Bugun, 3-aprel kuni «Koʻkaldosh»oʻrta maxsus islom bilim yurtida «Qurʼoni karim va tajvid» oʻquv kursining navbatdagi 55-davra mashgʻulotlari yakunlandi.




Yigʻilishda bilim yurti maʼnaviy ishlari boʻyicha mudir oʻrinbosari Abdulvosi Gʻaniyev, Matbuot kotibi Rustam Oxunjonov, «Qurʼon karim va tajvid» oʻquv kursi ustozi Muzaffarxon Jalolxonovlar ishtirok etishdi.
Yigʻilishda bilim yurti maʼnaviy ishlar boʻyicha mudir oʻrinbosari Abdulvosi Gʻaniyev bitiruvchilarni mazkur kursni tugatganliklari bilan muborakbod etib, Qurʼon karim tilovat qiluvchi va hofizi Kalomullohlarning fazilatlari, ularning Alloh taolo huzuridagi va barcha maxluqotlarning orasidagi darajalari haqida bayon qilib berdi hamda «Qurʼoni karim va tajvid» oʻquv kursi bitiruvchilariga berilgan sertifikat diniy taʼlim berishga hech qanday qonuniy asosga ega emasligini taʼkidlab oʻtdi va ularga kelgusi faoliyatlarida omad tilab oʻz soʻzini tugatdi.







Mazkur bosqich tinglovchilariga bilim yurti tomonidan «Qurʼoni karim va tajvid» oʻquv kursini yakunlanganini tasdiqlovchi sertifikatlar hamda sovgʻa sifatida Qurʼoni karim musʼhafi topshirildi.
Mazkur yigʻilishda boʻlgan ustozlar bitiruvchilarga omad tilab ularning haqqilariga duoi xayrlar qildilar.

«Қуръон карим ва тажвид» ўқув курси услубчиси Нуриддин Шарипов






