Бугун “Кўкалдош” ўрта-махсус ислом билим юрти “Назарбек” талабалар турар жойида амалга оширилган бунёдкорлик ишлари ва талабалар учун яратилган шароитлар билан яқиндан танишиш учун Ўзбекистон мусулмонлари идораси бўлим бошлиғи Салоҳиддин домла Шерхонов, Дин ишлари бўйича қўмита бош мутахассиси Элёр Алимқуловлар ташриф буюрди. Меҳмонларни билим юрти мудири Абдулҳаким қори Матқулов бошчилигидаги мадраса жамоаси кутиб олди.
“Назарбек” талабалар турар жойи 130 ўринга мўлжалланган бўлиб, унда талабалар учун барча қулай шарт-шароитлар яратилган. ТТЖда педагог-ўқитувчи ва ходимлардан иборат мунтазам равишда (19-00 дан 7-00 гача) навбатчилик ташкил этилган. ТТЖ хоналар 3, 4, 5 кишиликка мўлжалланган бўлиб, бугунги кунда 96 нафар талаба истиқомат қилади. Ҳар бир хонада дарс тайёрлаш учун стол-стул, гилам, китоблар ва кийимлар жавони мавжуд. Куз-қиш мавсуми учун иситиш-совутиш тизими ўрнатилган. Талабалар кунда икки маҳал иссиқ овқат билан таъминланган. ТТЖда турадиган талабалар юртимиз ва хориждаги янгиликлардан хабардор бўлишлари учун даврий нашрларга обуна бўлинган, ўқув, илмий, диний-маърифий адабиётларни ўз ичига олган кутубхона фаолият олиб бормоқда. Шунингдек, алоҳида “Маънавият-маърифат хонаси” ҳам ажратилган.



2022/2023 ўқув йили якунида замонавий шароитларга эга бўлган янги таҳоратхона қуриб талабалар ихтиёрига топширилган бўлиб, янги қурилган таҳоратхонада 12 та хожатхона, 7 та ювиниш хонаси ва 18 та таҳорат олиш ўриндиғи, пол қисми иситиш тизимига уланган.
ТТЖ да таъмирлаш ишлари ҳозир ҳам давом этмоқда. Тез кунларда талабалар фойдаланиши учун спорт зали, сартарошхона ва мажлсилар зали қуриб битказилиши режалаштирилмоқда.



Талабаларнинг хавфсизлигини таъминлаш мақсадида “Назарбек” талабалар турар жойи билим юртидан узоқда жойлашганлиги сабабли талабаларнинг хавфсизлиги ва дарсдан кеч қолмаслигини таъминлаш мақсадида уларни талабалар турар жойидан таълим муассасасига келишлари учун ЎМИ томонидан 1 дона автобус билан таъминланган. Мазкур автобус 96 нафар талабани ҳар куни 2 марта қатнаб ўқишга олиб келиши йўлга қўйилган.
Ёшлар билан ишлаш, маънавият ва маърифат бўлими бошлиғи А.Ғаниев





