БУГУНГИ КУНДА БАЪЗИЛАР ҲАДИСЛАРНИ ТАРЖИМА КИТОБЛАРДАН ЎҚИБ: “МЕН “САҲИҲУЛ БУХОРИЙ” ВА “САҲИҲУЛ МУСЛИМ”НИ ЎҚИДИМ, ДЕМАК ШАРИАТ ҲУКМЛАРИНИ ЎЗИМ МУСТАҚИЛ ЧИҚАРА ОЛАМАН”, ДЕБ ЎЙЛАЙДИГАН БЎЛИБ ҚОЛИШГАН.
КИМ ШУНДАЙ ДАЪВОДА ҚИЛАЁТГАН БЎЛСА, ХАТО ЙЎЛДА ЮРГАН БЎЛАДИ!!!
АХИР ҲАДИСЛАРНИ ТАРЖИМАЛАРДАН ЎҚИГАН ЁКИ АРАБЧАДА ЎҚИГАН БЎЛСА ҲАМ ҲАДИСГА ДОИР БИР ҚАТОР ИЛМЛАРНИ ЭГАЛЛАМАГАН КИШИ ЎҚИГАН ҲАДИСИНИНГ МУТЛОҚ ЁКИ ХОС ҲОЛАТЛАР УЧУН АЙТИЛГАНИНИ ҚАЕРДАН БИЛСИН?!
БУНДАН ТАШҚАРИ БУ КАБИ “АЛЛОМАИ ЗАМОН”ЛАРДА ҲАДИСЛАРНИНГ ҚАЙСИ БИРИ АМАЛДАН ҚОЛГАНИ ЁКИ ҚОЛМАГАНИНИ БИЛДИРУВЧИ
НОСИХ-МАНСУХ ИЛМИ ҲАМ ЙЎҚ-КУ!
ЭНДИ БУ ИККИ ИЛМНИ БИЛМАГАН КИШИЛАРГА ҚУРЪОН ОЯТЛАРИНИНГ НОЗИЛ БЎЛИШ САБАБЛАРИ БЎЛГАНИДЕК ҲАДИСЛАРНИНГ ҲАМ АЙТИЛИШ САБАБЛАРИ БЎЛИШИНИ ТУШУНТИРИБ ЎТИРИШНИНГ ҲОЖАТИ БЎЛМАСА КЕРАК.
БУ ЁҚДА ҲАЛИ УЛАР НОМИНИ ҲАМ ЭШИТМАГАН “УСУЛУЛ ФИҚҲ” ДЕГАН ИЛМЛАР ҲАМ БОР…
ШУ КАБИЛАРГА АЙТАР ГАПИМИЗ ШУКИ, ҲОФИЗ ИБН ҲАЖАР АСҚАЛОНИЙ “САҲИҲУЛ БУХОРИЙ”ГА “ФАТҲУЛ БОРИЙ”НОМЛИ, БАДРУДДИН АЙНИЙ “УМДАТУЛ ҚОРИЙ” НОМЛИ, ИМОМ НАВАВИЙ “САҲИҲУЛ МУСЛИМ”ГА “ШАРҲУ САҲИҲИЛ МУСЛИМ” НОМЛИ ШАРҲ ЁЗГАН ҲАДИС ИЛМИНИНГ ЭНГ КАТТА ИМОМЛАРИДАН ҲИСОБЛАНАДИЛАР.
ШУНГА ҚАРАМАСДАН УЛАР АҚЛЛАРИГА ТАЯНИБ ШАХСИЙ ИЖТИҲОД БИЛАН ШУҒУЛЛАНИШМАГАН, БАЛКИ ЎЗ ҲАДДИЛАРИНИ БИЛИБ МУАЙЯН БИР МАЗҲАБГА ЭРГАШИШГАН!
ҲОФИЗ ИБН ҲАЖАР АСҚАЛОНИЙ ВА ИМОМ НАВАВИЙ ШОФЕЪИЙ МАЗҲАБИГА, БАДРУДДИН АЙНИЙ ЭСА ҲАНАФИЙ МАЗҲАБИДА БЎЛГАНЛАР.
ШУНДАЙ ЭКАН, СИЗ ҲАМ ЎЗ ҲАДДИНГИЗНИ БИЛИНГ АҚЛИНГИЗ ЕТМАГАН ЖОЙГА БОШИНГИЗНИ ТИҚМАНГ!
КЎКАЛДОШ ЎМИБЮ МАТБУОТ КОТИБИ РУСТАМ ДОМЛА ОХУНЖОНОВ






