SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Рамазон сабр ойи
27.04.2020 / Bo‘limda Fiqh, Maqolalar

Рамазон сабр ойи

Рамазон ойи ойларнинг улуғи ва султонидир. У “Аллоҳ таолонинг ойи”, “Қуръон карим ойи”, “Истиғфор ва тавба ойи”, “Раҳмат ва мағфират ойи” “Барака ойи”, “Сийлаи раҳм ойи”, “Дуо ойи” ва бошқа улуғ номлар билан номланади. Бу ойнинг номларининг кўплиги фазилати кўплигидандир.

Рамазон ойида рўза тутиш учун бандадан сабр-тоқат ва чидамли бўлишни талаб қилади. Рўза сабрсизга сабрни ўргатса, сабрлининг сабрини чархлайди. Шунинг учун ҳам “Рамазон сабр ойи” деб номланади.

Салмон Форсий розияллоҳу анҳудан ривоят қилинган ҳадисда Пайғамбар алайис салом “Бу ой сабр ойидир. Сабрнинг савоби жаннатдир” – дейдилар. Мужиба ал-Боҳилия розияллоҳу анҳодан ривоят қилинган ҳадисда эса “Сабр  ойида тўлиқ рўза тут, бошқа ойларда уч кун  рўза тут” – дейдилар.

Сабрнинг асл маъноси ўзини тийиш ва тўхтатишдир. Рамазон ойида рўза тутган киши  ўзини емоқ, ичмоқдан тўхтатади. Унда аъзолар ҳам рўза тутади. Кўз, қулоқ, тил, қўл, оёқ ва ҳакозалар гунохдан сакланади. Агар мазкур аьзоларни гунохдан сакланмаса рўзанинг савоби камайиб кетади. Абу Ҳурайра розияллоҳу анҳудан ривоят қилинган ҳадисда Пайғамбар алайис салом “Қачон бирортангиз рўзадор ҳолида бўлса, беҳаё сўзларни гапирмасин ва жоҳиллик ҳам қилмасин. Агар биров билан сўкишмоқчи ёки урушмоқчи бўлса, “Мен рўзадорман, мен рўзадорман” десин”- дедилар.

Мусулмон инсон тилини доимо ёмон сўзлардан, беҳуда гаплардан тиймоғи лозим. Рўзадор мусулмон учун эса бу таъкид яна ҳам кучли бўлади . Демак, рўза тутган одам ўзини нафақат таом ва шаробдан , балки ноъмақул гап сўз ва ишлардан ҳам тиймоғи лозим. Уриш-жанжал қиладиган киши дуч келганда сабр қилиш рўзадор вазифасидир.

Рамазон ойида таровий намозида, Қуръон хатмида, зикр, тасбеҳ ва истиғфорларда  сабр ва ихлос билан савобни яна кўпайтириш лозим. Дин қайтарган нарсалардан ўзини тийиш сабрнинг бир қисми бўлса, дин буюрган ишларда бардавомлик, собит қадам бўлиш иккинчи ярмидир.

Рамазон рўзаси инсон тоқат қилиши мункин бўлган вазифалардан иборат. Дин инсон тоқатидан ортиғига буюрмайди. Айни вақтда кунларнинг иссиқ бўлиши рўза тутмасликка сабаб бўлолмайди.

Аллоҳ таоло Бақара сурасининг 185 оятида “Сизлардан ким бу ойда ҳозир бўлса, рўзасини тутсин. Ким бемор ёки сафарда бўлса, (тута олмаган кунларининг) саноғи бошқа кунлардандир. Аллоҳ сизларга енгилликни истайди, оғирликни хоҳламайди” – дейди.

Ушбу ояти каримада Аллоҳ бандаларини Рамазон ойининг рўзасига тутишга буюриб, орқасидан Аллоҳ бандаларига енгиликни ҳоҳлашини, оғир машаққатли ишларга буюрмаслигини эълон қилмоқда.

Ушбу ояти кариманинг ҳукмига кўра Рамазон ойида касаллиги сабаб рўза тутишни саломатлиги кўтармаган киши, шунига ўхшаш ҳомиладор ва эмизувчи аёллар рўза тутмаслиги мункин.  Улар имкон топган ватда тутмаган кунларининг миқдорича бир кунга бир қазо рўза тутиб беради. Соғлиги тикланадиган касал, ҳомиладор ва эмизувчи аёллар Рамазон ойидаги рўза тутмаган кунлари учун фидя бермайдилар. Мазкур узрлар рўзани кечиктириш сабаб бўлади.

 Агар ёши улуғлиги сабабли рўза тутишдан ожиз бўлса ёки оғир касал бўлиб, тузалишдан умудини узган бўлса рўза тутмайди. Рамазоннинг ҳар бир куни учун фитр садақасининг микдорида фидя беради. Фидя миқдори 2 кг буғдой ёки унинг миқдоридаги пул бўлади. Агар фидя бергандан кейин рўза тутишга қодир бўлиб қолса қазо рўза тутади.

Аллоҳ таоло рўза тутувчи барча бандаларига сабр берсин!

“Кўкалдош” ўрта махсус                      Жалолиддин Холмўминов

билим юрти мударриси

What you can read next

“Меҳр-мурувват карвони” Хоразмда
“Меҳр-мурувват карвони” Хоразмда
ҲАЖ-1889 (фотожамланма)
Исломдан илгари арабларнинг ҳаж ибодатлари қай тарзда бўлган?
Миссионерлик ҳақида
Миссионерлик ҳақида

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP