SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Рамазон фазилатли ой
06.05.2021 / Bo‘limda Fiqh, Maqolalar

Рўза ибодатининг жорий қилиниши ҳикмати

Аллоҳ таоло бандаларига Рамазон рўзасини фарз қилди. Бу улуғ ой ўзида  кўпгина сир-асрорларни жамлаган. Рамазон ҳамда рўзанинг хосият ва ажойиботлари ҳақида фикр юритган инсон бу орқали Аллоҳ таолонинг бандаларига кўрсатган буюк фазли ва марҳаматини англаб етади. Қуйидаги 4 хислатнинг шаклланиши ва чинакам фазилатга айланишида рўзанинг ўрни беқиёсдир:

  1. Тақво. Рўза, Аллоҳдан қўрқув – тақво ҳосил қилишнинг энг яхши воситасидир. Чунки инсон рўза туфайли аслида мубоҳ, яъни мумкин  бўлган еб-ичиш, жисмоний роҳат олиш каби заруратлардан ўзини тияди.  Мусулмоннинг маълум муддат ўзини ихтиёрий чеклашидан кўзлаган мақсади Аллоҳнинг розилигини топиш ва унинг ғазабидан сақланиш бўлади.  Бу тарздаги рўза ибодати инсонда нафсни ҳаромдан тийиш ва ўзини идора қила олиш кўникмасини ўстиради ва унга тақво зийнатини бахш этади.
  2. Ихлос. Рўза ихлосни шакллантиради. Бу амал уни адо қилаётган банда ва Аллоҳнинг ўртасидаги сир бўлиб, кишининг рўзадор ёки рўзадор эмаслигини ўзи ва Аллоҳдан бошқа ҳеч ким аниқ била олмайди. Яъни, кўзимизга рўзадор бўлиб кўринаётган инсон аслида рўзасини бузган бўлиши ҳам мумкин. Чунки уни мукаммал назорат қилиш бандасининг қўлидан келмайди. Лекин бу ерда муҳим бир омил – ихлос мўмин кишини ибодатни ҳаққоний адо этишга ундаб туради.
  3. Шукр. Рўза шукрни шакллантиради. Рўзадор рўза давомида Аллоҳ унга неъмат қилиб берган еб-ичиш, жисмоний роҳатланиш каби мубоҳ бўлган табиий эҳтиёжлардан вақтинча ўзини тийиб турар экан, ўша неъматларнинг қадрини билади, уларга қанчалар муҳтож экани ҳақида фикр юритади. Бу яхшиликлардан маҳрум бўлганларнинг машаққатини ўз танасида ҳис этади, неъматларни ҳеч бир эвазсиз бериб турган Зотга шукр айтиш заруратини англаб етади.
  4. Сабр. Рўза сабр сифатини чархлайди. Очлик ва ташналик билан ҳамда жисмоний роҳат ва фароғатлардан тўсиш орқали нафсни чидамга ўргатади. Сабр муваффақиятлар калитидир. Аммо ер юзига сочилган мўл-кўл неъматлардан фойдаланишда тартиб ва интизомга бўйсунмаган бесабр нафс муқаррар ҳалокатга элтувчи лаззатларга дуч келганида уларга осонгина оғиб кетиши, ўз ихтиёрини шайтонга топшириб қўйиши кўп кузатилган.

Шахс ва жамият учун сув ва ҳаводек зарур бўлган тақво, ихлос, шукр ва сабр каби улуғ инсоний фазилатларни ўзида жамлаган Шахснинг мукофоти Аллоҳнинг зиммасидадир. Абу Ҳурайра розияллоҳу анҳу ривоят қилган ҳадисда: “Аллоҳ таоло: “Одам боласининг барча амали ўзи учун, фақат рўза мустаснодир. Чунки, у Мен учундир ва унинг мукофотини Ўзим бераман”, деди”, дейилган.

Ҳадиснинг яна бир ривоятида: “Жоним унинг қўлида бўлган Зотга қасамки, рўзадорнинг оғзидан келаётган ҳид Аллоҳнинг наздида мушкнинг ҳидидан-да ёқимлироқдир,”– дейилган.

Ҳадиси қудсийда айтилади: “Аллоҳ таоло: “Зеро, у таомини, ичимлигини, жисмоний роҳатларини  Мен учун тарк этди. Рўза Мен учун бўлди. Уни Ўзим мукофотлайман”, – дейди”.

Қайси жамиятда мазкур тўрт сифатни ўзида жамлаган шахслар кўпайса, у ерда шунга лойиқ даражада ҳалоллик, аҳиллик ва уюшқоқлик кучаяди, шундагина у барқарор жамиятга айланади, тараққиёт ва порлоқ келажак учун қулай муҳитни намоён этади.

Тўлқин Каримов,
“Кўкалдош” ўрта махсус ислом таълим муассасаси мударриси

What you can read next

Тобеинлар
Тобеинлар
Қуръони карим ёшлар ҳақида нима дейди?
Ёшлар ва муҳаббат
ТАЪЛИМ МУАССАСАСАСИДА МУФТИЙ ҲАЗРАТЛАРИНИНГ АҲЛИ ИЛМЛАРГА МУРОЖААТИ КЕНГ ЎРГАНИЛДИ
Таълим муассасасасида муфтий ҳазратларининг аҳли илмларга мурожаати кенг ўрганилди

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP