Бугун, 2 декабр куни “Кўкалдош” ўрта-махсус ислом билим юртида “Ноябръ – Ҳадис фани ойлиги” муносабати билан билим юртининг 3-курс талабалари ўртасида “Муҳаддис аждодларга муносиб авлод” шиори остидаги ҳадис мусобақаси бўлиб ўтди.




















Ҳар бир гуруҳдан 5 нафар талабалар танлаб олиниб, улар қуйидаги шартлар бўйича беллашишди:
- Муҳаддис Имомлар: Кутуб ситта соҳиблари ва уларнинг таснифоти ҳақида маълумот бериш.
- Ёддан 100 та ҳадис айтиш. Ҳар бир гуруҳдан биттадан иштирокчилар чиқиб, навбат билан кетма-кет маълум ҳадисларни ёддан айтишади.
- Билетда кўрсатилган ҳадисни таржима қилиб шарҳлаш.
- Мусталаҳул ҳадис. Бу шартда навбат асосида ҳар бир гуруҳдан икки киши жавоб беради. Билетда иккита савол бўлиб, ҳар бир иштирокчи биттадан саволга жавоб беришади.
- Эркин мавзуда саҳна кўриниш қилиш. Гурух вакиллари муҳаддис уламолар тарихига оид саҳна кўриниши ижро этиб беради.
Мусобақа жуда қизиқарли, илмий изланишлар ва бадиий ижодга бой ўтди. Якунда ҳакамлар ҳайъати ғолибни аниқлашга бир оз қийналишган бўлсада, якуний натижа қуйидагича бўлди:
1– ўрин. 301-гуруҳнинг “Доримий ворислари”.
2– ўрин. 302-гуруҳнинг “Термизий издошлари”.
3– ўрин. 303-гурунинг “Бухорий авлодлари”.
Шунингдек мусобақада фаоил иштирок этган бир қанча талабалар қуйидаги номинциялар билан тақдирланишди:
303-гуруҳ талабаси Ҳасанов Абдулҳай “Энг яхши муҳаддис”.
301-гуруҳ талабаси Хошимхонов Абдурашид “Энг яхши ҳадис шарҳловчиси”
301-гуруҳ талабаси Аҳмадалиев Фахриддин “Энг яхши ижро”.
302-гуруҳ талабаси Иброҳимов Муҳаммадали “Энг фаол иштирокчи”.
Мусобақа юқори кўтаринки ва байрамона руҳда ўтиб, Пайғамбаримиз соллаллоҳу алайҳи васалламннинг ўзаро ҳадялашиш суннатлари мувофиқ тадбир кузатувчиларага ҳам ҳадя тариқасида ширинликлар тарқатилди.
Мусобақа сўнгида ғолиб ва совриндорлар билим юрти томонидан тайёрланган қимматбаҳо совға ва дипломлар билан тақдирландилар.
Р.Саиджалолов, «Кўкалдош» ЎМИБЮ Ёшлар билан ишлаш, маънавият ва маърифат бўлими услубчиси






