“Koʻkaldosh” oʻrta maxsus islom bilim yurti tasarrufidagi “Nazarbek” talabalar turar joyida muborak Ramazon oyi munosabati bilan Tarovih namozlarida Qurʼon xatmi yuqori saviyada tashkil etildi. Ushbu jarayon Respublikamizdagi barcha masjidlarda boʻlgani kabi Qadr kechasida yakuniga yetkazilib, Qurʼoni karim toʻliq xatm qilindi.





Mazkur tadbirda bilim yurti rahbariyati, ustozlar, xodimlar hamda talabalar faol ishtirok etdilar. Xatmi Qurʼon davomida muqaddas oyga xos boʻlgan samimiylik, ixlos va ruhiy poklanish muhiti hukm surdi.
Tadbir yakunida yurtimiz tinchligi, millatimiz farovonligi hamda xalqimizning osoyishta va barqaror hayoti davomiy boʻlishi tilab duoi xayrlar qilindi. Ushbu duolar barchaning qalbida ezgu niyat va umidlarni yanada mustahkamladi.





Shuningdek, ushbu muborak oy davomida Qurʼoni karimni tajvid qoidalariga muvofiq ravishda mukammal oʻqib namunali intizomi bilan tengdoshlariga ibrat boʻlgan 3-kurs talabalari


Murodullayev Muhammadfotih hamda unga yaqindan koʻmaklashgan Malikov Roʻzimuhammadali talabalarimiz bilim yurti tomonidan tashakkurnoma hamda esdalik sovgʻalari bilan taqdirlandi.
Saidakramov Saidazimxon
“Koʻkaldosh” OʻMIBY Yoshlar bilan ishlash, maʼnaviyat va maʼrifat boʻlimi uslubchisi





