Imom Buxoriy nomidagi Toshkent islom instituti Modul taʼlim tizimi 2-kurs talabalari diniy taʼlim muassasalari faoliyati bilan yaqindan tanishish, sohada amalga oshirilayotgan yangilanishlar va zamonaviy imkoniyatlar haqida bevosita tasavvur hosil qilish maqsadida Koʻkaldosh oʻrta maxsus islom taʼlim muassasasiga maʼrifiy tashrif buyurdi.
Mehmonlarni muassasa direktori M. Erkayev hamda maʼnaviy-maʼrifiy masalalar boʻyicha direktor oʻrinbosari A. Gʻaniyev kutib olib, taʼlim muassasasining boy tarixi, bugungi faoliyati hamda oʻquv jarayonini tashkil etish borasidagi ishlar bilan tanishtirdi.



Tashrifdan asosiy maqsad — talabalarni muassasaning yangi, zamonaviy oʻquv majmuasi, unda taʼlim oluvchilar uchun yaratilgan shart-sharoit va imkoniyatlar bilan yaqindan tanishtirish, shu orqali mamlakatimizda diniy taʼlim sohasida amalga oshirilayotgan izchil islohotlarning amaliy natijalarini bevosita koʻrsatishdan iborat boʻldi.
Mehmonlar muassasa Yoshlar bilan ishlash, maʼnaviyat va maʼrifat boʻlimi xodimi A. Toshpoʻlatov hamrohligida yangi binodagi oʻquv xonalari, kutubxona, sport zali, stadion va boshqa zamonaviy infratuzilma obyektlari bilan tanishdilar.




Yangi oʻquv majmuasida taʼlim jarayoni uchun zarur sharoitlarning zamonaviy talablar asosida tashkil etilgani talabalarda katta qiziqish uygʻotdi. Zamonaviy jihozlar bilan taʼminlangan auditoriyalar, ilmiy va badiiy adabiyotlar bilan boyitilgan kutubxona, sport bilan shugʻullanish uchun yaratilgan imkoniyatlar taʼlim oluvchilarning nafaqat kasbiy, balki maʼnaviy va jismoniy kamolotiga ham xizmat qiladi.
«Koʻkaldosh» oʻrta maxsus islom taʼlim muassasasi
Matbuot xizmati
📱 @kukaldoshuz – Koʻkaldosh madrasasining diniy-maʼrifiy kanali!
🕸 Kukaldosh.uz 📱 Youtube 📱 Facebook 📱 Instagram






