SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Равотиб суннат намозлари (Бомдод намозининг равотиб суннати)
09.03.2019 / Bo‘limda Fiqh, Maqolalar, Yangiliklar

Равотиб суннат намозлари (Бомдод намозининг равотиб суннати)

Фарз намозларини адо қилиш вақтида фарзнинг олдидан ёки ортидан фарз намозлар билан бирга ўқиладиган намозларни “Равотиб суннат намозлари” дейилади. Равотиб суннат намозларининг вақти ҳар бир фарз намознинг вақти билан қайдланади.
Равотиб намозларнинг баъзиси таъкидланган суннат, баъзиси эса таъкидланмаган суннатдир. Таъкидланган суннат қуйидаги ҳадиси шарифда баён қилинади:
عَنْ عَائِشَةَ رَضِىَ اللَّهُ عَنْهَا قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ: «مَنْ ثَابَرَ عَلَى اثْنَتَيْ عَشْرَةَ رَكْعَةَ مِنَ السُّنَّةِ بَنى الله لَهُ بَيْتاً في الْجَنَّةِ أَرْبَعِ رَكَعَاتٍ قَبْلَ الظُّهْر، وَ رَكْعَتَيْنِ بَعْدَهَا ، وَرَكْعَتَيْنِ بَعْدَ المَغْرِبِ، وَرَكْعَتَيْنِ بَعْدَ الْعِشَاءِ، وَرَكْعَتَيْنِ قَبْلَ الْفَجْر». رَوَاهُ َالتِّرْمِذِيُّ
Оиша розияллоҳу анҳодан ривоят қилинади: Расулуллоҳ соллаллоҳу алайҳи васаллам: “Ким суннат бўлган ўн икки ракъат намозни бардавом ўқиса, Аллоҳ унга жаннатда қаср бино қилади. (У ўн икки) ракъат пешиндан олдин тўрт ва кейин икки ракъат, шомдан кейин икки ракъат, хуфтондан ке¬йин икки ракъат, бомдоддан олдин икки ракъат”, –дедилар(Имом Термизий ривоят қилган).
Ушбу таъкидланган суннатларни инсон ихтиёрий қасд билан тарк қилиш дуруст эмас. Ҳаттоки, мусофир сафарда тўрт ракъатлик фарз намозларни қаср қилиб ўқиса ҳам, бу суннатларни тўлиқ ўқийди.

Бомдод намозининг икки ракъат суннати икки ракъат фарзидан олдин ўқилади. Унинг фазилати бир неча ҳадиси шарифларда баён қилинади. Жумладан:
عَنْ عَائِشَةَ رَضِىَ اللَّهُ عَنْهَا قَالَتْ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ « رَكْعَتَا الْفَجْرِ خَيْرٌ مِنْ الدُّنْيَا وَمَا فِيهَا ». رَوَاهُ مُسْلِمٌ وَالتِّرْمِذِيُّ وَأَحْمَدُ
Оиша розияллоҳу анҳодан ривоят қилинади: Расулуллоҳ соллаллоҳу алайҳи васаллам: “Бомдоднинг икки ракъати дунё ва ундаги нарсалардан яхшидир”, – дедилар (Имом Муслим, Термизий ва Аҳмад ривоят қилган).
Равотиб суннат намозлари ичида бомдод намозининг суннати энг кўп таъкидлангандир. Шунинг учун унинг ўзига хос баъзи фаръий масалалари бор. Мисол учун қиёмга қодир киши узрсиз суннат ва нафл намозларини ўтириб ўқиши жоиз бўлса-да, бомдод намозининг суннатини ўтириб ўқиши жоиз эмас.
Шунингдек бирор бир намоз ўз вақтида ўқилмаса, у намознинг фарзи қазо қилинган вақтда равотиб суннати ўқилмайди. Лекин бомдод намози ўз вақтида ўқилмаса ва пешин намозигача бомдод намозининг қазоси ўқилса, икки ракъат суннатнинг қазоси ҳам ўқилади.
Бомдод намозининг суннатига хос бўлган масалалардан яна бири жамоат билан бомдод намозининг фарзи ўқилётган бир вақтда мазкур бомдод намозининг суннатига киришиш дуруст бўлади. Агар бомдод намозининг фарзидан бир ракъатига (яъни иккинчи ракъатига) етадиган бўлса, суннатни ўқийди. Чунки, шу тариқа ҳам фарзнинг, ҳам суннатнинг фазли топилади. Шу ўринда мазкур суннатни масжиддан ташқарида (айвонда) ёки устун ва шунга ўхшаш сутранинг орқасида ўқиш лозим. Фарз адо қилиниб турган сафда суннат намоз ўқиш жоиз эмас.
Аммо, бомдоднинг суннатини ўқиса жамоатга етиша олмайдиган бўлса, суннатни ўқимай жамоатга иқтидо қилади.
Мазкур фарздан олдин ўқилмай қолган икки ракъат суннат фарзнинг орқасидан ўқилмайди. Чунки, фарздан кейин қуёш чиқиб бир миқдор кўтарилгунга намоз ўқиш макруҳдир. Шунингдек, имом Абу Ҳанифа раҳматуллоҳи алайҳи наздида мазкур суннатнинг қазоси ўқилмайди, фақатгина юқорида зикр қилинганидек, суннат фарзга тобеъ ҳолда ўқилади. Имом Муҳаммад раҳматуллоҳи алайҳи наздида қуёш кўталилгандан сўнг завол вақтигача суннат қазо қилинади.

Давоми бор…..

“Кўкалдош” ўрта махсус билим юрти мударриси
Холмўминов Жалолиддин

What you can read next

“Koʻkaldosh” oʻrta maxsus islom bilim yurti mudarrisi tadbirda qatnashdi
“Koʻkaldosh” oʻrta maxsus islom bilim yurti mudarrisi tadbirda qatnashdi
photo 2022 02 21 11 56 23
Тил бор экан – миллат барҳаёт
Тил бор экан – миллат барҳаёт

СЎНГИ МАҚОЛАЛАР

  • Kökaldoş madrasasi jamoasi «Yangi Özbekistonda diniy bağrikenglik» xalqaro ilmiy-amaliy konferensiyasida

  • «Kökaldoş» madrasasi öqituvchisi yuksak nişon bilan taqdirlandi

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • Ilm amal bilan kamolga yetadi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP