SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
“Муҳаммад соллаллоҳу алайҳи васаллам – икки олам сарвари”
30.04.2018 / Bo‘limda Islom tarixi, Maqolalar, Yangiliklar

Порлаб турувчи нур

У зотнинг набавий гўзаллик тўлиқ намоён бўладиган нурлари ҳақида юқорида бир қанча сифатларни айтиб ўтдик.

Бу нуронийликни Аллоҳ таолонинг қуйидаги ояти каримаси ҳам тасдиқлайди:

«Дарҳақиқат, Aллoҳдaн сизлaргa нур вa рaвшaн китoб кeлди» (Моида сураси, 15-оят).

Кўпчилик олимлар: «Ушбу оятдаги «нур»дан мақсад Муҳаммад соллаллоҳу алайҳи васаллам», деганлар. Имом Табарий, Ибн Абу Ҳотам ҳамда Қуртубий мазкур оятни худди шундай тафсир қилишган.

Қатода айтади: «Ушбу оятдаги «нур»дан Муҳаммад соллаллоҳу алайҳи васаллам назарда тутиляпти».

Пайғамбар алайҳиссалом туғилганларида оналари ана шу нурни кўргани ва бу нур Расулуллоҳ соллаллоҳу алайҳи васаллам билан бирга чиқиб, Шом қасрларини ёритгани ҳақида собит бўлган кўпгина ривоятлар ҳақиқатда ҳам у зотнинг нуроний бўлганларини қўллаб-қувватлайди.

Бу нуронийликни имом Табаронийнинг ҳадисида зикр қилинган мана бу жумлалар ҳам тасдиқлайди: «Набий алайҳиссалом (гапирсалар,) оғизларидан худди нур чиқаётгандек ҳолатни кўрар эдик». Бу ҳадисни Ибн Аббосдан ривоят қилинган ҳадис ҳам қувватлайди: «Расулуллоҳ соллаллоҳу алайҳи васаллам гапирсалар, тишлари орасидан нур порлаётгандек кўринар эди».[1]

Имом Термизий «Шамоил»да Ибн Абу Ҳоладан ривоят қилган ҳадисда ул зот соллаллоҳу алайҳи васалламни таърифлаб шундай дейилган: «Расулуллоҳда у зотни улуғвор қилиб кўрсатадиган нур мавжуд эди».

Оиша розияллоҳу анҳодан ривоят қилинади: «Бир куни ўтирган эдим, Набий алайҳиссалом эса оёқ кийимларини таъмирлаётган эдилар. Шунда пешоналари терлай бошлади, терларидан нур пайдо бўла бошлади. Буни кўриб, ҳайратим ошди. Расулуллоҳ соллаллоҳу алайҳи васаллам: «Сенга нима қилди, ҳайратланиб қолдинг?» дедилар. Мен: «Пешонангиз терлай бошлади, кейин шу терлардан нур пайдо бўлди, агар Абу Кабир Ҳузалий сизни кўрганида эди, айтган шеърига сиз ҳақлироқ эканингизни билар эди», дедим». Чунки Ҳузалий ўз шеърида бир кишини мақтаб шундай деган эди:

У аёллар чангию, бузуқлигидан покдир,

Юзига боқсанг, бамисли ҳеч ўчмас чироқдир.

Юқоридаги маълумотлардан «Пайғамбар алайҳиссалом нур таратувчи жисм бўлган эканлар» деган фикрга бормаслик керак. Бундай фикрга бориш хато бўлиб, бу билан Расулуллоҳ соллаллоҳу алайҳи васалламни чироқ ёки нур таратувчи воситага чиқариб қўйилган бўлади. Ваҳоланки, Пайғамбар алайҳиссаломдаги нурни чироқ ёки бошқа бирор ёритувчи воситанинг нурига ўхшатиш тўғри эмас. Чунки чироқ ёки шам каби атрофни ёритувчи воситаларнинг нури моддиятга боғлиқ нурлардир, яъни бу воситалар нур таратишда маълум бир ёқилғига ёки қувват манбаига муҳтождир. Пайғамбар алайҳиссаломдаги нур эса ҳеч қандай ёруғлик манбаига муҳтож бўлмаган маънавий нурдир. Шам ва фонуснинг ёқилғиси тугаши билан улардан таралаётган нур ўчади, Пайғамбар алайҳиссаломнинг нурлари эса ҳар доим юзларида барқ уриб турган.

Шуни таъкидлаш лозимки, «Расулуллоҳ соллаллоҳу алайҳи васалламнинг юзларидаги нур» деганда мажозий маънодаги нур тушунилади. Бироқ баъзида Расулуллоҳ соллаллоҳу алайҳи васалламда нур чиқарувчи жисмлардаги каби нур пайдо бўлиб турганлиги ҳақида ҳам ривоятлар бор. Фақат бундай ҳолат у зотда доимий бўлмаган, балки қачон ўша нарсага эҳтиёж туғилса, шунда пайдо бўлар эди. Ундай нурнинг чиқиши Расулуллоҳ соллаллоҳу алайҳи васалламнинг мўъжизаларидан бири ҳисобланган. Қолаверса, бу каби ҳолат Расулуллоҳ соллаллоҳу алайҳи васалламнинг саҳобаларида ҳам кузатилган. Бунга улуғ саҳобий Усайд ибн Ҳузайр ва Аббод ибн Бишр розияллоҳу анҳумо билан содир бўлган воқеани мисол қилиб келтиришимиз мумкин.

Анас розияллоҳу анҳудан ривоят қилинади:

«Усайд ибн Ҳузайр билан Аббод ибн Бишр Расулуллоҳ соллаллоҳу алайҳи васалламнинг ҳузурларида қоронғи тушгунча гаплашиб ўтириб, кейин уйларига қайтишди. Йўлда кетаётганларида икковларидан бирининг қўлидаги таёқ чарақлаб, йўлни ёритди ва икковлон унинг ёруғида юришда давом этишди. Бир-бирларидан ажралганларида ҳам ҳар бирининг таёғи ўзидан нур таратиб, атрофни ёритди. Ҳар бирлари шу нур ёғдусида уйларига кетишди»[2].


[1] Зарқоний бу ҳадисни имом Термизий ва имом Доримий ривоят қилганини айтган.

[2] Имом Бухорий «Саҳиҳ»ида зикр қилган.

What you can read next

Муфтий ҳазратлари ва бир гуруҳ уламолар кўкрак нишони билан тақдирландилар
Муфтий ҳазратлари ва бир гуруҳ уламолар кўкрак нишони билан тақдирландилар
Пайғамбар алайҳиссаломнинг саховатлари (ИККИ ОЛАМ САРВАРИ)
Пайғамбар алайҳиссаломнинг аҳдга вафолари (ИККИ ОЛАМ САРВАРИ)
Bilim yurti talabalariga yozgi taʼtilni mazmunli oʻtkazish boʻyicha tavsiyalar berildi
Bilim yurti talabalariga yozgi taʼtilni mazmunli oʻtkazish boʻyicha tavsiyalar berildi

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP