Hikoyalarda aks etgan “qirq hadis”.
Farzandlarimiz uchun…
39-hadis
Yaxshi kiyingan bir musofir shahar yaqinidagi restoranlardan biriga kirdi. Soʻngra oshxona xizmatchisiga yaxshi tayyorlangan bifshteks va salat olib kelishini buyurdi. Taomlar keltirilgach, ozginasini ogʻziga soldiyu: “Vooooy, yana tishim ogʻriyapti”,- deya baqirib yubordi. Shu vaqtda uning oldiga qoʻliga katta sumka koʻtargan kishi yetib keldi-da sumkasidan bir kichkina shishacha chiqardi. Shisha ichidagi suyuqlikdan paxtani namlab: “Iltimos mana buni ogʻrigan tishingizga qoʻyib oling” – deya unga uzatdi. Haligi kishi uning aytganini qildi. Bir ozdan soʻng quvonchdan: “Ajoyib, ajoyib, men hech qanday ogʻriqni sezmayabman!”- deya baqirdi. Uning ovozini eshitgan atrofdagi odamlarning aksariyati ul ikkisining atrofini oʻrab olishdi. Tez orada katta sumka koʻtarib kelgan kishining sumkasidagi dorilarining barchasi sotilib ketdi. Bir soatdan keyin tishi ogʻrigan odam va dori sotuvchi poezd bekatida uchrashishdi. Poezd kelishini kutisharkan u ikkisi bu shaharda qanday yaxshi foyda qilishganini aytib, bir-birini tabriklashar edi. Xuddi shu vaqtda ularni ikki politsiya xodimlari qoʻlga olishdi. Gap shundaki, bulardan soxta dori olib tish ogʻrigʻidan xalos boʻla olmagan kishi darhol politsiyaga murojaat qilgan edi. Bu qalloblar mahkamaga keltirilgach politsiya komissari ulardan: “Sizlar qaysi dinga amal qilasizlar?” – deya soʻradi. U ikkisi yerdan boshlarini koʻtara olmasdan: “Alhamdulillah, musulmonmiz”, – deyishdi. Politsiya komissari yanada gʻazablandi va ularni jazolashga hukm chiqardi. Soʻng ikkisiga qarata sizlar Paygʻambarimiz sollallohu alayhi vasallamning:
(من غش فليس منا)
“Kim yolgʻon gapirsa bizlardan emas!” deganlarini eshitmaganmisizlar?”-dedi.
Oxunjon AHMEDOV tarjimasi
«Koʻkaldosh» OʻMIBY mudarrisi






