Xorijlik fuqarolarni oliy va oʻrta maxsus islom taʼlim muassasalariga qabul qilish alohida nizom asosida amalga oshiriladi.
Ayni paytda xorijlik fuqarolarni oʻqishga qabul qilish “Koʻkaldosh” oʻrta maxsus islom bilim yurtida joriy etilgan.
Xorijlik fuqarolar diniy taʼlim muassasalariga oʻqishga kirish uchun quyidagi hujjatlarni taqdim etadi:
– Qabul hayʼati raisi nomiga ariza;
– maʼlumoti haqidagi hujjatlarning asl nusxasi;
– sogʻligʻi toʻgʻrisidagi tibbiy xulosa;
– milliy pasport (amaldagi vizasi bilan);
– 6 dona rangli fotosurat (3,5 x 4,5 hajmdagi);
– fuqaroligi boʻlgan mamlakatning muftiysi (Agar oʻsha yurtda bunday lavozim boʻlmagan taqdirda din ishlari boʻyicha tegishli davlat boshqaruvi organi) tomonidan berilgan tavsiyanoma (yoki yoʻllanma).
Xorijlik fuqarolar diniy taʼlim muassasalariga Oʻzbekiston musulmonlari idorasi tomonidan oʻtkaziladigan ijodiy suhbat (imtihon) natijalariga koʻra oʻqishga qabul qilinadi.
Mazkur imtihon xorijlik fuqarolarni oʻqishga qabul qilish boʻyicha Oʻzbekiston musulmonlari idorasi tuzilgan Maxsus komissiya tomonidan amalga oshiriladi.
«Koʻkaldosh» OʻMIBY Matbuot xizmati






