Bugun, 23 noyabr kuni Oʻzbekiston musulmonlari idorasi tasarrufidagi «Koʻkaldosh» oʻrta maxsus islom bilim yurti talabalari oʻrtasida Imom Termiziy asarlari boʻyicha “Hadislar bilimdoni” tanlovi oʻtkazildi.









Mazkur tanlov birinchi bosqich hisoblanib, ikkinchi bosqich diniy taʼlim muassasalari aro oʻtkazilishi rejalashtirilgan. Bilim yurtida oʻtkazilgan bu tanlovning gʻolibi ikkinchi bosqichga yoʻl oladi.



Ushbu tanlovdan koʻzlangan maqsad – Imom Termiziyning boy ilmiy merosni organish, oʻrta maxsus islom muassasalari talabalari orasidan muhaddislar hayoti va ijodi, hadis ilmlari boʻyicha keng qamrovli maʼlumotga ega boʻlgan iqtidorli talabalarni aniqlash, shuningdek, talabalarning hadis ilmiga boʻlgan qiziqishini oshirish, ularning bilim va koʻnikmalarini yanada rivojlantirish, qoʻllab-quvatlash va munosib ragʻbatlantirishdan iborat.






Shuningdek, tanlov insonparvarlik, vatanparvarlik, halollik va poklik kabi gʻoyalarni qoʻllab-quvvatlash, boshqa din vakillariga ehtirom koʻrsatish, bagʻrikenglik, oliy janoblik, odob-axloq kabi insoniy fazilatlarni rivojlantirish, turli oqimlarning yot gʻoyalari taʼsiriga tushib qolgan shaxslarni toʻgʻri yoʻlga qaytarish, ularga islom dini arkonlari, Qurʼoni karim va hadislarning asl mohiyatini to gʻri yetkazishga xizmat giladi.
Tanlov natijasiga koʻra, uchinchi oʻrinni bilim yurtining talabasi Abdurasulov Eldor, ikkinchi oʻrinni Shokirov Jamshid egalladi va faxrli birinchi oʻrinni esa Choriyev Muhammadsodiq egalladi. Tanlov gʻoliblariga bilim yurti tomonidan tayyorlangan esdalik sovgʻalar topshirildi va diplomlar bilan taqdirlandilar.
«Koʻkaldosh» OʻMIBY Matbuot xizmati






