SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
“Koʻkaldosh” oʻrta maxsus islom bilim yurtida “Ekstremistlar nishonidagi yoshlar va ayollar: ijtimoiy tarmoqlardagi xatarlar” mavzusi ostida huquqiy-maʼrifiy davra suhbati tashkil etildi
16.10.2025 / Bo‘limda Yangiliklar

“Koʻkaldosh” oʻrta maxsus islom bilim yurtida “Ekstremistlar nishonidagi yoshlar va ayollar: ijtimoiy tarmoqlardagi xatarlar” mavzusi ostida huquqiy-maʼrifiy davra suhbati tashkil etildi

Bugun, «Koʻkaldosh» oʻrta maxsus islom bilim yurtida Oʻzbekiston Respublikasi Ichki ishlar vazirligi Terrorizm va ekstremizmga qarshi kurashish Bosh boshqarmasi mutaxassisi Farruh Elmirzayev ishtirokida “Ekstremistlar nishonidagi yoshlar va ayollar: ijtimoiy tarmoqlardagi xatarlar” mavzusida huquqiy-maʼrifiy davra suhbati tashkil etildi.

“Koʻkaldosh” oʻrta maxsus islom bilim yurtida “Ekstremistlar nishonidagi yoshlar va ayollar: ijtimoiy tarmoqlardagi xatarlar” mavzusi ostida huquqiy-maʼrifiy davra suhbati tashkil etildi (1)
“Koʻkaldosh” oʻrta maxsus islom bilim yurtida “Ekstremistlar nishonidagi yoshlar va ayollar: ijtimoiy tarmoqlardagi xatarlar” mavzusi ostida huquqiy-maʼrifiy davra suhbati tashkil etildi (2)

Tadbirda bilim yurti rahbariyati, xususan, bilim yurti mudiri, islomshunoslik fanlari boʻyicha falsafa doktori (PhD) M. Erkayev, maʼnaviy-maʼrifiy ishlar boʻyicha mudir oʻrinbosari A. Gʻaniyev, shuningdek, ustozlar, xodimlar va talaba-yoshlar faol ishtirok etdilar.

Davra suhbatini maʼnaviy-maʼrifiy ishlar boʻyicha mudir oʻrinbosari A. Gʻaniyev
kirish soʻzi bilan ochib, tadbir ishtirokchilariga mutaxassis F. Elmirzayevni tanishtirib, ushbu muloqotning ahamiyati va maqsadlari haqida maʼlumot berdi.

Suhbat davomida yoshlar ongida yot va buzgʻunchi gʻoyalarga qarshi mafkuraviy immunitetni shakllantirish, diniy ekstremizm va terrorizmning jamiyatga tahdidi, ijtimoiy barqarorlik va totuvlikni saqlashdagi har bir fuqaroning masʼuliyati borasida atroflicha fikr yuritildi.

“Koʻkaldosh” oʻrta maxsus islom bilim yurtida “Ekstremistlar nishonidagi yoshlar va ayollar: ijtimoiy tarmoqlardagi xatarlar” mavzusi ostida huquqiy-maʼrifiy davra suhbati tashkil etildi (3)
“Koʻkaldosh” oʻrta maxsus islom bilim yurtida “Ekstremistlar nishonidagi yoshlar va ayollar: ijtimoiy tarmoqlardagi xatarlar” mavzusi ostida huquqiy-maʼrifiy davra suhbati tashkil etildi (4)
“Koʻkaldosh” oʻrta maxsus islom bilim yurtida “Ekstremistlar nishonidagi yoshlar va ayollar: ijtimoiy tarmoqlardagi xatarlar” mavzusi ostida huquqiy-maʼrifiy davra suhbati tashkil etildi (5)

Davra suhbatida soʻzga chiqqan Farruh Elmirzayev oʻz maʼruzasida, ayniqsa, soʻnggi yillarda yoshlar va ayollar ijtimoiy tarmoqlarda turli ekstremistik guruhlarning asosiy nishoniga aylanganini alohida taʼkidladi. U oʻz chiqishida:

“Bugungi kunda diniy niqob ostida faoliyat yuritayotgan turli yot gʻoyalar, radikal guruhlar yoshlar ongini zaharlash, ularni jamiyatdan begonalashtirishga urinmoqda. Ayniqsa, ayollar va yoshlar internet tarmogʻidagi notoʻgʻri targʻibotlarga koʻproq duch kelmoqda. Bunday tahdid va xatarlarga qarshi eng kuchli qurol – bu bilim, huquqiy madaniyat va mustahkam dunyoqarashdir”,

— deya urgʻu berdi.

Shuningdek, mutaxassis tomonidan yurtimizda yoshlarga yaratilayotgan sharoitlar, taʼlim-tarbiya tizimidagi islohotlar, diniy-maʼrifiy sohada olib borilayotgan ishlar haqida ham toʻxtalib oʻtildi. Talabalarga sogʻlom dunyoqarash, Vatanga sadoqat, tinchliksevarlik va qonunlarga hurmat ruhida yashashning muhimligi yana bir bor eslatildi.

Tadbir jarayonida talabalar bilan savol-javob oʻtkazildi. Unda talabalar oʻzlarini qiziqtirgan savollar bilan mutaxassisga murojaat qilishdi va har bir savolga asosli, aniq javoblar berildi. Savol-javoblar ochiq va samimiy ruhda boʻlib oʻtdi, bu esa talabalar faol ishtirokini taʼminladi hamda ularning ijtimoiy-huquqiy bilimlarini yanada mustahkamlashga xizmat qildi.

Tadbir yakunida bilim yurti mudiri M. Erkayev soʻzga chiqib, bu kabi mavzular talaba-yoshlarimiz uchun dolzarb va nihoyatda zarur ekanini alohida taʼkidladi. U bunday uchrashuvlar yoshlarni yot gʻoyalardan asrash, ularni Vatanga sadoqat va huquqiy ong asosida tarbiyalashda muhim oʻrin tutishini qayd etdi.

Mazkur tadbirning asosiy maqsadi — talaba-yoshlar ongida huquqiy madaniyatni yuksaltirish, ularni ijtimoiy xavfli illatlardan ogoh etish, mamlakatda olib borilayotgan tinchlikparvar siyosat mohiyatini chuqur anglashlariga koʻmaklashishdan iborat boʻldi.

Shuningdek, bunday uchrashuv va muloqotlar yoshlarning Vatanga sadoqat, tinchlik va barqarorlikka boʻlgan eʼtiqodini mustahkamlashga xizmat qilishi taʼkidlandi.

Saidakramov Saidazimxon
“Koʻkaldosh” OʻMIBY Yoshlar bilan ishlash, maʼnaviyat va maʼrifat boʻlimi uslubchisi

What you can read next

“Расулуллоҳ соллаллоҳу алайҳи ва саллам қиёматда менга шафоатчи ва гувоҳ бўлсинлар, десангиз...” туркумидан
“Расулуллоҳ соллаллоҳу алайҳи ва саллам қиёматда менга шафоатчи ва гувоҳ бўлсинлар, десангиз…” туркумидан 19- ҳадис
Меҳмондорчилик одоблари
Меҳмондорчилик одоблари
“Ягона олимпиада – 2019” ғолиблари аниқланди
“Ягона олимпиада – 2019” ғолиблари аниқланди

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP