SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Қуръони карим ёшлар ҳақида нима дейди?
14.06.2018 / Bo‘limda Maqolalar

Ёшлар ва Аллоҳ таолога боғланиш

Эслатиб ўтамиз, қуйидаги сатрлар “Ёшлар масалалари Ислом нигоҳида” деб номланган туркум мақолаларнинг навбатдагисидир. Ёшлар деганда одатда балоғат ёшидан бошлаб ўттиз беш-қирқ ёшлар орасидаги инсонлар назарда тутилади.

Бисмиллаҳир Роҳманир Роҳийм

ЁШЛАР ВА АЛЛОҲ ТАОЛОГА БОҒЛАНИШ

“Биз сенга уларнинг хабарларини ҳақ ила қисса этиб берурмиз. Албатта, улар Роббиларига иймон келтирган йигитлардир. Ва Биз уларга янада зиёда ҳидоят бердик” (Каҳф сураси 13-оят).

Аллоҳ шундай зотки, ўтинчи бор кишининг дуосини қабул қилур ва ундан ёмонликни кетказур, Ўзи хоҳлаган кишига беҳисоб неъмат берур ёки хорликка маҳкум қилур.

Яҳё ибн Муоз ар-Розий У зотга шундай муножот қилганди: “Аллоҳим, тун фақатгина Сенга муножот қилиш билан яхшидир. Кун фақатгина Сенга итоат қилиш билан яхшидир. Дунё фақатгина Сени зикр этиш билан яхшидир. Охират фақатгина Сенинг авф этишинг билан яхшидир. Жаннат фақатгина Сени кўриш билан яхшидир”.

Аллоҳ шундай зотки, бизга бир неча миллион хил рангларни фарқлайдиган кўзлар ато этган…

Аллоҳ шундай зотки, бизга бир неча минг таъмларни ажрата оладиган тил ато этган…

Аллоҳ шундай зотки, танамизда ҳаётимиз давомийлигини таъминлайдиган ўн миллиондан ортиқ томирларни яратган…

Аллоҳ шундай зотки, бизга бир кунда йигирма беш  минг маротаба нафас олиш имконини берган…

Ҳурматли ёшлар! Биз олим ва боамал ёшларга муҳтожмиз. Лекин илмимиз ва амалимиз Аллоҳ таолога боғланишимиз билан зийнатланишига янада муҳтожроқмиз.

Чунки Аллоҳ таолога боғланмасдан ўрганилган илм ер юзида қуролланиш ва оммавий қирғинбаротга олиб боради!

Аллоҳ таолога боғланмасдан қилинган амал ва тўпланган мол бир томонда миллионлаб одам очликдан ҳалок бўлаётган бир пайтда, бошқа томонда жуда озчилик инсонларнинг ер юзи бойликларини ўзбошимчалик билан тасарруф этишига олиб боради.

Аллоҳга қурбат ҳосил қилган ёш олим қандай ҳам бахтли! Ёшлигини Аллоҳнинг ибодатида ўтказган нақадар саодатманд!

Расулуллоҳ соллаллоҳу алайҳи васаллам шундай деганлар: “Аллоҳ таолога халойиқнинг энг суюклиси ёш ва кўркам, ўз чиройи ва ёшлигини Аллоҳ таолонинг ибодатига бағишлаган йигитдир. Раҳмон фаришталарга: “Бу менинг ҳақиқий бандамдир”, деб мақтанади” (Ибн Шаҳин “Ат-Тарғиб” номли китобида Ибн Аббос ва Ибн Масъуд розияллоҳу анҳумодан ривоят қилган).

У зот соллаллоҳу алайҳи васаллам яна шундай дегандилар: “Ёш мўмин йигит Аллоҳга қасам ичса, албатта унинг устидан чиқади” (Табароний ривояти).

Одамларнинг алоқалари бир-биридан узилаётган бир пайтда Аллоҳ таоло ва бандаси ўртасида узилмайдиган алоқа бор. Бандаларнинг эшиги ёпиқ бўлган бир пайтда Аллоҳ ва банда ўртасида ёпилмайдиган эшик бор. Ёшлар мана шу алоқани ўрнатиб, шу эшикдан кириш учун энг ҳақли одамлардир. Ундан ҳақиқий тавба қилиш орқали ўтиш мумкин.

Расулуллоҳ соллаллоҳу алайҳи васаллам шундай деганлар: “Албатта Аллоҳ таоло тавба қилувчи ёш йигитни яхши кўради” (Абу Шайх Анасдан ривоят қилган).

Абу Ҳамза Мухтор ибн Авф Аздий роҳимаҳуллоҳ шундай дегандилар: “Эй Макка аҳли! Мени асҳобларим борасида улар ёш эканини айтиб маломат қиласиз. Ахир, Муҳаммад соллаллоҳу алайҳи васаллам саҳобаларининг аксари ёшлар эмасмиди?!”.

Серғайрат, ёмонликдан кўзларини тўсган, ёмон жойларга қадам босмаган ва доимо ибодат билан машғул бўлган ёшлар қандай ҳам яхши.

Аллоҳ таоло Қуръони каримга вужуди ила боғланган ёшга раҳмат назари ила қарайди. Бу ёш жаннат ҳақидаги оятларни тиловат қилса, унинг шавқини ҳис қилиб кўзига ёш олади. Дўзах азоби ҳақидаги оятларни тиловат қилса, ўз қулоқлари ила дўзах овозини эшитгандек танаси титраб кўзлари беихтиёр намланади.

Расулуллоҳ соллаллоҳу алайҳи васалламнинг саҳобалари кечаларни ибодатда ўтказганлари, кундузлари хайрли амалларни қилишга шижоат кўрсатганлари ҳаммамизга маълум. Бугунги кунда барчамиз Аллоҳга мустаҳкам боғланган ёшларга эҳтиёжимиз жуда ҳам катта. Қани айтингчи, қандай қилиб Аллоҳ таолога алоқаларни мустаҳкам боғлай оламиз?

Бунинг учун бешта ишни амалга ошириш лозим:

  1. Гуноҳларни тарк этиш. Чунки гуноҳлар қалбда зулматни, юзда шармандаликни, баданда заифликни, ризқда камчиликни, одамлар қалбида ғазабни, энг ёмони эса, Аллоҳ таолодан узоқлашишни келтириб чиқаради. Мўмин киши Аллоҳ таолога осийлик қилмайди, мабодо қилиб қўйса ҳам, дархол бу ишидан қайтиб, тавба сари шошади . Гуноҳ ишларни доимий қилишга одатланиш банданинг ғафлатда қолишига сабаб бўлади. Кимки ғафлатда қолса, Аллоҳ таолога қарши боришга журъат қилибди. Кимки Аллоҳ таолога қарши боришга журъат қилса, демак, у ҳалок бўлибди.
  2. Фарз амалларни мукаммал қилиш. Аллоҳ таоло ҳадиси қудсийда шундай марҳамат қилади: “ Бандам менга унга фарз қилганларимдан кўра суюклироқ бирор нарса билан яқинлаша олмайди” (Бухорий ривояти).
  3. Зикр, нафл намозлар ва Қуръони каримдан иборат вирдларга эътибор бериш. Зеро, бандани Аллоҳ таолога яқинлаштирадиган ҳодисаларнинг бўлиши вирдлар сабабидандир.
  4. Ҳар ҳафта илм мажлисларида ҳозир бўлишлик. Чунки илм инсонни ҳақиқий саодат сари етаклайди.
  5. Дўстлар ва яқин қариндошларни зиёрат қилиб туриш. Бу иш орқали банданинг умри узоқ ва ризқи фаровон бўлади.

Аллоҳ таоло барчамизга Ўзига муқарраб бандалардан бўлишимизни насиб айласин!

Муҳаммад Хойр Шаъолнинг “Ёшлар масалалари” номли мақолалар
туркуми асосида “Кўкалдош”  ўрта махсус ислом билим юрти мударриси
Баратов Ғиёсиддин ва 3-курс талабалари томонидан тайёрланди.

What you can read next

Мавлуди шарифни нишонлаш
Мавлуди шарифни нишонлаш
ТЎҒРИ ОВҚАТЛАНИШ
Тўғри овқатланиш
Илм офатлари
Абу Дардо розияллоҳу анҳу (Биринчи қисм)

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP