SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Силаи раҳмнинг фазилати
19.08.2019 / Bo‘limda Axloq va tarbiya, Maqolalar

Силаи раҳмнинг фазилати

Силаи-раҳм араб тилидаги ибора бўлиб, одатда ака-ука, опа-сингил ва қариндошлар ўртасидаги боғланиш, борди-келди қилиш маъносида ишлатилади. Силаи-раҳмнинг фазилати тўғрисида оят, ҳадис ва ривоятлар кўп. Қуръони каримда бу ҳақда шундай марҳамат қилинади:
يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ إِنَّ اللَّهَ كَانَ عَلَيْكُمْ رَقِيبًا (1)
Эй, одамлар! Сизларни бир жон (Одам)дан яратган ва ундан жуфти (Ҳавво)ни яратган ҳамда иккисидан кўп эркак ва аёлларни таратган Раббингиздан қўрқингиз! Шунингдек, ўрталарингиздаги ўзаро муомалада номи келтирилувчи Аллоҳдан ва қариндошлар (алоқасини узиш)дан қўрқингиз! Албатта, Аллоҳ сизларни кузатиб турувчидир.
Мазкур ояти карима билан Аллоҳ таоло қариндошлар алоқасини узишдан қайтармоқда. Демак, мазкур ояти карима ва бошқа ҳадис билан силаи раҳм қилмаслик, уни узиш энг катта гуноҳ ва унинг акси катта фазилатли амалдир. Силаи раҳм қилишнинг дунё ва охиратда манфаатлари бор. Унинг манфаатларидан бири қуйидаги ҳадиси шарифда баён қилинади.
عن ابن عمر قال من اتقى و وصل رحمه نسيء له في عمره و ثري ماله و أحبه أهله رواه البخاري
Ибн Умар розияллоҳу анҳудан ривоят қилинади: Албатта Расулуллоҳ соллаллоҳу алайҳи васаллам: “Ким Роббисидан қўрқса (яъни амалларида тақво қилса) ва силаи-раҳм қилса, унинг ажали орқага сурилади, моли кўпаяди, аҳли уни яхши кўради” – дедилар.
Бу ҳадиси шарифда ҳам инсоннинг Роббисидан қўрқиб, унинг буйруқларини бажарса ва қайтарганларидан қайтса, ота-она, ака-ука ва опа-сингиллар ўртасида силаи раҳм қилса умри зиёда қилиниб, ажали орқага сурилади дейилмоқда. Албатта унинг умри зиёда бўлиши ва ажали орқага сурилиши унинг умрига барака берилишидир. Силаии раҳм билан қариндошлар ўртасида меҳр – муҳаббат зиёда бўлади.
Барака ва меҳр – муҳаббатнинг пайдо бўлиши силаи раҳмнинг дунёдаги фойдасидир. Албатта, унинг охиратдаги савоби ва мукофати ҳам бор.
عَنْ عَائِشَةَ رَضِي اللَّهم عَنْهَا قالت: قال رسول الله صلى الله عليه وسلم: «الرحم شجنة من الرحمن. فقال الله: من وصلك وصلته ومن قطعك قطعته». رواه البخاري

Оиша розияллоҳу анҳодан ривоят қилинади: Албатта Расулуллоҳ соллаллоҳу алайҳи васаллам: “Раҳм Раҳмоннинг исмидан олинган. Ким сийлаи-раҳм билан боғланса, Аллоҳ таоло ҳам у билан боғланади. Ким силаи раҳм алоқаларини узса Аллоҳ таоло ҳам у билан орасини узади.” -дейди.
Силаи раҳимни холис Аллоҳ таолонинг розилиги учун бўлиши аҳамиятлидир. Ҳақиқий силаи раҳм Аллоҳнинг розилиги учун силаи раҳм қилишдир. Ихлос билан қилинган барча амалларнинг савоби бўлганидек, силаи-раҳмда ҳам ихлос бўлса савоб бўлади. Агар силаи-раҳмда ихлос бўлмаса, балки бирор бир ғараз билан “борди-келди” қилинса савоб ҳосил бўлмайди.
Шунингдек силаи раҳм қилишда “борди-келди” узилган қариндош-уруғлар билан силаи раҳм қилишни тиклаш ҳақиқий силаи раҳм бўлади. Бундай силаи-раҳмда ихлоснинг сурати кўринади. Пағамбаримиз соллаллоҳу алайҳи васаллам шундай таълим берганлар:
عَنْ عَبْدِ اللهِ بْنِ عَمْرِو بْنِ الْعَاصِ رَضِيَ اللهُ عَنْهُمَا، عَنِ النَّبيِّ صَلَّى اللهُ عَلَيْهِ وَسَلَّمَ، قَالَ: » لَيْسَ الْوَاصِلُ بِالْمُكَافِىءِ، وَلكِنَّ الْوَاصِلَ الَّذِي إِذَا قَطَعَتْ رَحِمُهُ وَصَلَهَا «. رَوَاهُ الْبُخَارِيُّ.
Абдуллоҳ ибн Амр ибн Ос розияллоҳу анҳумодан ривоят қилинади: “Набий соллаллоҳу алайҳи васаллам: “Қилганига яраша (силаи раҳм) қилувчи қариндошлик ришталарини боғловчи эмасдир. Аммо қариндошлик ришталари узилганда уни боғловчи киши силаи раҳм қилувчидир”, дедилар”. Бухорий ривоят қилган.
Силаи раҳм қилувчилар билан борди-келди қилиш одатда ўз-ўзидан табий бўлади. Аммо, силаи раҳмнинг фазилатини билмаганидан ёки бепарволигидан салаи-раҳм қилмайдиган қариндош-уруғлар билан силаи-раҳм қилиш осон бўлмайди. Бу ҳолатда аввал айлганидек, ихлос керак бўлади. Шунда савоб кўпаяди. Мусулмон киши қариндошларидан ёмон муомала кўрса ҳам уларга кўз юмиб ёки улардан худди ўзи қилгани каби мурувват кўрмаса ҳам қариндош-уруғчилик ҳаққи учун уларга яхшилик қилиш лозим бўлади. Агар у бундай ҳолатларда қилганига яраша муомала қиладиган бўлса, ўрталарида қариндош-уруғлик ришталари буткул узилиб кетади. Натижада икки томон ҳам гуноҳга мубтало бўлишади.
Силаи-раҳм қилиш керак бўлган қариндош-уруғлар кўп бўлиб, аввало, ака-ука ва опа-сингиллар, амаки-тоға ва амма-холалар сингари яқин қариндошлар ўртасида тез-тез бўлиши керак бўлса, бошқа узоқ қариндошлар билан ҳам вақт-вақти билан бўлиши керак бўлади. Шунинг фарзандлар ота-оналарининг дўстлари силаи-раҳм қилиши ўзига хос фазилатли амал бўлади.
Шуни такидлаш керакки, Юртбошимиз Шавкат Мирзиёевнинг ташаббуси ва бевосита саъй-ҳаракатлари қисқа фурсатда яхши қўшни давлатлар билан қўшничилик ришталари мустаҳкамланди, ўртада конструктив ҳамкорлик муҳити юзага келди. Муна шундай муҳитда силаи-раҳм қилиш имкониятлари ҳосил бўлди. Узоқ муддат бир-биридан ўзоқлашган қариндошларни зиёрат қилиш энг савоб амалллардан ҳисобланади.

“Кўкалдош” ўрта махсус ислом билим юрти мударриси
Холмўминов Жалолиддин

What you can read next

Саҳарлик қилиш суннатдир
Саҳарлик қилиш суннатдир
Али ибн Абу Толиб (розияллоҳу анҳу) ҳижрий 35-40 йиллар (656-661 м)
Али ибн Абу Толиб (розияллоҳу анҳу) ҳижрий 35-40 йиллар (656-661 м)
Shukronalik falsafasi: Neʼmatlar qadri va qanoat tuygʻusi

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP