▫️ Oʻzbekiston Respublikasi Prezidenti Shavkat Mirziyoyevning Oliy Majlis va Oʻzbekiston xalqiga Murojaatnomasida belgilangan ustuvor vazifalar ijrosini taʼminlash maqsadida 2026-yil 7-fevral kuni “Koʻkaldosh oʻrta maxsus islom taʼlim muassasasi”da “Milliy yuksalishning yangi Oʻzbekiston modeli” maxsus kursi doirasida navbatdagi dars mashgʻuloti tashkil etildi.
🎙 Mazkur mashgʻulot iqtisodchi, islom moliyasi boʻyicha ekspert, Toshkent islom instituti oʻqituvchisi Ravshanov Alijon domla tomonidan
“Iqtisodiyotni texnologik va innovatsion oʻsish modeliga oʻtkazish hamda ichki bozorda talabni ragʻbatlantirish” mavzusida olib borildi.
👥 Maʼruzada taʼlim muassasasi mudiri PhD Maʼmurjon Erkayev, pedagog-oʻqituvchilar va talabalar ishtirok etdi.




📋 Maʼruzada iqtisodiyotni texnologik va innovatsion rivojlanish modeliga oʻtkazishning zarurati, yuqori qoʻshilgan qiymatga ega mahsulotlar ishlab chiqarishni kengaytirish, sanoatni texnologik transformatsiya qilish masalalari batafsil yoritildi. Energiya samaradorligi, texnologik yangilanish, innovatsion investitsiya siyosati va texnologiya transferining iqtisodiy oʻsishdagi oʻrni alohida taʼkidlandi.
🔹 Shuningdek, raqamli iqtisodiyot, IT, sunʼiy intellekt, Industry 4.0 yoʻnalishlari, innovatsion infratuzilmani rivojlantirish hamda startaplarni qoʻllab-quvvatlash masalalari muhokama qilindi. Yuqori va oʻrtadan yuqori texnologiyali tarmoqlar ulushini oshirish mamlakat raqobatbardoshligini kuchaytirishi qayd etildi.
📌 Maʼruzaning ikkinchi qismida ichki bozorda talabni ragʻbatlantirish iqtisodiy barqarorlikning muhim omili ekani tushuntirildi. Aholi daromadlari va xarid qobiliyatining oʻsishi, inflyatsiyani jilovlash, uy-joy va ipoteka dasturlari, isteʼmol krediti, xizmatlar sohasi, transport-logistika, qishloq xoʻjaligi va oziq-ovqat bozorining ichki talabni kengaytirishdagi ahamiyati atroflicha tahlil qilindi.





Mazkur maʼruza talabalarda zamonaviy iqtisodiy tafakkurni shakllantirish, Yangi Oʻzbekiston taraqqiyot modelining mazmun-mohiyatini chuqur anglash hamda iqtisodiy islohotlarning amaliy ahamiyatini tushunishda muhim ahamiyat kasb etdi.






