1 oktyabr – Oʻqituvchi va murabbiylar kuni munosabati bilan Oʻzbekiston musulmonlari idorasi tomonidan dinimiz rivoji, Vatanimiz taraqqiyoti va xalqimiz farovonligiga beqiyos hissa qoʻshgan 85 nafar nuroniy ustozlar, mehnat faxriylari yoʻqlandi.




Ushbu xayrli tadbir doirasida tizimda koʻp yillar faoliyat yuritib, bugungi kunda marhum boʻlgan ulamolarning yaqinlari holidan xabar olindi. Shuningdek, hozirda Diniy idora tizimida faoliyat yuritayotgan ustozlar ham eʼtibordan chetda qolmadi.
Ana shunday eʼtibor va ehtiromga sazovor boʻlganlar qatorida Koʻkaldosh oʻrta maxsus islom taʼlim muassasasi direktori M.Erkayev ham taqdirlandi.
Madrasa jamoasi nomidan ustozimizni ushbu yuksak eʼtirof bilan samimiy muborakbod etamiz! Alloh taolo ilmlariga baraka, umrlariga barokat ato etib, qilayotgan xizmatlarini Oʻz dargohida maqbul aylasin!
«Koʻkaldosh» oʻrta maxsus islom taʼlim muassasasi
Matbuot xizmati






