SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Бемазҳабларнинг раддиясига илмий раддия! (биринчи қисм)
16.09.2021 / Bo‘limda Maqolalar

Илм – тошга битилган нақшдир. “Эй Роббим, менга илмни зиёда эт!”

(Тоҳа, 114)

Ҳар бир миллатнинг истиқболи маълум маънода билимдон ва маърифатли ёшлар қўлидадир. Илм-маърифатга, таълим-тарбияга эътибори юксак бўлган халқ фарзандлари эса маънан пок, руҳан соғлом бўлиб етишадилар. Бунинг исботини ҳадис ва ҳикматли фикрлардан ҳам билиб олишимиз мумкин.

Пайғамбаримиз (с.а.в.) бир ҳадиси шарифларида шундай марҳамат қилган эканлар: «Илмга интилувчи-Аллоҳнинг меҳрига интилувчи. Илмга интилувчи ислом дини таянчи, унинг ажри пайғамбарлар билан бирга берилади».

Набий (а.с.)нинг саҳобаларидан бири Умар ибн Хаттоб (р.а.)нинг қуйидаги сўзлари эса ҳар бир илм ўрганишга бел боғлаган инсонни бефарқ қолдирмаса керак: “Илм ўрганиш – Аллоҳдан қўрқиш; уни талаб қилиш – ибодат; билмаганга ўргатиш – садақа; уни ўз аҳлига ўргатиш – Аллоҳга қурбатдир. Илм танҳоликда ҳамроҳ; ҳилватда дўст; тўғри йўл кўрсатувчи далил; бегоналар олдида энг содиқ ўртоқ; жаннат йўлининг минорасидир”.

Ривоят қилишларича бир олим шогирдларидан сўрабди: “Касалга обу таом берилмаса у яшайдими?”, шунда улар: “йўқ, у ҳаётдан кўз юмади”, деб жавоб беришибди. Буни эшитгач: “Қалбга ҳам уч кун илм берилмаса у ўлади”, деган экан. Ушбу ҳикматли савол жавоб орқали беморлар озуқага муҳтож бўлганидек, қалблар ҳам илм билан барҳаёт эканлигини англаймиз.

Ёшликда билим олиб, ғайрату шижоатга тўла пайтда бор имкониятни эзгуликка сафарбар этиш, инсон умрининг мазмун-моҳиятини белгилаб беради. Бу ҳақида буюк аждодларимиз меросида, жаҳон алломалари ижодида қайта-қайта уқтирилган. Бежиз ҳикматларда: “Ёшликда олинган илм тошга ўйилган нақш кабидир”, – дея айтилмайди. Йиллар залворидан омон қолган тошлар устидаги турли битиклар мудом ўз шаклини йўқотмагани каби ёшликда эгалланган илм ҳам кишига ҳамиша ҳамроҳ бўлади. Дарҳақиқат, илм олишга ёшликдан муҳаббат қўйиш, кишиларни келажакда етук шахс бўлиб камол топишига хизмат қилади. Аждодларимизнинг ҳаёт фаолиятлари ҳам биз учун сабоқдир.

Манбаларда кўрсатилишича, ўз даврининг етук муҳаддиси Имом ал-Бухорий ўн ёшидан бошлаб турли ровийлардан эшитган ҳадисларни тўплаб борган ва Шайх Дохилийнинг ҳадис баҳсларида қизғин иштирок этган. Илм олиш максадида Имом ал-Бухорий 90га яқин устозлардан таълим олди ва йирик олимлар иштирокидаги илмий мунозараларда қатнашди. Машаққатли меҳнат самараси ўлароқ муҳаддис бобокалонимиз авлодларга 20 дан ортиқ қимматли илмий мерос қолдирди.

“Шарқ Арастуси” деб ном олган Абу Наср Форобий эса диний ва дунёвий фан соҳаларини мукаммал эгаллаш баробарида 70 дан ортиқ тилларни ўрганди. Табиий-илмий ва ижтимоий билимларнинг қарийб барча жабҳаларида 160 дан ортиқ асарлар яратди.

Бутун жаҳонда “табобатнинг қироли” дея эътироф этилган Ибн Синонинг болалиги ҳар бир инсонга ўрнак бўлиши шубҳасиз. Европада Авиценна номи билан машҳур бўлган юртдошимиз Абу Али ибн Сино олти ёшидан бошлаб илм-фан ўрганишга киришди. Ўн уч ёшидаёқ математика, мантиқ, фиқҳ, фалсафа каби илмлар билан шуғулланди. Ўз даврининг табиий билимлари билан бирга Ҳусайн диний билимларни ҳам ўзлаштирди. Ўн ёшида Қуръони каримни ёд олгани бунга ёрқин далилдир. Ибн Сино 16-17 ёшида етук ҳаким даражасига эришди. Табиб сифатида шуҳрат топган олим адабиётга ҳам ўзгача ҳавасманд эди. Унинг “Уржуза’’ номли тиббий асари шеърий услубда ёзилган. Унинг асарлари асосида жаҳоннинг кўплаб олимлари тадқиқотлар олиб бормоқдалар. Яна олим форс поэзиясида рубоий жанрининг асосчиларидан бири ҳисобланади.

Бу кўҳна замин яна кўплаб буюк алломаларни вояга етказган. Ана шундай буюк сиймолардан бири Абул Қосим Замахшарийдир. Болалик чоғларидаёқ илмга  иштиёқманд бўлган Маҳмуд Замахшарий араб тили ва адабиётини чуқур ўрганди. Бир оёғида нуқсон бўлишига қарамай мадрасада таҳсил олди. Хаттотлик ва барча диний билимларни пухта ўрганди. Европа олимлардан бири: “Мана шу чўлоқ бўлмаганида араблар ўз грамматикасини билмай ўтган бўлардилар”, деган экан. “Хоразм фаҳри” ҳисобланган Маҳмуд Замахшарийнинг араб тили  грамматикасига оид “Муфассал” асари Шарқ ва Ғарбда бирдек машҳурдир. Буюк мутафаккир араб грамматикаси билан бирга адабиёт, жуғрофия, тафсир, ҳадис ва фиқҳга оид элликдан ортиқ асарлар ёзган. Алломанинг “Кашшоф” асари асосида Ал-Азҳар дорилфуни талабалари Қуръони каримни ўрганади. Бундан кўриниб турибдики, Замахшарий ўз даврининг чуқур билимдони бўлган. Шундай буюк шахслар авлоди эканлигимиз бизда фахр туйғусини уйғотади. Аждодларимизга муносиб меросхўр бўлиш эса барчамизнинг фарзандлик бурчимиздир.                                                     

“Кўкалдош” ўрта махсус ислом таълим муассасаси 4-курс талабаси Хошимов Асилхон

What you can read next

Мазҳабга эргашиш - динга эргашиш
Мазҳабга эргашиш – динга эргашиш
Расулуллоҳга муҳаббатли бўлиш комил мўъминлик аломати
Расулуллоҳга муҳаббатли бўлиш комил мўъминлик аломати
Bilim yurtida “Sogʻlom eʼtiqod va maʼnaviy tarbiya: aqida va tasavvuf uygʻunligi” mazusida TII “Aqoid va fiqhiy fanlar” kafedrasi dotsenti, falsafa fanlari doktori (PhD) Abduqodir domla Pardaev talabalarga maʼruza qildi

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP