Кеча, 24 январ куни “Кўкалдош” ўрта-махсус ислом билим юрти 4-курс талабалари гуруҳ раҳбарлари билан биргаликда “Фатво маркази” фаолияти билан яқиндан танишиш учун у ерга ташриф буюрдилар. Ушбу ташриф талабаларнинг диний билимларини ошириш, фатво жараёнлари билан таништириш ва ислом ҳуқуқи бўйича амалий тажрибаларни кенгайтириш мақсадида амалга оширилди.
Марказ мутахассиси кутиб олиб Фатво маркази фаолияти билан яқиндан таништирди.



Марказ мутахассислари томонидан масжидларга жума тезиси ва иловалар
тайёрланади. Фатво сўраб, ўзининг зарурий масалалари юзасидан келган халқ билан алоҳида мутахасис жонли мулоқот олиб бориб, уларнинг саволлариг ечим топиб беришга ҳаракат қилади. Масофадан туриб эса “Call center” га қўнғироқ қилиб жавоб олишлари мумкин. Марказ кун давомида ўртача 250-300 та, 1ой давомида 8-10 минг инсоннинг мурожатига жавоб беради. Рамазон ва Қурбон ҳайити кунлари эса халқимизни эҳтиёжини янада қондириш учун 24/7 узлуксиз қўнғироқларга жавоб бериш ташкил этилади.



Билим юртимиз талабалари фатво бериш жараёнини ўз кўзлари билан кўриш билан бир қаторда, шу ерда фаолият олиб бораётган устозлардан ўзлари учун муҳим кўрсатма сабоқларни ҳам олдилар. Ташриф давомида талабалар марказ фаолияти, унинг бугунги кундаги аҳамияти, Колл-марказида кечаётган иш жараёнлари билан яқиндан танишдилар. Шу билан бирга марказ ходимлари марказга қайси мавзуларда кўпроқ мурожаат тушаётгани, уларнинг долзарблиги ҳақида маълумот бериб, бугунги кунда кўпроқ мутахассисларга ҳам эҳтиёж катталиги борасида гапириб ўтдилар.
Ушбу ташриф «Кўкалдош» мадрасаси талабалари учун муҳим тажриба бўлиб, уларнинг диний билимларини кенгайтиришга ва амалий кўникмаларини ривожлантиришга хизмат қилди.
Фатво маркази раҳбарларига ва ходимларига ташриф давомида кўрсатилган илиқ қабул ва ёрдам учун миннатдорчилик билдирамиз.
«Кўкалдош» ЎМИБЮ Матбуот хизмати






