SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
03.04.2026 / Bo‘limda Yangiliklar

Taʼlim muassasasida ilmiy suhbat boʻlib oʻtdi

“Koʻkaldosh” oʻrta maxsus islom bilim yurtida Imom Buxoriy nomidagi Toshkent islom instituti rektori, tarix fanlari boʻyicha falsafa doktori (PhD) Uygʻun domla Gʻofurov ishtirokida “Ilm olish fazilati va talaba odoblari” mavzusida mazmunli ilmiy suhbat boʻlib oʻtdi.
Tadbirni bilim yurti mudiri, islomshunoslik fanlari boʻyicha falsafa doktori (PhD) M. Erkayev ochib berdi. U oʻz kirish soʻzida bugungi kunda yoshlarning ilm-maʼrifatga boʻlgan intilishi, ularning maʼnaviy kamoloti hamda jamiyatda munosib oʻrin egallashida ilmning tutgan oʻrni haqida alohida toʻxtalib oʻtdi.

Taʼlim muassasasida ilmiy suhbat boʻlib oʻtdi (1)
Taʼlim muassasasida ilmiy suhbat boʻlib oʻtdi (2)

Shundan soʻng, Imom Buxoriy nomidagi Toshkent islom instituti rektori Uygʻun domla Gʻofurov soʻzga chiqib, “Ilm olish fazilati va talaba odoblari” mavzusida batafsil maʼruza qildi. U oʻz nutqida ilmning yuksak fazilati, uning inson hayotidagi beqiyos oʻrni hamda jamiyat taraqqiyotidagi ahamiyati haqida atroflicha fikr yuritdi. Maʼruzada ilm olish yoʻli sabr-toqat, matonat va chin ixlosni talab etishi alohida taʼkidlanib, bugungi kunda yuksak ilm-maʼrifatga ega, zamonaviy fikrlaydigan hamda chuqur bilimli kadrlarga ehtiyoj tobora ortib borayotgani qayd etildi. Shu bois har bir talaba oʻz zimmasidagi masʼuliyatni chuqur his etib, ilm olishga jiddiy yondashishi zarurligi aytib oʻtildi.

Taʼlim muassasasida ilmiy suhbat boʻlib oʻtdi (3)
Taʼlim muassasasida ilmiy suhbat boʻlib oʻtdi (4)
Taʼlim muassasasida ilmiy suhbat boʻlib oʻtdi (5)

Shuningdek, haqiqiy tolibi ilm nafaqat bilim olishga intilishi, balki oʻzining yuksak axloqi, odobi, kamtarligi va ustozlarga boʻlgan hurmati bilan ham boshqalarga oʻrnak boʻlishi lozimligi taʼkidlandi. Ilm yoʻlida bardavom boʻlish, duch kelinadigan qiyinchiliklardan choʻchimaslik, vaqtni toʻgʻri taqsimlash va undan unumli foydalanish muhim ekani qayd etildi. Ustozlardan ilm olish jarayonida eʼtiborli boʻlish, ularning nasihat va boy tajribalaridan oqilona foydalanish zarurligi alohida taʼkidlandi.

Maʼruza davomida Uygʻun domla talaba uchun eng muhim jihatlardan biri ota-ona va ustozlar roziligini olish ekanini alohida taʼkidladi. U Qurʼoni karimda zikr qilingan Ibrohim alayhissalom haqidagi qissalarni misol qilib keltirib, ul zotning ota-onaga boʻlgan hurmati va sabr-toqati har bir tolibi ilm uchun ibrat ekanini qayd etdi. Shuningdek, talabalarning kunlik hayot tartibi, xususan, ovqatlanishiga ham eʼtibor qaratish zarurligini, sogʻlom tana va toʻgʻri ratsion ilm olish samaradorligiga ijobiy taʼsir koʻrsatishini aytib oʻtdi.

U oʻz fikrlarini quyidagi soʻzlar bilan ifoda etdi:
“Ilmda baraka boʻlishini istagan talaba, avvalo, ota-onasi va ustozlarining roziligini olishi lozim.”

“Tolibi ilm nafaqat kitob bilan, balki oʻzining hayot tartibi, jumladan, ovqatlanishi va sogʻligʻi bilan ham shugʻullanishi kerak.”

Tadbir davomida maʼnaviy-maʼrifiy ishlari boʻyicha mudir oʻrinbosari A. Gʻaniyev, ustozlar hamda talabalar faol ishtirok etdilar. Suhbat jarayonida talabalar oʻzlarini qiziqtirgan savollar bilan murojaat qilib, ularga batafsil va mazmunli javoblar berildi.

Taʼlim muassasasida ilmiy suhbat boʻlib oʻtdi (6)
Taʼlim muassasasida ilmiy suhbat boʻlib oʻtdi (7)

Tadbir yakunida Uygʻun domla Gʻofurov talabalar, ustozlar hamda yurtimiz tinchligi va osoyishtaligi bardavom boʻlishini soʻrab, samimiy duo qildi.

Taʼlim muassasasida ilmiy suhbat boʻlib oʻtdi (8)

Mazkur ilmiy suhbat talabalarning ilmga boʻlgan qiziqishini yanada oshirish, ularni izlanishga undash hamda maʼnaviy kamolot sari ruhlantirishda muhim ahamiyat kasb etdi.

Saidakramov Saidazimxon Koʻkaldosh oʻrta maxsus islom bilim yurti Yoshlar bilan ishlash, maʼnaviyat va maʼrifat boʻlimi uslubchisi

What you can read next

Zamon bilan uygʻun va hamohang rivojlanish yoʻlida
Zamon bilan uygʻun va hamohang rivojlanish yoʻlida
“Тафаккур” интеллектуал ўйини
“Тафаккур” интеллектуал ўйини
Vakillarimiz “Karyera kuni” tadbirida qatnashishdi
Vakillarimiz “Karyera kuni” tadbirida qatnashishdi

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP