Kuni kecha Toshkent viloyati, Zangiota tumani, Xalq taʼlimi boʻlimida “Jaholatga qarshi maʼrifat” mavzusida targʻibot tadbiri tashkil etildi.
Tadbirda «Koʻkaldosh» oʻrta-maxsus islom bilim yurti oʻqituvchisi, Oʻzbekiston xalqaro islom akademiyasi Islomshunoslik va islom sivilizatsiyasini oʻrganish ICESCO kafedrasi doktoranti R.Saidjalolov mavzu yuzasidan maʼruza qildi.




Uchrashuvda, dunyoviylik, ibodatda koʻr-koʻrona taqlidning salbiy jihatlari hamda neʼmatlar shukri ila ziyoda boʻlishi haqida shuningdek, millatlararo totuvlik va diniy bagʻrikenglik mavzulariga alohida toʻxtalib oʻtildi.
Maʼruza davomida farzandlarni yot gʻoyalar taʼsiridan saqlash, ularni qadriyatlarimizga mos ravishda sogʻlom eʼtiqodli qilib tarbiyalashdagi har bir ota-onaning oʻrni kabi muhim mavzularda ham fikr-mulohazalar bildirildi.
Tadbir soʻngida, qatnashchilar tomonidan ijtimoiy, aqidaviy hamda mazhabsizlikning salbiy oqibatlariga doir berilgan savollarga atroflicha javoblar berildi.
«Koʻkaldosh» OʻMIBY Matbuot xizmati






