SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Никоҳнинг фойдалари ва фазилатлари
24.12.2018 / Bo‘limda Fiqh, Maqolalar, Yangiliklar

Никоҳнинг фойдалари ва фазилатлари

Ер юзида турли хил инсонлар бор. Аллоҳ таоло барча бандаларини Ўзига итоат қилишликка буйирди. Унга осий бўлганларни аҳволи танг эканлигини баён қилди. Бу борада Аллоҳ таоло шундай марҳамат қилади:

  وَمَنْ يُطِعِ اللَّهَ وَرَسُولَهُ وَيَخْشَ اللَّهَ وَيَتَّقْهِ فَأُولَئِكَ هُمُ الْفَائِزُونَ   (النور: 52)

“Ким Аллоҳга ва Унинг пайғамбарига итоат этса ҳамда Аллоҳдан қўрқиб, Унга тақво қилса, бас, ана ўшаларгина ютуққа эришгувчилардир” (Нур сураси 52-оят).

  وَمَنْ يَعْصِ اللَّهَ وَرَسُولَهُ وَيَتَعَدَّ حُدُودَهُ يُدْخِلْهُ نَارًا خَالِدًا فِيهَا وَلَهُ عَذَابٌ مُهِينٌ   النساء: 14

«Ким Аллоҳга ва Унинг росулига исён қилса ва Унинг чегарасидан тажовуз қилса, уни абадий қолиш учун дўзахга киритадир. Ва унга хорловчи азоб бордир» (Нисо сураси 14-оят).

Инсон учун бу дунё ҳаётида муҳим бўлган бошқичлардан энг асосийси Аллоҳнинг шарияти ва Расулуллоҳ соллаллоҳу алайҳи васалламнинг суннатларига мувофиқ турмуш қуришликдир. Эр-хотин ҳаёти давомида бир-бирига суянчиқ, раҳмдил ва улфат бўлиб яшасалар, ўрталарида бахт-у саодат абадий бўлади, ҳаётлари фаровон кечади.

Турмуш бу авлодларни дунёга келтирувчи, уларни ҳаёт учун тайёрловчи ва салоҳиятли ишларга йўналтирувчи асосий унсур ҳисобланади. Чунки, ота-онанинг фарзанд тарбиясида катта ва муҳим ўрни бор. Зеро, солиҳ ота-она соғлом жамият пойдеворидир.

Турмуш қуриш пайғамбарларнинг суннатларидандир. Аллоҳ таоло бу борада шундай марҳамат қилади:

  وَلَقَدْ أَرْسَلْنَا رُسُلا مِنْ قَبْلِكَ وَجَعَلْنَا لَهُمْ أَزْوَاجًا وَذُرِّيَّةً   (الرعد: 38)

“Дарҳақиқат, сиздан олдин пайғамбарларни юбордик ва уларга жуфтлар ва зурриётлар бердик” (Раъд сураси 38-оят).

Мўминлар борасида эса:

  وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا  الفرقان:74

“(Мўминлар) эй, Роббимиз! Жуфтларимиз ва фарзандларимиздан бизнинг кўз қувонҳимизнуи қилгин ва бизни муттақинларга имом қилгин, дерлар” (Фурқон сураси 74-оят).

Абдуллоҳ ибн Масъуд розияллоҳу анҳудан ривоят қилинади: Расулуллоҳ соллаллоҳу алайҳи васаллам шундай дедилар: “Эй, ёшлар жамоаси! Сизлардан ким уйланишга қодир бўлса уйлансин. Чунки у кўзни тўсувчи ва фаржни сақловчидир. Ким қодир бўлмаса рўза тутсин. У унга чорадир” (Бухорий ва Муслим ривояти).

Бошқа бир ҳадисда, Анас розияллоҳу анҳудан ривоят қилинади: Расулуллоҳ соллаллоҳу алайҳи васаллам шундай марҳамат қиладилар: “Кўп фарзанд берадиган аёлларга уйланинглар. Чунки, мен қиёмат куни патғамбарларга кўпмиз деб мақтанаман” (Имом Аҳмад ривояти).

Никоҳ эр-хотин учун энг покиза йўлдир. Жамият учун энг муҳим ишлардан ҳисобланади. Ҳар хил маданиятсизлик ва фаҳш-у зинолардан сақловчи восита ҳисобланади.

Умумий қилиб айтганда, никоҳ фаҳшлардан сақловчи, қалбни покловчи, нафсни тарбияловчи ва наслни давом эттирувчи зурриёдларни дунёга келишига сабабчи иш ҳисобланади.

Турмуш қураётган ёшларимизга, солиҳ ва покдилли бўлишликлари лозим бўлади. Чиройли хулқ билан зийнатлансалар бир-бирларига муҳаббатлари янада ошади. Бу борада Расулуллоҳ соллаллоҳу алайҳи васаллам шундай марҳамат қилганлар: “Аёл киши тўрт нарсаси учун уйланилади: моли, насл-насаби, гўзаллиги ва дини. Диёнатлисини танла, Барака топасан!” (Бухорий ривояти).

Турмуш қурган ҳар бир ёш-у катталарга турмушларини сақлаб қолмоқликлари лозим. Уни қалин бўғич билан боғлаб қўйсинлар. Бу боғич – муҳаббатдир. Муҳаббат қачон пайдо бўлади? Эр-хотин биргаликда Аллоҳ таолога ибодат қилиб, солиҳ амалларни кўпайтиришликда вужудга келади.

Эр аёлига яхши муомилада бўлишлиги лозим. Расулуллоҳ соллаллоҳу алайҳи васаллам таъкидлаганларидек, “Сизларнинг энг яхшингиз аҳли аёлига яхши бўлганидир. Мен аҳли аёлимга яхшидирман”.

Шу аснода, аёл ҳам бўйнидаги барча вазифаларни сидқидиллик билан бажармоқлиги лозим. Эри ишдан қайтганида хушмуомилалик билан қарши олишлиги лозим. Эрига итоат қилган аёл ҳақида Расулуллоҳ соллаллоҳу алайҳи васалламнинг башоратлари бор: “Агар аёл беш вақт намоз ўқиса, (Рамазон) рўзасини тутса, фаржини сақласа ва эрига итоат қилса жаннатнинг хохлаган эшигидан  киради”.

Эр-хотиннинг иккалаларининг зиммасидаги вазифалардан яна, бир-бирларини камчилик-у нуқсонларини ҳаммага тарқатавермасликлари туради. Хато-камчиликлари бўлса, бир-бирини ислоҳ қилишликлари лозим бўлади. Хатоларни тўғирлаш асносида яхши гапларни гапириб, мақтаб, қилган бу ишини бошқа қайтиб қилмаслигини уқтирмоқликлари лозим.

Шунингдек, сабрли ва матонатли бўлишликлари лозим. Аллоҳ таоло бу борада шундай марҳамат қилади:

  وَعَاشِرُوهُنَّ بِالْمَعْرُوفِ فَإِنْ كَرِهْتُمُوهُنَّ فَعَسَى أَنْ تَكْرَهُوا شَيْئًا وَيَجْعَلَ اللَّهُ فِيهِ خَيْرًا كَثِيرًا  النساء: 19

“Ва улар ила яхшиликда яшанг. Агар уларни ёқтирмасангиз, шояд, Аллоҳ сиз ёқтирмаган нарсада кўп яхшиликни қилса” (Нисо сураси 19-оят).

Абу Ҳурайра розияллоҳу анҳудан ривоят қилинади: Расулуллоҳ соллаллоҳу алайҳи васаллам шундай деганлар: “Мўмин мўминага ғазаб қилмасин! Агар унинг бир хулқини ёмон кўрса, бошқа хулқи билан ундан рози бўлсин!” (Имом муслим ривояти).

Аллоҳ таоло юртимиздаги барча ёшларга бахт-у саодат ато этсин!

«Кўкалдош » ўрта махсус ислом билим юрти

мударриси  Дониёр Файзуллаев  манбалар асосида тайёрлади

What you can read next

7 саволга 7 жавоб: Намозга боғлиқ саволлар
7 саволга 7 жавоб: Намозга боғлиқ саволлар
ИНСОН ҚАДРЛАНГАН ЮРТГА АЛЛОҲНИНГ РАҲМАТИ ЁҒИЛАДИ
Инсон қадрланган юртга Аллоҳнинг раҳмати ёғилади
Amir Temur – Islom himoyachisi va adolat timsoli
Amir Temur – Islom himoyachisi va adolat timsoli

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP