45. Savol: Roʻzador odamning til tagiga tabletka qoʻyib davolanishi hukmi nima?
Javob: Roʻzador odamning til tagiga tabletka qoʻyishi roʻzani buzmaydi, chunki bu holatda dori oshqozonga yetib bormaydi, lekin u erisa va undan biron narsani yutadigan boʻlsa roʻzani buzadi.
46. Savol: Roʻzadorning oshqozoniga yerdan koʻtarilgan chang yoki unni elash asnosida koʻtarilgan chang va pashsha kirishi roʻzasini buzadimi?
Javob: Mazkur holatlarda roʻza durust boʻlib, roʻzador roʻzasida davom etadi va roʻza buzilmaydi.
47. Savol: Roʻza asnosida taom tatib koʻrishning hukmi nima?
Javob: Roʻza asnosida taomni tatib koʻrish makruh boʻladi, mabodo undan biron narsa oshqozoniga ketadigan boʻlsa, roʻza buziladi.
48. Savol: Chekish roʻzani buzadimi?
Javob: Chekish roʻzani buzadi, chunki tutun roʻzani buzuvchilardan sanaladi, tutun zarralari ataylab oʻpkaga kiritiladi oʻpka esa oshqozondandir.
49. Savol: Roʻzador davolanish uchun shifokorning tavsiyasi bilan qayt qilishi kerak boʻlsa, bu bilan roʻza buziladimi?
Javob: Roʻzasi buziladi va unga kunning qolgan qismida tiyilish vojib va shu kunning qazosini tutib beradi.
50. Savol: Roʻzador tupugini yutishining hukmi nima?
Javob: Roʻzador tupuk yoki soʻlagini yutishi joiz, chunki undan saqlanish qiyinchilikni keltirib chiqaradi, qiyinchilik va mashaqqatni Alloh taolo bizlardan ketkazgandir.
Roʻzaga oid mazkur savol-javoblar, Iordaniya bosh fatvo boshqarmasida tayyorlangan. (davomi bor)
Mirzaev Kamoliddin






