


TIL — MILLATNING YURAGI VA KOʻZGUSIDIR!
«Har bir millatning dunyoda borligini koʻrsatadurgʻon oyinai hayoti til va adabiyotidur. Milliy tilni yoʻqotmak millatning ruhini yoʻqotmakdur».
— Abdulla Avloniy
Oʻzbekiston musulmonlari idorasi tasarrufidagi «Koʻkaldosh» oʻrta maxsus islom taʼlim muassasasi Yoshlar bilan ishlash, maʼnaviyat va maʼrifat boʻlimi hamda Axborot-resurs markazi tomonidan oʻzbek tiliga davlat tili maqomi berilganining 37 yilligi munosabati bilan maʼnaviy-maʼrifiy tadbir va kitoblar koʻrgazmasi tashkil etildi.
Tadbirni taʼlim muassasasi direktori M.Erkayev ochib berib, ona tilimizning boy tarixi haqida soʻzladi. U tilni asrab-avaylash, uni boyitish hamda yosh avlod qalbida ona tiliga muhabbat tuygʻusini kamol toptirish har birimizning muhim burchimiz ekanini alohida taʼkidladi.
Koʻrgazmada namoyish etilgan boy kitoblar toʻplami va ilmiy-maʼrifiy adabiyotlar ishtirokchilarda katta qiziqish uygʻotdi.
✍️ Axborot-resurs markazi mudiri I.Komilov





