SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
30.08.2026 / Bo‘limda Islom tarixi, Maqolalar

Zulmatdan nurgacha (12-qism) Istehzoga ilohiy javob

Rasululloh sollallohu alayhi va sallam ochiq daʼvatni boshlaganlaridan soʻng Makkada vaziyat tobora keskinlashdi. Quraysh boshliqlari Islom daʼvatining keng tarqalayotganini koʻrib, jiddiy xavotirga tushdilar. Chunki u zot odamlarni but-sanamlarga sigʻinishdan qaytarib, faqat Allohga ibodat qilishga chaqirayotgan edilar.
Shu sababli Rasululloh sollallohu alayhi va sallam mushriklar tarafidan koʻp ozor va qattiq qiyinchiliklar koʻrdilar. U zotga eng koʻp aziyat beradigan bir guruh bor ediki, ozor va aziyatlari koʻpligi uchun ular “istehzo qiluvchilar” deb nomlangan edi.
Istehzo qiluvchilarning eng birinchisi va ashaddiysi Abu Jahl laqabli Amr ibn Hishom ibn Mugʻiyra Mahzumiy Qurayshiydir.
Abu Jahl koʻpincha Rasululloh sollallohu alayhi va sallamni Baytullohda namoz oʻqishlaridan qaytarardi. Bir safar u zotning namoz oʻqiganlarini koʻrib:
– Seni bundan qaytarmaganmidim?! – deb doʻq qildi.
Rasululloh sollallohu alayhi va sallam unga qattiq gapirishga majbur boʻldilar. Shunda Abu Jahl:
– Sen menga tahdid qilyapsanmi?! Holbuki, bu vodiy ahli orasida jamoasi eng koʻp odam menman-ku! – dedi.
Shunda Alloh taolo unga tahdid sifatida Alaq surasining oxiridagi oyatlarni nozil qildi:

كَلَّا لَئِن لَّمْ يَنتَهِ لَنَسْفَعًا بِالنَّاصِيَةِ ﴿١٥﴾ نَاصِيَةٍ كَاذِبَةٍ خَاطِئَةٍ ﴿١٦﴾ فَلْيَدْعُ نَادِيَهُ ﴿١٧﴾ سَنَدْعُ الزَّبَانِيَةَ ﴿١٨﴾ كَلَّا لَا تُطِعْهُ وَاسْجُدْ وَاقْتَرِب ۩ ﴿١٩﴾

Maʼnolar tarjimasi: “Yoʻq! Agar u (yomonligidan) toʻxtamasa, Biz, albatta, uning peshona sochidan – yolgʻonchi, xatokor peshona sochidan mahkam tutib (jahannamga uloqtiramiz). Endi u jamoasini (yordamga) chaqiraversin! Biz zaboniya – azob farishtalarini chaqiramiz! Yoʻq! (Ey Muhammad) siz unga itoat etmang! (Faqat Allohning Oʻziga) sajda-ibodat qiling va (U zotga) qurbat hosil qiling!” (Alaq surasi, 15-19-oyatlar). Ushbu voqea sahih hadisda bayon etilgan (Abdulloh ibn Abbos roziyallohu anhumo rivoyati; Imom Termiziy rivoyati, 3349).
Istehzo qiluvchilardan yana biri Abu Lahab ibn Abdulmuttalibdir. U haqda avvalgi maqolamizda toʻxtalgan edik.
Yana biri Uqba ibn Abu Muaytdir. U Rasululloh sollallohu alayhi va sallamning qoʻshnilaridan edi va u zotga nisbatan Abu Lahab kabi yomon muomala qilar edi.
Ulardan yana biri Amr ibn Os roziyallohu anhuning otasi Os ibn Voil Sahmiy Qurayshiydir. Bu kimsaning ham Rasululloh sollallohu alayhi va sallamga nisbatan adovati kuchli boʻlgan. U shunday der edi:
– Muhammad sahobalarini oʻlgandan keyin qayta tirilishini aytib aldagan. Xudo haqqi, bizni faqat vaqt-zamon oʻtishigina oʻldiradi.
Shunda Alloh taolo uning bu daʼvosiga nisbatan shunday marhamat qildi:

وَقَالُوا مَا هِيَ إِلَّا حَيَاتُنَا الدُّنْيَا نَمُوتُ وَنَحْيَا وَمَا يُهْلِكُنَا إِلَّا الدَّهْرُ ۚ وَمَا لَهُم بِذَٰلِكَ مِنْ عِلْمٍ ۖ إِنْ هُمْ إِلَّا يَظُنُّونَ ﴿٢٤﴾

Maʼnolar tarjimasi: “Ular: “Biz dunyodagi hayotimizdan boshqa hayot yoʻq. (Birimiz) oʻlamiz, (boshqamiz) yashab yuraveramiz. Bizlarni faqat vaqt-zamon (oʻtishi)gina oʻldiradi”, – deyishdi. Holbuki, ularda bu haqda biron ilm-hujjat yoʻq. Ular faqat gumon-taxmin qilishadi, xolos” (Josiya surasi, 24-oyat).
Yana istehzo qiluvchilardan Asvad ibn Abduyagʻus Zuhriy Qurayshiy, Asvad ibn Muttalib ibn Asad Asadiy, Valid ibn Mugʻiyra Mahzumiy va Banu Abduddor ibn Qusay urugʻidan Nadr ibn Horis Abdariy bor edi.
Rasululloh sollallohu alayhi va sallamga qilingan biror-bir yomonlik javobsiz qolmadi. Alloh taolo Hijr surasida aytganidek, ularning barchasidan intiqom oldi:

إِنَّا كَفَيْنَاكَ الْمُسْتَهْزِئِينَ ﴿٩٥﴾ الَّذِينَ يَجْعَلُونَ مَعَ اللَّهِ إِلَٰهًا آخَرَ ۚ فَسَوْفَ يَعْلَمُونَ ﴿٩٦﴾

Maʼnolar tarjimasi: “(Ey Muhammad) sizni Biz Oʻzimiz istehzo qiluvchilardan muhofaza etamiz. Ular Alloh bilan birga boshqa ilohni (sherik) qilishadi. Yaqinda (oqibatini) bilib olishadi” (Hijr surasi, 95-96-oyatlar).
(Davomi bor…)

✒️“Koʻkaldosh” oʻrta maxsus islom taʼlim muassasasi oʻqituvchisi Ikrom domla Roʻziqulov

Tagged under: maqola, mavlid, nabiy, rasululloh, siyrat

What you can read next

Таълим олувчининг одоби (1-қисм)
Таълим олувчининг одоблари (4-қисм)
ҚАБРИСТОН ЗИЁРАТИ(ёхуд азиз-авлиёларга беписандлик, уларни инкор қилиш ҳукми хусусида)
ҚАБРИСТОН ЗИЁРАТИ(ёхуд азиз-авлиёларга беписандлик, уларни инкор қилиш ҳукми хусусида)
Муфтий ҳазрат кам таъминланган оилалар билан ифторда иштирок этдилар
Муфтий ҳазрат кам таъминланган оилалар билан ифторда иштирок этдилар

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP