Жорий йилнинг 17-18 августь кунлари “Кўкалдош” ўрта махсус ислом билим юртида Республикамиз Мустақиллигининг 28 йиллик байрамини нишонлашга пухта тайёргарлик кўриш ва уни кўтаринки руҳда ўтказиш мақсадида ҳамда юртимизда ободонлаштириш, кўкаламзорлаштириш ишларини амалга ошириш мақсадида билим юрти мударрис, ишчи-ходимлари ва талабалари иштирокида умумхалқ хайрия хашари ўтказилди.
Талабалар мударрислар бошчилигида билим юртининг ички ва ташқи ҳудудида супуриш, тозалаш ва ободонлаштириш ишларини олиб бордилар.
Дарс хоналари, йўлаклар, билим юртининг ички ва ташқи ҳовлиси тозаланди. Ҳовлидаги гулхонага экилган гулларга ишлов берилиб, бегона ўтлар олиб ташланди, дарахтлар ва йўлакларнинг четки қисмлари оқланди, ҳовлидаги газон ўтлари ўрилди.
Шунингдек, атроф маиший чиқиндилардан тозаланди. Жумладан, мадраса биносининг олди ва ёнидан ўтган пиёдалар йўлаги супурилди, ариқлар тозаланди. Атроф бегона ўтлардан тозаланди, бегона ўтлар ўрилди. Билим юртининг ҳовли қисмига ва олди кириш қисмига гул туваклар олиб келиниб манзарали гул кўчатлари экишга таййорлаб қўйилди.
“Назарбек” талабалар турар жойида ҳам ҳодимлар ва талабалар иштирокида ҳашар ўтказилди. Ётоқхона биносининг ички ва ташқи қисмлари, намозхона, каридорлар ва барча хоналар тозаланди. Ҳовли атрофи, бинонинг орқа қисмлари маиший чиқиндилардан тозаланди. Ҳовлидаги гулхоналарга экилган манзарали гулларга ишлов берилиб ўғитлар солинди.
Ҳашарда билим юрти мударрис, ишчи-ходимлар ва талабалар фаол иштирок этдилар.
“Кўкалдош” ўрта махсус ислом билим юрти матбуот хизмати
