўз хазинаси
 “Ал-Қомус” – ноёб сўз хазинаси

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP