Oʻzbekiston musulmonlari idorasining “Taʼlim muassasalarida qishki taʼtil muddatini belgilash toʻgʻrisida”gi 01A/139-sonli buyrugʻi 2.5-bandining ijrosini taʼminlash maqsadida Koʻkaldosh oʻrta maxsus islom taʼlim muassasasida islom bilim yurti pedagog-oʻqituvchilari uchun ilmiy-tadqiqot ishlari, oʻquv jarayoniga oid meʼyoriy-huquqiy hujjatlar, zamonaviy pedagogik texnologiyalar va metodlar hamda ixtisoslik fanlari boʻyicha qisqa muddatli oʻquv-seminarlar tashkil etilmoqda.


Joriy yilning 8-yanvar kuni oʻtkazilgan oʻquv-seminar mashgʻulotida Oʻzbekiston xalqaro islom akademiyasi dotsenti Saidafzal Saidjalolov ishtirok etdi.


Mashgʻulot davomida mutaxassis tomonidan “Ilmiy faoliyat olib borishdagi muhim jihatlar” mavzusida maʼruza qilinib, unda ilmiy izlanishlarni rejalashtirish, mavzu tanlash mezonlari, manbalar bilan ishlash, ilmiy halollik, maqola va tadqiqotlarni rasmiylashtirish masalalari atroflicha yoritildi.Shuningdek, ilmiy faoliyatda tizimlilik, uzviylik va zamonaviy ilmiy yondashuvlarning ahamiyati misollar asosida tushuntirildi hamda ishtirokchilarni qiziqtirgan savollarga batafsil javoblar berildi.
Abdurahmon Ismoilov«Koʻkaldosh» OʻMIBY oʻquv-uslubiy boʻlim uslubchisi






