Bugun, 27-fevral kuni «Koʻkaldosh» oʻrta maxsus islom bilim yurtida «Qurʼoni karim va tajvid» oʻquv kursining navbatdagi 54-davra mashgʻulotlari yakunlandi.
Yigʻilishda bilim yurti mudiri Maʼmurjon Erkayev, bilim yurti Matbuot kotibi Rustam Oxunjonov, «Qurʼon karim va tajvid» oʻquv kursi ustozlari Abdulbosit Abdullayev va Abdulloh Abdusattoriylar ishtirok etishdi.















Yigʻilishda bilim yurti mudiri Maʼmurjon Erkayev bitiruvchilarni mazkur kursni tugatganliklari bilan muborakbod etib, Qurʼon karim tilovat qiluvchi va hofizi Kalomullohlarning fazilatlari, ularning Alloh taolo huzuridagi va barcha maxluqotlarning orasidagi darajalari haqida bayon qilib berdi, hamda «Qurʼoni karim va tajvid» oʻquv kursini bitiruvchilariga berilgan sertifikat diniy taʼlim berishga hech qanday qonuniy asosga ega emasligini taʼkidlab oʻtdi va ularga kelgusi faoliyatlarida omad tilab oʻz soʻzini tugatdi.
Mazkur bosqich tinglovchilariga bilim yurti tomonidan «Qurʼoni karim va tajvid» oʻquv kursini tamomlaganini tasdiqlovchi sertifikatlar hamda sovgʻa sifatida Qurʼoni karim musʼhafi topshirildi.
Mazkur yigʻilishda boʻlgan ustozlar bitiruvchilarga omad tilab ularning haqqilariga duoi xayrlar qildilar.
N. Sharipov
«Koʻkaldosh» OʻMIBY «Qurʼoni karim va tajvid» oʻquv kursi uslubchisi






