Oʻzbekiston musulmonlari idorasining 2025-yildagi “Taʼlim muassasalarida qishki taʼtil muddatini belgilash toʻgʻrisida” 01A/139-sonli buyrugʻining ijrosini taʼminlash maqsadida, Koʻkaldosh oʻrta maxsus islom bilim yurtida pedagog-oʻqituvchilar uchun ilmiy-tadqiqot ishlari olib borish, oʻquv jarayoniga oid meyyoriy-huquqiy hujjatlar, zamonaviy pedagogik texnologiyalar va metodlar hamda ixtisoslik fanlari boʻyicha qisqa muddatli oʻquv seminarlari oʻtkazilishi rejalashtirilgan.



29-30-dekabr kunilari oʻquv-seminar mashgʻulotlari oʻtkazildi. Oʻquv-seminar mashgʻulotida Bilim yurtining katta oʻqituvchilari Jaloliddin domla Xolmoʻminov va Toʻlqin domla Karimov «Fiqh ilmi zamonaviy masalalarni qamrab olishi» hamda «Allohning kalomi Qurʼoni karimni tafsir qilishdagi muhim jihatlar» mavzularida maʼruza qildi.



Maʼruza davomida Fiqh ilmiga xos boʻlgan zamonaviy masalalarni paydo boʻlishi va yechimlari haqida hamda Qurʼoni karimni tafsir qilishda eʼtibor qaratilishi muhim boʻlgan jihatlar va hanafiy olimlarining taʼfsir ilmiga oid manbalari haqida batafsil maʼlumotlar berildi.
Eslatib oʻtamiz, talabalar uchun qishki taʼtil muddati 2025-yil 28-dekabrdan 2024-yil 10-yanvargacha etib belgilangan.
Ismatov Jahongir
«Koʻkaldosh» OʻMIBY Oʻquv-uslubiy boʻlim boshligʻi v.b






