Oʻzbekiston musulmonlari idorasining 2024-yil 6-dekabrdagi “Taʼlim muassasalarida qishki taʼtil muddatini belgilash toʻgʻrisida” 01A/125-sonli buyrugʻi 2.5-bandining ijrosini taʼminlash maqsadida, Koʻkaldosh oʻrta maxsus islom bilim yurtida pedagog-oʻqituvchilar uchun ilmiy-tadqiqot ishlari olib borish, oʻquv jarayoniga oid meyyoriy-huquqiy hujjatlar, zamonaviy pedagogik texnologiyalar va metodlar hamda ixtisoslik fanlari boʻyicha qisqa muddatli oʻquv seminarlari oʻtkazilishi rejalashtirilgan.








Bilim yurtida bugun, 25-dekabr kuni ilk oʻquv-seminar mashgʻulotlari oʻtkazildi. Oʻquv-seminar mashgʻulotida Oʻzbekiston musulmonlari idorasi Fatvo markazi mutaxassisi Abduvohid domla Ahmadaliyev “Zamonaviy fatvolar hamda fatvo berish masʼuliyati” mavzusida maʼruza qildi.
Maʼruza davomida Fatvo markazi faoliyati, hozirgi kunda berilayotgan dolzarb fatvolar, fatvo berish masʼuliyati haqida batafsil maʼlumotlar berildi.
Eslatib oʻtamiz, talabalar uchun qishki taʼtil muddati 2023-yil 25-dekabrdan 2024-yil 7-yanvargacha etib belgilangan.
Farhod Asatullayev
«Koʻkaldosh» OʻMIBY Oʻquv-uslubiy boʻlim boshligʻi






