Давлат тест маркази томонидан «Кўкалдош” ўрта махсус ислом таълим муассасасига ҳужжат топширган абитуриентлар учун тест синовлари ўтказиладиган жой Тошкент шаҳар, Талабалар шаҳарчаси белгиланди — Мўлжал Беруний метроси чиқиш жойи.
“Кўкалдош” таълим муассасаси бўйича тест синовлари 2020 йил 17 сентябрь куни 1-смена бўйича соат 08:00 да, 2-смена бўйича 17:00 да бошланади.
Абитуриентлардан тест синовлари ўтказиладиган ҳудудга 1-смена бўйича соат 06:00 да, 2-смена бўйича соат 15:00 да паспорт ва ДТМ рухсатномаси билан келишлари талаб этилади.
Эслатиб ўтамиз, мазкур ҳужжатлардан бири бўлмаган тақдирда, абитуриент тест синовларига киритилмайди. Шунингдек, абитуриентнинг қайси сменада тест синовлари топшириши ДТМ рухсатномасида кўрсатиб ўтилган.
Абитуриентлар карантин талабларидан келиб чиққан ҳолда қуйидаги тартибда тест синовларига киритилади:
дизенфекция тоннелидан ўтказилади;
тана ҳарорати масофадан ўлчаш қурилмаси орқали ўлчанади;
тиббий ниқоб ва қўлқоп билан таъминланади.
ДТМ рухсатномасини қай тартибда олиш бўйича қўшимча маълумот берилади!!!
«Кўкалдош” ўрта махсус ислом билим юрти
матбуот хизмати
