Taʼlim muassasasi talabalarining huquqiy savodxonligi, ekstremizm va terrorizmga qarshi kurashning huquqiy asoslari boʻyicha bilimlarini oshirish, ularni yot gʻoyalar taʼsiriga tushib qolishidan asrash, shuningdek, ularda turli xil mutaassib aqidaparast oqimlar tarafdorlariga munosib raddiyalar berish koʻnikmasini shakllantirish maqsadida maʼnaviy-maʼrifiy tadbirlar, davra suhbatlari, uchrashuvlar va maxsus kurs darslari tashkil etilgan.
Shu munosabat bilan joriy yilning 1-mart kuni taʼlim muassasasida “Ekstremizm va terrorizmga qarshi kurashning maʼnaviy-maʼrifiy asoslari: Yot gʻoyalarga qarshi immunitetni shakllantirish, adashgan oqimlarga raddiya berish koʻnikmalari va uslublari” maxsus kursi doirasida “Vijdon erkinligi va diniy tashkilotlar toʻgʻrisidagi qonunning mazmun mohiyati” mavzusi keng yoritib berildi.


Maʼruzaga Oʻzbekiston Respublikasi Din ishlari boʻyicha qoʻmita mutaxassisi Mukaramxonov Nurulloxon taklif etildi.
Mutaxassis maʼruzada YUNESKO tomonidan “Bagʻrikenglik tamoyillari Deklaratsiyasi” qabul qilinganligi, ushbu ldeklaratsiyada irqi, jinsi, kelib chiqishi, tili, dinidan qatʼiy nazar bagʻrikenglikni targʻib etish, inson huquqlari va erkinliklariga hurmat bilan qarash kabi majburiyatlar aks etgani, vijdon erkinligi va diniy tashkilotlar toʻgʻrisidagi normalarning qonunchilikka kiritilishi natijasida diyorimizda rasmiy faoliyat olib borayotgan barcha din vakillariga katta imkoniyatlar yaratilganligi haqida alohida toʻxtalib oʻtdi.

Shuningdek, qonunni hayotga tatbiq etish va sohaga oid amalga oshirilayotgan huquqiy islohotlar natijasida diniy tashkilotlarni roʻyxatga olish hamda ularga rahbarlik qilish, noanʼanaviy diniy oqimlarning yoyilib ketishi oldini olish, diniy taʼlim tizimini takomillashtirish, diniy adabiyotlarni chop etish va tarqatish kabi islohotlar uchun zamon talablariga mos huquqiy mexanizm yaratilgani eʼtirof etildi.
Abdulvase Gʻaniyev “Yoshlar bilan ishlash, maʼnaviyat va maʼrifat boʻlimi” boshligʻi






