SIGN IN YOUR ACCOUNT TO HAVE ACCESS TO DIFFERENT FEATURES

FORGOT YOUR PASSWORD?

FORGOT YOUR DETAILS?

AAH, WAIT, I REMEMBER NOW!
KUKALDOSH.UZ
  • LOGIN

KUKALDOSH.UZ

  • Bosh sahifa
  • Madrasa
    • Madrasa tarixi
    • Rahbariyat
    • Yotoqxona
    • Axborot-resurs markazi
  • Yangiliklar
  • Maqolalar
    • Qurʼon ilmlari
    • Aqida
    • Fiqh
    • Tafsir
    • Hadis
    • Arab tili
    • Yurtimiz allomalari
    • Islom tarixi
    • Raddiyalar
    • Axloq va tarbiya
    • Bagʼrikenglik va jamiyat
    • Elektron kitoblar
  • Taʼlim
    • 4 yillik öquv dasturi
    • Ilm talab qilish odoblari
  • Kurslar
    • Qurʼoni Karim va tajvid kursi
    • Tayyorlov kursi
  • Qabul
    • Qabul tartibi
    • Kiriş imtihonlari 2027-2028
    • Ötiş ballari
    • Topşirganlar soni
    • Imtihon duolari
  • Boğlaniş
Намоз ва уни Исломда тутган ўрни
29.05.2019 / Bo‘limda Maqolalar

Намоз ва уни Исломда тутган ўрни

Намознинг таърифи: “Намоз (الصلاة) луғатда “яхшиликни дуо қилиш” маъносида келади. Қуръони каримда Аллоҳ таоло шундай марҳамат қилади:
خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ إِنَّ صَلَاتَكَ سَكَنٌ لَهُمْ وَاللَّهُ سَمِيعٌ عَلِيمٌ
Уларнинг молларидан садақа ол. Бу билан уларни поклайсан, тозалайсан ва уларнинг ҳаққига дуо қил. Албатта, сенинг дуоинг улар учун сокинликдир. Аллоҳ эшитгуви ва билгувчи зотдир. .

Шариатда эса қироат сажда ва рукуъни ўз ичига олган ибодатдир.
Намоз уч қисмга бўлинади:
Биринчиси: Фарз намоз. Бу фарзи айн ва фарзи кифоя бўлиши мумкин.

  1. Фарзи айн – Барча мукаллафга фарз бўлган беш вақт намоз ва Жума намозидир.
  2. Фарзи кифоя – Бир қанча мукаллафлар бажарса қолганлардан соқит бўладиган фарз намоздир. Бордию, бирортаси ҳам ўқимаса ҳаммалари бароварига гуноҳкор бўлишади. Бу жаноза намозидир.
    Иккинчиси: Вожиб намоз. Бу фарздан пастроқ ва суннатдан юқорироқ ўриндаги намоздир. Бунга витр ва киришиб бузиб қўйилган намозни ўқиш киради.
    Учинчиси: Суннат намоз. Бу ҳам икки хилдир:
  3. Суннати муаккада (ротиба);
  4. Суннати мустаҳабба.
    Намоз Исломнинг асосий катта рукнларидан биридир. Зеро, Расулуллоҳ соллаллоҳу алайҳи васаллам айтганлар: “Ислом беш нарса устига бино қилинган: Аллоҳни бир деб билиш, намозни қоим қилиш, закот бериш, Рамазон рўзасини тутиш ва Ҳаж қилиш” .
    Намоз Исломнинг устуни ва тиргаги ҳисобланади. Расулуллоҳ соллаллоҳу алайҳи васаллам айтганлар: “Ишнинг боши Исломдир. Унинг устуни эса намоз ва курагининг чўққиси жиҳоддир”. Жобир розияллоҳу анҳудан ривоят қилинади: Расулуллоҳ соллаллоҳу алайҳи васаллам айтдилар: “Киши ва ширк-куфр ўртасида намозни тарк қилиш бор”.
    Аллоҳ субҳанаҳу ва таоло намозни руҳий кўтаргич қилиб шариатга киргазди. Мўмин киши унда Роббисига кўтарилади. У зотни зикри ила дуо ва муножат қилади. Аллоҳ таоло шундай марҳамат қилади:
    إِنَّنِي أَنَا اللَّهُ لَا إِلَهَ إِلَّا أَنَا فَاعْبُدْنِي وَأَقِمِ الصَّلَاةَ لِذِكْرِي
    Албатта, Мен Ўзим Аллоҳдирман. Мендан ўзга илоҳ йўқ. Бас, Менга ибодат қил ва Мени зикр этиш учун намозни тўкис адо эт.
    Шунингдек, намоз ҳиссий тўсиқ вазифасини ҳам бажаради. Мўмин кишини гуноҳ-у маъсиятлардан тўсади. Бу борада Аллоҳ таоло айтади:
    اتْلُ مَا أُوحِيَ إِلَيْكَ مِنَ الْكِتَابِ وَأَقِمِ الصَّلَاةَ إِنَّ الصَّلَاةَ تَنْهَى عَنِ الْفَحْشَاءِ وَالْمُنْكَرِ وَلَذِكْرُ اللَّهِ أَكْبَرُ وَاللَّهُ يَعْلَمُ مَا تَصْنَعُونَ
    Сенга китобдан ваҳий қилинган нарсани тиловат қил ва намозни тўкис адо эт, албатта, намоз фоҳиша ва мункар ишлардан қайтарур. Албатта, Аллоҳнинг зикри буюк ишдир. Аллоҳ нима қилсангиз билур.
    Намоз гуноҳлар ва хатоларга ҳам каффоротдир. Аллоҳ таоло айтади:
    وَأَقِمِ الصَّلَاةَ طَرَفَيِ النَّهَارِ وَزُلَفًا مِنَ اللَّيْلِ إِنَّ الْحَسَنَاتِ يُذْهِبْنَ السَّيِّئَاتِ ذَلِكَ ذِكْرَى لِلذَّاكِرِينَ
    Кундузнинг икки тарафида ва кечанинг бир бўлагида намозни тўкис адо қил! Албатта, яхшиликлар ёмонликларни кетказади. Бу эса, эсловчиларга эслатмадир.
    Расулуллоҳ соллаллоҳу алайҳи васаллам ҳам бу борада шундай деганлар: “Беш вақт намоз ва жумадан жумагача орасидагиларга каффоротдирлар”. Яъни, намозларни ўз вақтида жамоатда ва якка ҳолда ўқишлиги билан гуноҳларига каффорот бўлади.
    Абу Ҳурайра розияллоҳу анҳудан ривоят қилинади: У киши Набий соллаллоҳу алайҳи васалламнинг шундай деяётганларини эшитган эканлар: “Айтингчи, бирортангизнинг эшиги тагидан сув оқиб ўтса, у ҳар куни беш маҳал унда чўмиладиган бўлса, киридан бирор нарса қоладими?”. Айтдилар: “Киридан бирор нарса қолмайди”. У зот айтдилар: “Бу мисоли беш вақт намоз кабидир. Аллоҳ таоло улар сабабидан хатоларни ўчиради”. Яъни, киши бадани ва кийимлари кир бўлиб, уни сув поклагинидек, намозлар уни гуноҳ ифлосликларидан поклайди. Ҳатто, унинг жасадида бирорта ҳам гуноҳ қолмайди.
    Ҳадиши шарифдан ирода қилинган маъно катта-ю кичик гуноҳларни ўз ичига олади. Аммо, Ибн Баттол роҳимаҳуллоҳ айтадилар: “Ҳадисдан ирода қилинган маъно хоссат кичкина гуноҳлардир. Чунки У зот хатоларни танадаги кирга ўхшатдилар. Ҳолбуки кир йиринг ва шу каби нарсалардан кичикроқку!?”. Бу гапни Имом Муслим ривоят қилган ҳадис ҳам қўллаб-қувватлайди: Абу Ҳурайра розияллоҳу анҳудан марфуъ ривоят қилинади: “Беш вақт намоз модомики, гуноҳи кабиралар тарк қилинар экан орасидаги нарсаларга каффорот бўлади”.
    Бу шунингдек Аллоҳ таолонинг қуйидаги каломидан ирода қилинган маънодадир:
    إِنْ تَجْتَنِبُوا كَبَائِرَ مَا تُنْهَوْنَ عَنْهُ نُكَفِّرْ عَنْكُمْ سَيِّئَاتِكُمْ وَنُدْخِلْكُمْ مُدْخَلًا كَرِيمًا (31)
    Агар қайтарилган нарсаларнинг катталаридан четда бўлсангиз, гуноҳларингизни кечирурмиз ва сизни яхши жойга киритурмиз.
    Гуноҳи кабиралардан четланиб, тоат-ибодат билан машғул бўлган кишининг хатоларига каффорот бўлади. Аммо, гуноҳи кабираларга эса тавба қилиш ва надомат чекиш лозим лозимдир.
    Шунингдек, намоз ўқувчига катта куч бағишлайди. Ҳаёт машаққатлари ва катта масъулиятли ишларни қилишга куч бағишлайди. Аллоҳ таоло шундай марҳамат қилади:
    وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةٌ إِلَّا عَلَى الْخَاشِعِينَ (45)
    Сабр ва намоз ила ёрдам сўранг. Ва, албатта, у нафси синиқлардан бошқаларга жуда катта ишдир.
    Яна кишининг нафсидан ғам-ғусса ва қалбидан хафачиликни кетказади. Бу8 бораса Аллоҳ таоло шундай марҳамат қилади:
    وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ (97) فَسَبِّحْ بِحَمْدِ رَبِّكَ وَكُنْ مِنَ السَّاجِدِينَ (98)
    Албатта, Биз уларнинг айтаётганларидан сенинг дилинг сиқилишини яхши биламиз. Бас, Роббинг ҳамди ила тасбиҳ айт ва сажда қилгувчилардан бўл.
    Расулуллоҳ соллаллоҳу алайҳи васаллам Билол розияллоҳу анҳуга шундай дер эдилар: “Эй Билол! Намозни қоим қил ва бизларни шодлантир”.
    Хоссатан бугунги кунда намоз кишини эгаллаб олган хавотир, қўрқинч ва безовталикка яхшигина шифодир. Моддий ҳаётга киришиб кетиш сабаби туғёндир.
    إِنَّ الْإِنْسَانَ خُلِقَ هَلُوعًا (19) إِذَا مَسَّهُ الشَّرُّ جَزُوعًا (20) وَإِذَا مَسَّهُ الْخَيْرُ مَنُوعًا (21) إِلَّا الْمُصَلِّينَ (22) الَّذِينَ هُمْ عَلَى صَلَاتِهِمْ دَائِمُونَ (23)
    Албатта, инсон «ҳалуъ» қилиб яратилгандир. («Ҳалуъ» сўзи ҳирс, зажр, чидамсизлик ва сабрсизлик маъноларини мужассамлаштиради.) Агар унга ёмонлик етса, чидамсиздир. Ва агар яхшилик етса, кўп ман қилувчидир. Магара намоз ўқувчиларгина мустаснодир. Улар намозларида доим бўладиганлардир.
    Намознинг жуда ҳам аҳамиятли эканлигига яққол далиллар Қуръони каримнинг саксондан зиёд оятларида учрайди. Расулуллоҳ соллаллоҳу алайҳи васалламнинг кўп ҳадиси шарифлари ҳам намоз ўқишликка ундайди. Ҳатто, Расулуллоҳ соллаллоҳу алайҳи васаллам ўлим тўшагидан ётган ҳолларида ҳам намозга васият қилганлар. Анас розияллоҳу анҳудан ривоят қилинади: “Расулуллоҳ соллаллоҳу алайҳи васалламнинг омматан қилган васиятлари қуйидагича: “Намозга ва қўлингизда мулк бўлганларга (эътиборли бўлинглар)”. Расулуллоҳ соллаллоҳу алайҳи васалламнинг кўксилари титрар, тилларида эса бу сўзлар кўп такрорланар эди”.

Маҳмуд Тоҳмазнинг “Ал-фиқҳул ҳанафий фи савбиҳил жадид” асарида намоз масалаларини ёритилишида ўзига хослик (қиёсий таҳлил)
(Намознинг вожибларидан Витр намозигача)

Кўкалдош ўрта махсус ислом билим юрти
4-курс талабаси Эргашев Абдуссамининг
Битирув малакавий диплом ишидан намума

What you can read next

“Расулуллоҳ соллаллоҳу алайҳи ва саллам қиёматда менга шафоатчи ва гувоҳ бўлсинлар, десангиз...” туркумидан
“Расулуллоҳ соллаллоҳу алайҳи ва саллам қиёматда менга шафоатчи ва гувоҳ бўлсинлар, десангиз…” туркумидан 12- ҳадис
Фатво берадиган муфтий учун муҳим шартлар (3 қисм)
Фатво берадиган муфтий учун муҳим шартлар (3 қисм)
“Ҳижрат” тушунчасини сохталаштираётганлардан эҳтиёт бўлайлик!
“Ҳижрат” тушунчасини сохталаштираётганлардан эҳтиёт бўлайлик!

СЎНГИ МАҚОЛАЛАР

  • Mustaqillik — uluğ ne’mat

  • Kitoblar bilan muomala qiliş odoblari va ularni qölga kiritişga tarğib

  • ILM AMAL BILAN KAMOLGA YETADI

  • Ustoz va şogirdga umumiy bölgan odoblar

  • Kökaldoş madrasasida Xalqaro bağrikenglik kuniga bağışlangan “Zakovat” intellektual öyini taşkil etildi

ҚИДИРУВ ХИЗМАТИ

БЎЛИМЛАР

  • Bosh sahifa
  • Madrasa
  • Yangiliklar
  • Maqolalar
  • Taʼlim
  • Kurslar
  • Qabul
  • Boğlaniş

Тезкор ҳаволалар

  • Qabul tartibi
  • Kiriş imtihonlari 2027-2028
  • Ötiş ballari
  • Topşirganlar soni
  • Qurʼoni Karim va tajvid kursi
  • Tayyorlov kursi
  • 4 yillik öquv dasturi
  • Imtihon duolari

АЛОҚА

Тошкент 100208, Чилонзор тумани, Гулистон кўчаси, 37/1

+998 94 988 23 43

info@kukaldosh.uz

ХАРИТА

KökaldoşKökaldoş

Yandex xarita →Google xarita →

© 2018 - 2026. kukaldosh.uz | Ўзбекистон Мусулмонлари идораси "Кўкалдош" ўрта махсус ислом билим юрти.
Барча хуқуқлар химояланган. Сайтдан маълумот олинганда манба кўрсатилиши шарт.
АОКА интернет-ОАВ гувоҳномаси рақами: 1221

TOP