SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Муҳим ақидавий масалалар (3-қисм)
08.01.2024 / Bo‘limda Aqida

Муҳим ақидавий масалалар (3-қисм)

سؤال: ما أشراط الساعة؟-١٦

         16-Қиёматнинг аломатлари нималардир?

جواب: أشراط الساعة أي «العلامات الدالة على قرب قيامها جدا» أمور. منها الدجال و هو رجل أعور يخرج فى خفة من الدين و إدبار من العلم و يدعى الألوهية و يظهر بعض العجائب و يتبعه من كان ضعيف الإيمان و اليقين. و منه إظهار دابة من الأرض تعلم الناس فى وجوههم. فمن كان مؤمنا جعلت له علامة يعرف بها أنه مؤمن. و من كان كافرا جعلت له علامة يعرف بها أنه كافر. و تكلم الناس بأحوالهم. و منها طلوع الشمس من المغرب يوما من الأيام و ينسد حينئذ باب التوبة و لا تقبل من أحد. و منها خروج يأجوج و مأجوج و هم جيل من الناس أكثروا الفساد فى الأرض فى الزمن الغابر. فلما وصل إلى ناحيتهم ذو القرنين شكا منهم جيرانهم إليه. فرأى لحالهم و كان الموصل بينهم مضيق بين جبلين فبنى فيه سدا عاليا جدا من حديد و أفرع عليه الرصاص المذاب فصار سدا محكما أملس لا يتيسر نقبه و لا الصعود عليه فإذا حان أوان خروجهم إنفتح السد بسبب من الأسباب فينتشرون فى الأرض و يكثر فسادهم فى طولها و العرض.وفيلجأ الناس إلى مولاهم فى رفع شرهم و ضررهم فيهلكهم و يقضى بمحو أثرهم. و منها نزول عيسى عليه السلام و ذلك حين ما تكثر فى المسلمين الفتن و تتوالى عليهم المحن فيتولى أمور هذه الأمة و يكشف عنهم كل ملمة. و يقتل الدجال. و يخلص الناس من الأهواء و الأهوال.

         Жавоб: Қиёматнинг аломатлари, яъни, қиёматнинг бўлиши яқинлигига далил бўлгувчи белгилар жуда кўпдир. Шулардан бири Дажжолнинг чиқишидир. Дажжол бир кўзлик бўлиб, чап кўзи ёқ ўрни эса теп-текис, шунинг учун уни «масиҳ» (“силанган”, “текисланган”) деб лақабланади. У дин заифлашиб, ҳамма диний таълимдан юз ўгирган бир даврда чиқади ва худолик даъвосини қилиб, шу даъвони исботлаш учун баъзи ажойиб нарсаларни кўрсатади ҳам. Иймону ишончи заиф кишилар унга эргашадилар.

         Қиёмат аломатларидан яна бири бир ҳайвоннинг ер юзига чиқишидир. (Унинг узунлиги олтмиш газ, оёғи кўп ва жундор бўлиб, бир неча ҳайвонларга ўхшайди.) Муздалифа кечаси Сафо тоғи ёрилиб шундан чиқади. У одамларнинг юзига белги қўяди, яъни, баъзиларга оқ хол қўяди ва аста-секин барча юзи нурланиб, пешонасига «Ҳаза мўминун» (бу мўминдур) деган аломат пайдо бўлади, яъни, бу одам ақлини ишлатиб биринчи ўзини кимлигини таниб, сўнг улуғ Тангрисини таниганлиги маълум бўлади. Бошқа бировнинг юзига қора хол қўяди ва аста-секин унинг барча юзи қора бўлиб манглайига «Ҳаза кафирун» (бу кофирдур) деган белги пайдо бўлади, сабаби шулки, бу киши ўзини кимлигини  танимаган ва шу боисдан Роббисини ҳам танимаган. Ва бу ҳайвон одамларга ўз ҳолатини айтиб беради, яъни , сен мўминсан ва ё сен кофирсан деб.

         Қиёмат аломатларидан яна бири кунлардан бирида қуёшнинг Мағриб томондан чиқмоқлигидир ва шу вақтдан эътиборан тавба эшиклари беркилиб, бирор кишидан тавбаси қабул қилинмас.

         Қиёмат аломатларидан яна бири Яъжуж-Маъжужнинг чиқишидир, бу бир қабила одамлари бўлиб, ўтган замонларда ер юзида кўп фасод ишларни қилганлар. Зулқарнайн улар томонга борганида уларнинг қўшнилари Яъжуж-Маъжуж қавми устидан шикоят қилдилар, шунда Зулқарнайн уларнинг ҳолини кўриб, кўнгли юмшади ва бу қавм билан Яъжуж-Маъжуж қавми орасидаги икки тоғ оралиғидаги ўтиш жойини тўсиб, темирдан баланд тўғон қурди ва унинг устига эриган қўрғошин қуйиб ташлади. Шундан кейин бу силлиқ бир мустахкам тўғон бўлиб, унга чиқиб ҳам, тешиб ўтиб ҳам бўлмайдиган даражада бўлди. Агарда бу қавмнинг чиқиш вақти етса, бирон сабаб билан бу тўсиқ очилади ва улар ер юзига тарқашиб, ернинг хар томонида уларнинг фисқу-фасод ишлари кўпаяди. Шунда одамлар бу қавмнинг зараридан асраб, шарридан сақлашни сўраб ўз Роббиларига илтижо қиладилар ва Аллоҳ бу фасод қавмни ҳалокатга учратиб, уларнинг изларини хам йўқотишга хукм қилади.

         Қиёмат аломатларидан яна бири Ийсо алайҳиссаламнинг тушишларидир. Ийсо алайҳиссаламнинг тушиш вақтларида мусулмонлар орасида турли фитналар кўпайган ва уларнинг бошларига турли заҳмат ва машаққатлар кетма-кет келиб турган пайт бўлади. Шунда Ийсо алайҳиссалам Пайғамбаримиз Муҳуммад соллаллоҳу алайҳи ва салламдан ноиб бўлиб, бу умматларга бошчилик қиладилар ва уларнинг бошига тушган барча машаққатларни бартараф этиб, каззоб Дажжолни ўлдирадилар. Ва барча инсонлар ҳавою-нафс фитналарию қўрқинчларидан холос бўладилар.

         Шу ўринда Бухорои шарифда ўқиб юрган чоғимда устозларни таълим берган бир форсий байтлари эсимга тушиб қолди, шуни барча элга ва улуғ муҳтарам дўстларимга мен каминадан ёдгор, эслатма қолсин деб баён қилдим.

         Гарнаи ҳамкор бо некон зиҳам номи чи сут

         Як масиҳ иброу акмаҳ карду дигар аъвараст

         Маънои шарифи: Агар улуғлар билан хизматда ва одатда бир бўлмасанг, унга ҳамном (адаш) бўлишдан нима фойда бор. Бир масиҳ бўлса ҳунари шулки, пес ва моховни тузатади, ўзга масиҳ бўлса ҳунари ёлғон айтиш ва ҳақни ёпиш ва улуҳиёт даъво қилиш ва халқни алдашдир. Ийсо алайҳиссалам Жаброил алайҳиссаламни, Биби Марям онамизни бир бор енгларини суртишлари билан пайдо бўлдилар. Дажжоли каззоб бўлса чап кўзи суртилган коса хонаси йўқ юзи текис бир кўзлидир.

 سؤال: من السعيد؟-١٧

         17-савол: Ҳақиқий бахтли киши кимдир?

جواب: السعيد هو المؤمن الصالح القائم بحقوق الحق و حقوق الخلق. المتبع للشريعة ظاهرا و باطنا. المعرض عن زخارف هذه الدار فهو صاحب السعادة. و من له الحسنى و زيادة. نسأله سبحانه أن يوفقنا لذلك. و أن يحفظنا فى جميع المهالك.

         Жавоб: Бахтли киши у ҳақиқий мўмин, солиҳ, доимо Аллоҳ таолонинг ҳаққини бажарувчи ва одамларнинг ҳаққини адо қилгувчи, шариатнинг зоҳирий ва ботиний кўрсатмаларига эргашувчи, бу дунё зийнатларидан юз ўгирувчи инсондир. Ана шундай инсон ҳақиқий бахт соҳиби ва чиройли мукофот (жаннат) эгаси бўлиб, бу мукофотлардан ҳам зиёдроқ бўлган неъмат, яъни, Аллоҳ таолонинг жамолини кўришга мушарраф бўладирган одамдир. Аллоҳ субҳанаҳу ва таолодан барчамизни шундай улуғ мартабаларга муваффақ қилишини сўраб, барча ҳалокат ўринларидан ўз ҳифзу-ҳимоясида асрашини илтижо қилиб дуо қиламиз. Омин!

СЎНГГИ СЎЗ

         Ҳадиси шарифда Жаноби Пайғамбаримиз Муҳаммад Мустафо соллаллоҳу алайҳи ва саллам марҳамат қиладилар:

ستفترق أمتي ثلاثا و سبعين فرقة كلها فى النار إلا واحدة. قيل و من هم. قال الذين هم على ما أنا عليه و أصحابي.

         «Албатта бўлинади менинг умматим 73 фирқага барчалари дўзахда бўлади, магар булардан бир фирқаси нажот топади». Саҳобаи киромлар ул нажот топгувчи фирқа кимлардур деб сўрадилар. Жаноби Пайғамбаримиз соллаллоҳу алайҳи ва саллам марҳамат қилдиларки: «Улар мен ва саҳобаларим йўлида юрганлардур».

         Ушбу йўлдан мурод Аҳли сунна вал-жамоа (Мотуридия ва Ашъария) йўлидир. Ҳадиси шарифни син ҳарфи билан бошланиши қатъий ва муқаррарлигини билдиради. Яҳудийларни 71 фирқага, насороларни 72 фирқага бўлинишлари ҳам ҳадиси шарифда ворид бўлгандир. Ушбу 72 фирқа ҳавои нафсига берилган бўлиб, Аҳли Сунна вал-Жамоани ёмон кўрадилар ва кўп ҳукмларда мухолафат қиладилар. Калта фикрли бўлганлари учун кўп оят ва ҳадиси шарифни нафсу ҳавосига мувофиқ Мўътазила, Шиа ва ўзга тоифалар каби таъвил қиладилар. Таъвил: яъни оят ва ҳадисни ҳақиқий равшан аниқ маъноси бўлатуриб, узоқ мужмал маъноларга таъвил қилишдир. Бу фикр нотўғридир. Ҳаммамизни яратган Аллоҳ таоло Аҳли Сунна вал-жамоа йўлида собитқадам бўлишимизни насибу рўзи айласин. Омин, Я Роббил Аламийн!

         Бу жаҳонда ҳеч ким ўлмайн қолмас:

         Асар қолдирганни номи ўчмас.

«Кўкалдош» ЎМИБЮ ақоид фани мударриси
Алиакбар АБДУЛЛАЕВ таҳрири остида

Ушбу дарслар марҳум устоз Дўстмуҳаммад Насириддин Бодарий (р.а.)нинг «Ислом ақоидига доир жавоҳир сўзлар» таржима китоби асосида тайёрланди.

What you can read next

Сохта салафийлар қандай қилиб уламоларнинг китобларини ўзгартирмоқдалар
Сохта салафийлар қандай қилиб уламоларнинг китобларини ўзгартирмоқдалар
Bilim yurtida “Sogʻlom eʼtiqod va maʼnaviy tarbiya: aqida va tasavvuf uygʻunligi” mazusida TII “Aqoid va fiqhiy fanlar” kafedrasi dotsenti, falsafa fanlari doktori (PhD) Abduqodir domla Pardaev talabalarga maʼruza qildi
Ёшларимизни интернетдаги мафкуравий таҳдидлардан асрайлик
Ёшларимизни интернетдаги мафкуравий таҳдидлардан асрайлик

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP