Ali ibn Husayn Zaynulobidin rohmatullohi alayh sadaqalarini va taomlarini tunda yelkalariga yuklab, madinalik tul, beva va faqir xonadonlarga olib borib berar edilar. Odamlar bu ozuqalarni kim qoʻyib ketganini bilmay qolishardi. U kishi hech kim bilib qolmasin deb, sadaqalarni tarqatishda xizmatchilaridan ham, boshqa biror begona kishilardan ham yordam soʻramas edilar.
Muhammad ibn Isxoq roximahulloh aytadilar: “Madinada nochor insonlarning ham tirikchiligi bir maromda oʻtib turar edi. Lekin ularning oʻzlari ham kim ularga oziq-ovqatlarni tarqatayotganini bilmas edilar. Ali ibn Husayn vafot etgach, oziq-ovqatlar kelmay qoydi. Shundan keyin insonlar tunda ularga oziq-ovqat olib keladigan kishi Ali ibn Husayn ekanligini bildilar”.
U kishi vafot etgach, badanlarida ogʻir qoplarni koʻtarganda qoladigan izlarni topishdi.
Ali ibn Husayn Madinada 100 ta oilaning taminotini qilganlar. Vafot etgunlariga qadar hech kim buni bilmagan.
Eshniyozov Ibrohim Koʻkaldosh oʻrta maxsus islom bilim yurti oʻqituvchisi






