SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Муҳаммад (ﷺ) ҳаётлари
09.04.2019 / Bo‘limda Islom tarixi, Maqolalar

Муҳаммад (ﷺ) ҳаётлари. туғилишларидан олдинги ҳодисалар

Суюкли ўғил-қизларим:

Аллоҳ таоло Абдулмуттолибнинг ўғли Абдуллоҳни қурбонликдан сақлагани Қурайш аҳлига катта хурсандчилик олиб келди. Чунки улар Абдуллоҳни жуда яхши кўрар эдилар. Абдулмуттолиб ҳам ушбу хурсандчилик янада тўкис бўлиши учун ўғлини уйлантириб қўйишни ният қилди.

Ривоятларда келишича, кунлардан бир кун Абдуллоҳ уйига кетаётганда йўлидан Отика ёҳуд Нафиса исмли қурайшлик бир бадавлат аёл чиқиб: “Агар менга уйлансанг, отанг сени қурбонликдан асраб қолиш учун фидо қилган миқдорича мол-дунё бераман”, деган эди. Аммо Абдуллоҳ рози бўлмаган.

Сўнг Абдулмуттолиб ўғлини олиб Қурайш қабиласининг энг таниқли ва олийнасаб оилаларидан бири ҳисобланган Ваҳбнинг хонадонига бориб, унинг қизи саййида Оминани келинликка сўрайдилар. Ваҳб ҳам бундай таклифга рози бўлади. Икки томон келишгач Абдуллоҳ ва Оминанинг никоҳи бўлиб ўтади.

Никоҳдан бир қанча вақт ўтгач, Абдуллоҳ ўзига уйланишни таклиф қилган аёлни кўриб қолади ва: “Ҳали ҳам менга турмушга чиқиш ниятидамисан?” дейди. Аёл: “Йўқ. Сенга турмушга чиқиш ниятим йўқ”, деб жавоб беради. Абдуллоҳ ажабланиб: “Сабаби нима?” деб сўрайди. Аёл эса: “Чунки икки кўзинг ўртасидаги нур Оминага ўтиб кетди. Мен ана шу нурга эга бўлмоқчи эдим”, деб жавоб қилади.

У аёл аҳли китобларнинг китобларини ўқиб чиққан бўлиб, охирзамонда араб яриморолидан сўнгги пайғамбар чиқиши, унинг сифатлари қандай бўлиши, отасининг юзида бир нур бўлиши ва у нурнинг шакл-шамоили  ҳақида хабардор эди. Абдуллоҳнинг юзидаги нурни кўрганда, у охирзамон пайғамбарининг отаси бўлишини сезган ва ана шу олиймақом пайғамбарнинг онаси бўлиш бахтига эришиш учун унга турмушга чиқишни орзу қилган экан.

Суюкли ўғил-қизларим, муҳими шундаки, Абдуллоҳ ибн Абдулмуттолиб Омина бинти Ваҳбга уйланди. Бу никоҳга  Аллоҳнинг баракаси, тавфиқи ҳамроҳ бўлди. Ахир бунда,  пок насаб пок насаб  билан бирлашди ва яна  келиб чиқиши карамли бўлган зотлар  қовушдилар. Азалдан оталари шарафли ва оналари иффатли бўлиб келган хонадон шараф ва иффатда ўзларига муносиб хонадон билан қуда-андачилик ришталарини боғлади. Бу муборак никоҳнинг меваси покиза, тоза ва олийжаноб насллар бўлди.

Бироқ бу покиза жуфтликнинг бахт ва қувончга тўлган дамлари саноқли кунларгина  давом этди. Чунки, бир неча кундан сўнг Абдуллоҳ тижорат мақсадида Шомга сафар қилишга ҳозирлик кўра бошлади.

Абдуллоҳ тижорат сафарида кетиб борар экан, ортида суюкли келинчагини ногоҳон келган айрилиқнинг аччиғи-ю машаққатлари ва кутилмаганда келиб қолган ёлғизлик аламини бошдан кечиришга қолдириб кетарди. Карвон кимсасиз саҳронинг жазирама иссиғида, олов бўлиб ёнаётган қуёшнинг қайноқ тафти остида Шом юртларига қараб кетмоқда…

Ва ниҳоят Шомга ҳам етиб келишди. Бозорда ўрнашиб, савдо-сотиқ ишларини йўлга қўйишди. Ўзлари олиб келган молларнини сотишар ва Маккада талаб кучли бўлган маҳсулотларни сотиб олишар эди. Шу тариқа тижорат кунлари ўз ниҳоясига етди ва карвон яна қайта ўз юрти томон йўлга отланди.

Йўлнинг ярмига етганда Абдуллоҳ касал бўлиб қолди ва шу сабабли сафар қийинчилиги-ю касаллик машаққатидан бир оз тин олиш мақсадида Мадинаи Мунавварада, отасининг тоға уруғлари ҳузурида тушиб қолди. Карвоннинг қолган қисми эса ўз йўлида давом этиб, Маккаи Мукаррамага етиб келди. Макка аҳли карвон яқинлашиб қолганини билишлари биланоқ уларни кутиб олиш учун  Маккага кириш жойи томон ошиқдилар. Карвонни хурсандчилик, шодлик ила кутиб олдилар ва уларнинг қайтиб келгани муносабати билан Қусай ибн Килоб инсонлар жамланишалари учун қурган Дорун-Надвада байрам зиёфати уюштирдилар.

Саййида Омина бинти Ваҳб ҳам тўйдан ҳеч қанча муддат ўтмай уни ҳижрон азобида қолдириб, тижорат сафарига кетган суюклиси билан учрашишни интизорлик билан кутар эди.

Карвон Маккаи Мукаррамага кириб келди. Ҳар бир киши ўзининг яқинини бағрига босиб, эсон-омон қайтиб келганини нишонламоқда. Абдулмуттолиб ҳам етиб келди. Карвон орасидан ўғлини қидира бошлади. Топа олмагач сафарга бирга кетган ҳамроҳларидан: “Менинг ўғлим Абдуллоҳ қани?” деб сўради.

Улар йўлда Абдуллоҳнинг тоби қочгани ва Мадинада тоға уруғлариникида бир муддат дам олиш учун қолганини ҳамда дам олиб, ўзига келгач Маккага қайтиб келишини айтишди. Абдулмуттолиб ўғлидан хавотирга тушди, қалбига қўрқув оралади. Тезда унинг орқасидан катта ўғли Ҳорисни жўнатди.

Ҳорис Мадинага етиб келганида Абдуллоҳ бу фоний дунёдан боқий дунёга риҳлат қилиб бўлган ва Мадинада тоға уруғлари ҳузурида дафн қилинган эди. Абдуллоҳнинг вафоти хабари отаси Абдулмуттолибга етиб келди. У бу хабардан қаттиқ қайғуга ботди. Ушбу оғир жудолик хабарини етказиш учун Оминанинг ҳузурига кирди. Юзларидаги қайғу аломатларини кўргач Омина: “Нега бу қадар ғамгинсиз, отажон?” деб сўради.

Абдулмуттолиб бор гапни айтгач, эрининг вафотидан қаттиқ ўкинди. Аммо Аллоҳнинг қазои-қадари шундай бўлишини тақозо этган экан у нима ҳам қила оларди?! Унинг тақдирига рози бўлиб, ишларини Унинг ҳукмига топширмоғи даркор. Шундай қилди ҳам. Ишларини Аллоҳга ҳавола қилди ва бошига тушган мусибатга сабр қилди.

Лекин ғам-қайғу узоқ давом этмади. Тез орада ҳомиладор эканлигини ҳис қилди. Шу кундан эътиборан қорнидаги фарзандига етишиш онларини кута бошлади. Аллоҳдан бу қорнидаги фарзандини вафот этиб кетган суюклисидан ўринбосар қилишини сўради.

Давоми бор…

“Ҳаяту Муҳаммад” китобидан

 “Кўкалдош”  ўрта махсус ислом билим юрти

мударрислари Рустам Охунд ва Охунжон Аҳмад таржимаси.

 

 

 

 

 

 

 

 

What you can read next

Ислом арконлари
Ислом арконлари
Билим юрти ҳамда спорт мактаби ўртасида ҳамкорлик
Islomda bagʻrikenglik va tinchlik tushunchalari
Islomda bagʻrikenglik va tinchlik tushunchalari

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP