“Koʻkaldosh” oʻrta maxsus islom bilim yurti oʻquv ishlari boʻyicha mudir oʻrinbosari Nodir Djalolov yoshlar oʻrtasida maʼnaviy-maʼrifiy ishlarni samarali tashkil etish, jamiyatda sogʻlom maʼnaviy muhitni mustahkamlash hamda maʼrifiy targʻibot tadbirlarida faol ishtiroki uchun Yunusobod tumani hokimligining Tashakkurnomasi bilan taqdirlandi.
Mazkur tashakkurnoma Yunusobod tumani hududida ijtimoiy-maʼnaviy muhitni sogʻlomlashtirish, yoshlarni milliy va umuminsoniy qadriyatlar ruhida tarbiyalash, ular oʻrtasida maʼnaviy-maʼrifiy targʻibot ishlarini tizimli ravishda olib borish hamda mazkur yoʻnalishdagi tadbirlarni tashkil etish va oʻtkazishda koʻrsatgan fidokorona mehnati eʼtirofi sifatida topshirildi.
Nodir Djalolov oʻz faoliyati davomida bilim yurtida taʼlim-tarbiya jarayonini yanada takomillashtirish, talabalarning maʼnaviy kamolotini yuksaltirish, ularning Vatanga sadoqat, bagʻrikenglik va yuksak axloqiy fazilatlar ruhida tarbiyalanishiga qaratilgan maʼnaviy-maʼrifiy tadbirlarni tashkil etishda faol ishtirok etib kelmoqda.



Ushbu eʼtirof nafaqat bir pedagogning mehnatiga berilgan yuksak baho, balki «Koʻkaldosh» oʻrta maxsus islom bilim yurti jamoasining maʼnaviy-maʼrifiy yoʻnalishdagi izchil faoliyati va jamiyat taraqqiyotiga qoʻshayotgan munosib hissasining ham eʼtirofidir.
“Koʻkaldosh” oʻrta maxsus islom bilim yurti jamoasi ushbu munosib mukofot bilan samimiy tabriklaydi hamda kelgusidagi pedagogik va maʼnaviy-maʼrifiy faoliyatida ulkan muvaffaqiyatlar, mustahkam sogʻlik va yangi zafarlar tilaydi.
Кўкалдош ўрта махсус ислом билим юрти Ёшлар билан ишлаш, маънавият ва маърифат бўлими






