Oʻzbekiston Respublikasi Prezidentining “Oliy maʼlumotli mutaxassislar tayyorlash sifatini oshirishda iqtisodiyot sohalari va tarmoqlarining ishtirokini yanada kengaytirish chora-tadbirlari toʻgʻrisida”gi 2017-yil 27-iyuldagi PQ-3151-son Qarorida oliy taʼlim muassasalarining tegishli taʼlim yoʻnalishlari boʻyicha har bir talabasining 2-kursdan boshlab tegishli tarmoq (soha)ning muayyan tashkilotlari va korxonalarida malakaviy amaliyotlari tizimli ravishda oʻtkazilishini, shuningdek ularning amaliy mashgʻulotlarini bevosita ishlab chiqarishda tashkillashtirish hamda bitiruvchilarni ishga joylashtirish boʻyicha aniq choralar koʻrish vazifalari belgilangan.

Mazkur vazifalar ijrosini taʼminlash maqsadida bugun 18-may kuni Oʻzbekiston xalqaro islom akademiyasida “Yangi Oʻzbekiston yoshlari – kelajagimiz va istiqbolimiz poydevori” shiori ostida “Karyera kuni” tadbiri oʻtkazildi.

Ushbu tadbirda Koʻkaldosh oʻrta maxsus islom taʼlim muassasasining “Xodimlar boʻlimi” masʼuli Axmadaliyeva Shoxida va Oʻquv ishlari boʻyicha mudir oʻrinbosari Jalolov Nodir ushbu tadbirda ishtirok etishdi.
«Koʻkaldosh» oʻrta maxsus islom taʼlim muassasasi matbuot xizmati






