Ҳозирги ислоҳотлар даврида талаба-ёшларимизларнинг билим ва кўникмаларини холис баҳолаш, фанларни ўзлаштиришга бўлган интилишларини рағбатлантириш замон талаби ҳисобланади. Шу мақсадда Кўкалдош ўрта махсус билим юртида 2019-2020 ўқув йилининг биринчи ярим йиллиги назоратларида талабаларнинг олган билимларини холисоно баҳолаш учун махсус имтиҳон ҳайъати томонидан ўтказилиши йўлга қўйилди. Оралиқ назоратлар давомида ҳар бир курслардан иккитадан фан махсус дастурлар асосида компьютер ёрдамида олинди.
Таълим муассасаси бўйича ҳар бир талабанинг тўплаган баҳолари жамланиб, умумий талабалар орасида рейтинги аниқланди ва эълон қилинди.
Олинган назорат натижаларига кўра, талабаларнинг фанларни ўзлаштириш даражаси 94 % ни ташкил қилди.
Умумий рейтингда энг юқори кўрсаткични қайд қилган уч нафар талаба моддий рағбатлантириш учун аниқланди. Жумладан, рейтингда биринчи ўринни 2-курс талабаси Б.Содиқов, 2-ўринни 1-курс талабаси М.Нажмиддинов ва учинчи ўринни А.Мақсудов эгаллади. Ушбу талабалар ҳомийлар кўмагида моддий рағбатлантирилди. Шунингдек биринчи ўринни олган талабанинг ярим йиллик шартнома тўлови қилинди.
Таълим муассаса раҳбарияти ва ўқитувчилари томонидан талабаларнинг билим ва кўникмаларини ошириш, таълим даргоҳини нуфузини кўтариш учун барча имкониятларини ишга солмоқда.
Кўкалдош ўрта махсус ислом билим юрти
матбуот хизмати
