“Koʻkaldosh” oʻrta maxsus islom bilim yurti mudarrisi S. Saidakramov Oʻzbekiston xalqaro islomshunoslik akademiyasida oʻtkazilgan “Radikallashuv va yot gʻoyalarga qarshi kurashish hamda axborot isteʼmoli madaniyatini shakllantirish” mavzusiga bagʻishlangan tadbirda soʻzga chiqdi.
Mazkur tadbir Oʻzbekiston Respublikasi Prezidentining “Oʻzbekiston – 2030” strategiyasi toʻgʻrisida”gi Farmoni ijrosini taʼminlash maqsadida tashkil etilib, unda “Soxta salafiylik: tarixi, gʻoyasi, belgisi va xatarlari”, “Radikallashuvning oldini olishda jamiyatda axborot madaniyati va jamoatchilik ishtirokini oshirish”, shuningdek, “Yoshlar radikallashuviga taʼsir etuvchi ijtimoiy-psixologik omillar” kabi dolzarb mavzular muhokama qilindi.



Tadbirda Oʻzbekiston Respublikasi Prezidentining vakillik organlari, nodavlat notijorat tashkilotlar, din va yoshlar masalalari boʻyicha maslahatchisi oʻrinbosari, Oʻzbekiston xalqaro islomshunoslik akademiyasi rektori Muzaffar Kamilov, Din ishlari boʻyicha qoʻmita raisining birinchi oʻrinbosari Davronbek Maxsudov va boshqa mutasaddi tashkilotlar vakillari ishtirok etdilar.


Tadbir yakunida radikallashuv va yot gʻoyalarga qarshi kurashish borasidagi faol ishtiroki, mazmunli chiqishlari hamda maʼnaviy-maʼrifiy ishlarga qoʻshgan hissasi uchun S. Saidakramov tashkilotchilar tomonidan taqdirlandi.
«Koʻkaldosh» OʻMIBY Matbuot xizmati






